متي يكون اخراج الطير من المقيض ويكون جاهز

[قاع متعب]

:rمتي يكون اخراج الطير من المقيض ويكون جاهز

[هواي البر 2]

السلام عليكم اذا طيرك خالص مصفي الريش تقدر تنقل الطير
والله يوفقك .

[طاسان]

الطير يكون جاهز بعد نقله من المقيظ بلياقه طيبه بحوالي عشرين يوم من الدعو اليومي اذا كان الطير طلق في المربط وقابليت التطليق للطير تختلف من طير للاخر ومن فصيله لفصيله(حر، جير،شاهين،وكري)

[ابوفيحان11]

يقول راعي المثل اذا جاء الوحش انقل البيتي

[هبوب الشمااال]

افاادوك اهل الخبره

[صقار الأسياح]

اخوي تختلف الطيور الطير الهادي اللي مايكفخ عادي يطلع لو الموس ماصك اما الطير الشرس اللي يكافخ فحذاري من تطليعه لانه خطر وهذا ينطبق على الطيور كلها بانواعها اما الوقت فالطير الجاهز من الان يطلع عادي الجو بدا بالبراد

[عاشق التوام]

الإخوان ما قصروا أفادوك
وهذي إضافة بسيطة

_إن جاء المقناص وتعدت الموسيّة نصّها أنقل الطير
_إن جاء المقناص والطير باقيله مثلاً ريشتين النايفه والموسيّه ومافي شي محذوف إنقل الطير
يعني موب تكون في ريشه توها طالعه وإلا مابعد تعدت النص تنقله بحيث أن تكون الريشتين الباقيه نظيفة
_إن خذف كل الريش والمقناص مابعد جاء إنقله ولاعبه بشرط يكون الملاعب الصبح من ينباح الشوف أو قبل المغرب بساعة علشان الجو مايكون حار على الطير


تقبل مروري

[ابن بريده]

حسب اغلب الطيور يتم الموس خلال سيبتمبر وينقل وبعض الطيور يتاخر الى شهر اكتوبر لكن الصقار يفضل نقل الطير اذا عصب الموس

[الراسي.الراسي]

اذا حر ومنتصف موسه توكل على الله وانقله ودار على ريشه من الكفخ واذا شاهين الله يعينك ناس اذا شافت ريشها نضيف نقلت والشاهين ياثلاث ياثنتين فيها ومع الوقت تحذف واذا ريشها المرقع مهو مضبوط يوسر اهم شي تنقل مع المسلمبن وتدعي وتهد مع العبور

[راعي - عديم]

10 - 10 ميلادي