عندي مشكله ؟؟؟

[سطام الحسين]

عندي ياجماعة الخير شوزن رمنتقون ام خمس 1100 اذا رميت تردف وتبقى الذخيره الفارغه معلقه ماتطلعه مع العلم الباروده نظيفه بالحيل ياليت الافاده

[راكااااان]

اخوي سطام جربت تغير نوع الطلقه في طلاق ايجي مظغوط اكثر من الازم وسبب هل مشكله هذه الي اعرفه ولباقي يفيدونك الأخوان

[ابو سفيان]

حاول تتأكد من الناتوش او النفال يمكن مكسور الساحب او الحاذف وحده منها والله اعلم او اعرضها على مختص وان كنت قريب من الطايف رح اخدمك من عنيه

[سطام الحسين]

يعطيكم العافيه على الرد بس انا جربت فيها ٣٢جرام ماتطلع الفشقه اما٣٦جرام رقم واحد تطلعها ومن احسن مايكون يقولون ان ذا السلاح مايرمي الغرمات الخفيفه والله اعلم

[ستيفنزالقصيم]

استخدم اافشق الي صفرته طويلة الي مثل 36وفي 32صفرته طويله ولي يجي صفرته قصيره هو الي يخلي الفارغ مايطلع جرب وعلمن ...بالنوفيق

[سطام الحسين]

استخدمت الفشق اللي صفرته طويله مانفع معي

[ستيفنزالقصيم]

نظفها زين بخاخ مستر مكنك تلقاه عند ساكو واذا مانفع اتوقع الخراب من اللهات الي ترفع اافشقة من المخزن لبيت النار افحصها عند محل وشف

[ابوفهيدان]

اول شي زيتها ونظفها
ثانيا - غير نوع الفشق اكيد فشقك ضعيف
مرات يجي فشق تعبان حتي وهو 36 جرام

وشوزن ليست مقنوم تعتبر لايت خفيفة 1100
المقنم 1187 موديلها