المساعد الشخصي الرقمي

مشاهدة النسخة كاملة : أرجو المساعده يا أهل الخبره في الشواهين؟؟؟


GMC502
22/07/2006, 09:44 AM
السلام عليكم يا شباب

هذي أول مشاركة لي في مكشات وأتمنا ان أكون ضيف خفيف على قلوبكم.

عندي سؤال للي عنده خبره في الشواهين عندي شواهين قرانيس بكر ولين الحين ما أحذفن ولا ريشه وللعلم أني رابطهم في المقيض من شهر أربعة. أرجو المساعده في هذا الموضوع وشكرا.
سود العيون
22/07/2006, 12:42 PM
السلام عليكم
اشحالك ياطويل العمر

انصحك انك اتنزل عدتهم اشوي ثم ترفعهم وان كان عندك كورس ريش عطهم بس انصحك كانك ابتعطيهم كورس جيبلهم مراوح او مكيف لان الجو حار اوراح ايتعبهم الكورس اشوي اوحاول قبل لتمشي الكورس عطهم كورس كوكسيديه................


والله ايوفقك
GMC502
22/07/2006, 01:35 PM
هلا والله يا سود العيون

مشكور على الرد بس يا خوي جربت هذي الطريقة وما نفعت, العام كنت مقيضهن على حبوب كورس بس السنه قلت ما أريد أعودهن على الكورس.
قلب شاهين
22/07/2006, 01:41 PM
أخوي في شي لازم تعرفه وفي بعض الصقاقير مايعرفونه أو مايدرون عنه ،،

أذا قيضت طيرك على كورسات مره مرتين يصير يتعود عليهم ( الكورسات ) وبعدين مايحذف الا وأنت معطيه الحبوب ،،

وشكرا ،،
قلب شاهين
22/07/2006, 01:43 PM
وبقولك شي جربة وانشالله راح ينفع لطيورك ،

قبل لا أقولكياه أبغاك تقولي كيف قيضتهم وشلون البرودة ووش تعلفهم وعطني اشياء عنهم كثير وبعدين بقولك ،،
الابجر
22/07/2006, 04:22 PM
السلام عليكم أنصحك أنك تفحص على طيورك في المستشفى البيطري أذا فيها شي تعالجها أول وأذامافيها شي تنزلها لأخر شي وتخليه لين أحذف وأذا حذف تكرمه بوجبتين بقيا س لأن الطير بيكون ظعيف وأوصيك بفروخ الحمام ونشالله يغسل أسرع من ما تتصور والشكر للقرئه.
GMC502
22/07/2006, 06:54 PM
مرحبا والله يا صقار القصيم ويا الابجر مساكم الله بالخير

بالنسبه للمقيض مركب لهن مكيف في الغرفه والجو بارد, والاكل فري مجمد, فروخ حمام, و وروك دجاج.
أما بنسبه للفحص كل شهر أفحصهن والحمد الله ما فيهن أي شر.

تكفا يا صقار القصيم لا تبخل على !!
نواف الدشاش
22/07/2006, 09:57 PM
انا اقول يالربع مادام انه الى الحين ماحذفن لابد من الكورس لازم يلحق وقت المقيض ويحذفن . والله يعينك . وطيورك لازم تكرمهن وحطلهن الفيتامينات المطلوبه . لابد من كذا........ انا اقول الحق وعطهن الكورس ...
وشاور المري تراه ماشاء الله عليه فاهم بالصقاره والفيتو بعد
وعذروني على الأطاله
اخوك
نواف الدشاش
GMC502
22/07/2006, 10:36 PM
هلا خوي نواف الدشاش
والله يا خوي ما أريد أعطيهن كورس لأنه العام عطيتهن كورس وأمتحق الريش الجديد مع العلم أني معطيهن فيتمينات ومهتم في علفهن.
أرجو المساعده من الأخوان المري والأخ الفيتو في الموضوع!!