ياهل مكشات ومنكم نستفيد

[وارد الخير]

السلام عليكم ورحمة الله وبركاته

ياجماعة الخير عندي حر مثلوث كفاخ بس امس ركد شوي ولاعاد يكفخ مثل اول الايام لكن الطير طالت اعماركم توه مخلص كورس الالتهاب والكوكسيديا

الطير اعلفه على يدي مايعلف الا بعد وقت يشوف العلف عند مصايده ويوطي راسه عند العلف ويرفع ويوطي ويرفع لين ماينسر واذا نسر اول كم نسره ينتف اللحم قطع اصغار وبعدها يعلف بحراره ويعلف قطع اكبار بس رفع ظعطي مايعلف الا بعد 5 دقايق تقريبا اول شي يكون بارد على العلف وبعدها يحمى الين يصير حار لين مايخلص العلف

بحكم العلاج قلت بابدا بتدهيله من جديد يوم انه خلص اعلاجه وتحسن بغيتكم اتفيدوني بعلته وتعطوني طريقه ابدا بها من جديد في تدهيل الطير وانتم هل اطيور وهل خير ومنكم نستفيد

الطير صار له اسبوع عندي بس اهملته وقت العلاج الصبح اعطيه اعلاجه ويعد ساعه اعلفه وابرقع لين اليوم الثاني ومابديت النقال والتدهيل الا امس

والطير حر مثلوث فرخ طرح ايران

[ابن قرمله]

هلا اخوي وارد الخير ويشرفني ان ارد اول واحد على موضوعك جوع الطير يوم وعشه على يدك وبتلاحظ ان الطير جوعان وعلى طول بياكل وعلى هطريقه ولا تشبعه الى لين يتجاوب معك وبعد اسبوع ابعد مسافت 5 متر طبعاً في مكان مغلق زي المجلس او الصاله عشان ما ينحاش الطير وبعدها رح ركب سبب طويل وادعه على مسافت 50 متر وبعدها 100 متر الين تشوف ان الطير ارتاح لك وبعدها على الملواح حط فيها لحمه وخله يعلف من الملواح واذا انت في الرياض يسعدني ان اتواجه انا وياك في المهد ونعلم طيرك واهد طيوري وهذا رقمي 0555040316 ونتشرف بك

[قرناس حوران]

السلام عليكم
حياك الله اخوي شف وانا اخوك ترا اغلب المثاليث فيهن النزاره الا ماقل منهن يعني المكافخ تلقاه بأغلب المثاليث ومن ناحيه الكورسات لا افقه فيها شئ لاكن من ناحيه العلف طبيعي وحاول انك تعطيه علف فيه العضم والريش لانه يحاول ينتف والعضم مفيد للطير وحاول دايم انك تعلفه على ايدك
وننتضر باقي الاخوان فيه من هو اخبر مني
تقبل مروري

[وارد الخير]

ماقصرتوا عالردود الطيبه فيكم الخير

رحم الله والديكم

ابن قرمله

انا من قطر ادياركم الثانيه

[نواف الحارثي]

حياك الله أخي وارد الخير أنا عندي مثلوث فرخ وبهذلني بالمكافخ وكان وقتها الطير جفيان
وعند تصفحي بالمنتدى وقراءة بعض مواضيع الاخوان جزاهم الله خير أكتشفت أنه لازم ترفع صنعة الطير عشان مايكافخ ورفعة الطير والأن والحمدالله مسمار على التكية لايكافخ ولاشي هذا اللي عندي والاخوان برضه يعطيهم العافية ماقصرو .
تقبل مروري

[وارد الخير]

ماقصرتوا على الردود الطيبه ياهل الخير والطيب

الطيب فيكم عادة ياهل الطيب // طيب الطبايع والفعل والصقاره
لكم ياهل مكشات مني تراحيب // اعداد مادار القمر في مساره

وسلامتكم

بس ياجماعة الخير شالسبب انه ينتف اللحم وينثره وبعدها بثواني لي غدا حار عالعلف حتى العظم ياكل ولا ينثره على الارض لاحظت عليه انه يفضل العظم والجلد

قال لي واحد ان طيري فيه اقلاع لكن مستحيل كيف فيه اقلاع وهو ماينتف وينثر الا اول ماينسر وبعدها ماشاء الله حتى العظم مايخليه

[الجره جديده]

الطير منغث من العلاج
وخايف فيه راعه
وعطشان بعد
انقل الطير واسقه خله يشرب
وبعد اسبوع بيضبط اهم شي لا تروعه
وفرعه والعلف تحته على يدك طبعا اذا ما اكل برقعه
كررها بعد اربع ساعات اذا ما علف على طول اول ما تفرعه برقعه وخله لبكره
بس دام فيه علاج يا ليت ل نسور بسطه