مشكله بh1 جننتني

[اخو ديمه]

سلام عليكم ورحمة الله وبركاته
عندي اتش ون موديل 2007 قير اوتوماتك فيه مشكله ترتفع الحراره احيانا
ويفور ماء الرديتر صلحت له تصييخ رديتر وغيرة طرمبة الماء وغيرة وجه الطرمبه مادري وش الحل
اللي مرة عليه المشكله يتفضل علينا بالحل.

[ls1.5700]

هلا اخو ديمه
اسباب الحراره كثيره
نبي تفاصيل اكثر حول السياره وعداد الحراره كم يوصل
وهل هي تزود مع السرعه
المراوح هي كلتش او كهرب
هل البلف موجود او شايله
بنتظار التفاصيل لجل يفيدونك الاعضاء

[اخو ديمه]

هلا بك اخوي ls1
شاكر مرورك
بالنسبه للحراره دائم تكون تحت النص بشي بسيط علما اني شايل بلف الحرار المراوح كهرب
احيانا عداد الحراره اذا ارتفعت يرتفع الى قبل الاتش وتفور المويا يعني يطلع من القربه
وماخليت شي ماغيرته كما ذكرت سابقا تسييخ رديتر تغير طرمبة المويا تغيير الوجه حق الطرمبه لاكن لازالت
وشكررا

[ls1.5700]

شوف الحراره اذا كانت تحت النص مقبوله
لاكن توصل h فيه خلل عندك براس المحرك
شيك عليه عند ميكانيكي فاهم
80 بالميه الراس فيه تنسيم او شعر او وجيه الراس

[اخو ديمه]

رحت للورشه وشغلتها ساعة بالورشه لاكن حصلو ثلاجة المكيف مطعوجه وقريبه من الرديتر
مويا الرديتر كل يوم اعبيه ينقص
والمكنيكي يقول مافيه مشكله بالراس
والله انها جابت لي المرض

[mekshaat]

برسل لك رقم مهندس سعودي عماله اللي بالورشه فلبينيين ويشتغل بالسيارات الكوريه
ومنها الهونداي ويوضبها يعني عنده خبره فيها اتصل عليه أو مرعليه بالورشه وراح
يعرف سبب مشكلتك باذن الله ومكان ورشته بالرياض.

[ls1.5700]

مدامه ينقص المويه ولا فيه تهريب
اعلم ان المشكله عندك بالراس يمكن تغيير وجيه ويضبط
شف حبيبي افحص الراس بكرى والموتر بارد وعبيه مويه
لاتسكر الغطاء وخله 5 دقايق او اقل شوي وبعدين دوس على البانزين
وهو واقف وشوف المويه تطلع من الاديتر بقوه او لا
اذا طلع الماء بكثافه من الاديتر
اعرف ان الراس فيه مشكله
قد تكون من الوجه
او فيه ميول يحتاج مسح عند المخرطه
او فيه شعر يحتاج الا تغيير

[اخو ديمه]

بيض الله وجهك وكثر الله من امثالك

[الأمير ksa]

أخوي شف هالموضوع بيفيدك للاخ العزيز كبسولة2

http://www.mekshat.com/vb/showthread.php?t=317517 (http://www.mekshat.com/vb/showthread.php?t=317517)

أجمل تحية ’’

[اخو ديمه]

شاكر مرورك يالامير بجربها انشاء الله تفيد