ارجو الأفاده من الجميع

[راكااااان]

سلام عليكم جميع ياأخوان انا واحد من طيوري مات من سبوعين بأحد المرابط في الرياض وطير غالي جير حر ثنو 18,,18 ويزود شوي كنت مسافر خارج الرياض وبعد سبوعين وديته مركز الأمير سلطان قالو مانقدر نسوي شي ولا نعرف سبب موت الطير علمآ ان الطير سليم من الأمراض وصاحب المربط يقول الطير تعشا مافي شي وساعه سته صباحآ مات وش تنصحوني فيه الطير قيمته فوق العشرين الف ريال وعسا لله يعوضني احسن منه

[البيان3333]

الله يعوضك وصعب تحط بذمه شي الله يعوضك

[احمد الحاسي]

الله يعوضك بالنادر انشاء الله

[خيرها بغيرها]

وعليكم السلام
يامرحبا

الله يعوضك خير ان شاء الله اذ ما بين شي علية من الامور المقصودة مثل غص بعضم او مخنوق او شي باين انة خطاء مقصود من صاحب المربط وصاحب المربط ثقة ومعروف ومشهود لة باذكرالطيب من اصحاب الطيور
الموجودة بالمربط
واصحاب المرابط اكيد لهم نظرة تفيدك اكثر مثل التعويضات ودفع النسب لاذلك
معليك الى ان تقول لاحول ولاقوة الابالله اللهم اجرني في مصيبتي وخلف لي خيرآ منها
هاذا والله ورسولة اعلم
تحياتي

[خيرها بغيرها]

وعليكم السلام
يامرحبا

الله يعوضك خير ان شاء الله اذ ما بين شي علية من الامور المقصودة مثل غص بعضم او مخنوق او شي باين انة خطاء مقصود من صاحب المربط وصاحب المربط ثقة ومعروف ومشهود لة باذكرالطيب من اصحاب الطيور
الموجودة بالمربط
واصحاب المرابط اكيد لهم نظرة تفيدك اكثر مثل التعويضات ودفع النسب لاذلك
معليك الى ان تقول لاحول ولاقوة الابالله اللهم اجرني في مصيبتي وخلف لي خيرآ منها
هاذا والله ورسولة اعلم
تحياتي

[عاذي]

الله يعوضك بما هو خير وابرك منه .. عسى فالأمر خيرة

[برق المغيب]

الله يعوضك وانا اخوك ياللي اطيب منه ... وهذا مقدر ومكتوب

[أبو فااارس]

تعوض الله وهذا طير معرض لأي شي وواجد الطيور اللي راحت بالمرابط وأكيد ان راعين المرابط حريصين على حلال المسلمين بس فيه نقطه طيرك مربوط والا طلق؟ لأن فيه واحد من اخويانا طيره يشابك الطيور وانربط على وكره وبدون مقدمات دق راعي المربط على الرجال قال طيرك مات وتوقعو الربع انه التوى عليه جريره والله أعلم

[النااااااادر]

الله يعوضك باحسن منه

وان شاء الله فالامر خيره لك


فالك الجنه

[راكااااان]

جزاكم الله خير جميع وماقصرتو ياأخوان وبنسبه اخوي ابو فارس الطير طلق بل مربط

[حر اشعل]

الله يعوضك خير منه

[حر اشعل]

والله عزوجل صرف عنك شر يمكن بموته والله يعوضك خير منه

[ABU HAIBAH]

عسى ان تكرهوا شي وهو خير لكم وعسى ان تحبوا شى وهوشر لكم

[وسًاام]

الله يعوضك اخير منه
والطير نفس معرضه للموت في اي لحظه

[قرناس حوران]

الله يعوضك بالي اطيب منه
هاذا قدر ربي ومافيه حيله سبحانه

[صقرالحروب]

نصيحتي لك اطلب العوض من الله
وهذا حال الطيور يايموت يايغدي
الله يعوضك بالنادر

[falcon 1]

الله يعوضك بالي اطيب منه

انا صار معي نفس الموقف ...الطير على الشبة يتفلى ومافي الا العافيه .. اليوم الي بعده اشوفه على وجهه ولا ندري وشجاه , لكن قدر الله وما شاء فعل والحمد لله على كل حال

[ابو وافي00]

يعوضك الله بالي اطيب منه والله كريم
تحياتي

[راكااااان]

جزاكم الله الف خير جميع وطلب من الله الستر ولعافيه لي وجميع مسلم وماقصرتو

[فيصل السهلي.]

الله يعوضك اطيب منه ويوسع خاطرك

[الجره جديده]

ما تدري لو بكره طحت في طيرن نادر وبعته بنص مليون
اطلب من الله العوض واحسن الضن
ما لك الا طلب من الله العوض
وبالنسبه لراعي المربط مستحيل ان راعي المربط ينام والا يرتاح تلقاه حريص على حلال المسلمين
واهم شي سمعته ما يخسرها تلقاه يترك طيره ويراعي طيور خلق الله
ما اعتقد انه له دخل انا جربت ربط الطيور والله ان اللي ينربط ماهو الطير راعي المربط هو اللي ينربط وقلبه على نار لين الناس تاخذ طيورها بدون اي مشاكل
الآدمي يموت فجأه ماهو طير يمكن طايره نفس احد فيه والا شي
ان شاء الله بيرزقك الله باحسن منه
تراني تحلمت انك شبكت لك طير اشقر راسه ابيض
بس الحذيه من قيمته