ام صتمه التركيه ايهم افضل وهل السعر حقيقي

[مولع قنص]

السلام عليكم


يا أخوان انا حصلت في محل الرمايه بالجوف ساكتون تركيه

مقاسات 36 و 45 و 85


طبعا سعر 36 780 ريال

وسعر 45 800 ريال

وسعر 85 980 ريال


ولكن ناس نصحوني ب 45 وناس ب 85


واحترت بينهم مدري وش اشتري ولي يومين رايح جاي للمحل ما رسيت على بر

انا ما تعودت على الساكتون من زمان وانا ارمي بخرازه والحقيقه اني احترت بينها


ابي النصيحه من اهل الخبره والله يوفق الجميع

[قمران المطيري]

التركيه والله ماانصحك بها عليك بالمانيه لو مقاسها ٣٤ والله تطربك

[سدير سديرك]

اللي برمايه قطع انجليزيه تجميع تركي هذا ماوردني والله العالم

مع واحد من الشباب تركيه 75 يمشي وسكروبه بمخباته كل شوي يربط

الصراحه فاشله مره الاسبانيه اقوى منها بكثر بس حالين الرمايه ماعندها اسبانيات اللي عليها العلم

وطبعى افضلها كلهم الامانيات الرميح

ان حصلة 27 تمام لدخل على كيفك اما 80 قويه مره على الدخل

تحياتي لك

[الشقردي 205]

إخوي الاسباني افضل من التركي بس الاسباني مطول على ما يجي ..



يقولون فيه دفعه اسبانيه ماراح تجي الا شهر 12 الجاي ..

[مولع قنص]

بيض الله وجيهكم يالغالين وما قصرتو

الحقيقه اني شريتها امس واليوم استلمتها من الرمايه

85 تركيه فيبر

الله يعين نستخدمها وان صار ماصار خلينا هالعيال يتعلمون عليها

[سيف وقلم]

أنا شاري موديل 85 فيبر أسود أمس من الرماية - الرياض - فرع العقيق ب800 ريال.

[ريم الفلى]

كيف الحال شباب
انا عندي التركية هتسان موديل 125 فيبر
صار لها عندي حول السنتين ما شفة منها الا كل خير
وثانياً عليها ضمان سنتين
بس في نوع نزل تركي مو شركة هتسان شركة ثانية
رديئة هي الي خربة سمعة البندق
وثانياً الهتسان معروف في ثبات الميزانية
وانا ماشفت البندق يتفكك زي ما تفضل بعض الاخوان
الكلام من باب تجربا
وشكراً

[الششو]

يعطيكم العافيه ياشباب جميعا
والله انا مجرب الالمانيه 45
ولها عندي تقريبا 25 سنه
ويمكن اكثر يعني الموديل الاول
والله انها ممتازه وكدت كد ماهو طبيعي
والحقيقه الي عنده من هذا النوع ماتملا
عينه الموديلات الجديده
صراحه ودي بساكتون تشتغل بالغاز مادري احد من النشامى عنده خبر عنها