طارت الحبارا وراحت

[عاذي]

السلام عليكم ورحمة الله وبركاته
سؤال للجميع : اذا كنت قانص انت وربعك ومتواصل معهم عبر الجهاز وفي لحظة صمت من الجميع فقعت الحبارا من تحت السيارة ولا راحت بعيد .. وش اللي تفكر فية تهد الطير وتعلم ربعك انك هاد والا تعلمهم قبل لاتهد .....؟

[سلطان 1]

هلا اخوي عاذي
مايبيلها سؤال
وان كانها طارت من تحت موترك ووقعت عندك
فانت ثبت محلها وناااااد خويااااااك.

[(هزاع)]

اما انكان وقعت ابنادي اخوياي وخليهم يتمتعون بالمشاهد والشباب يحبون التصوير
والمقناص متعت مشاهد والخويا لهم حق

[برق المغيب]

هلا اخوي عاذي اسبرها لين توقع وانادي على خوياي والدعوة وناسة وسعة بال

[هواي البر 2]

بلا شك انادي على اصحابي وبشرهم بها

[ابوفيحان11]

صحيح بس اذا كان الوقت مسيان والارض وعره تقضبه سيوقه ولا تنادي اخوياك

[هبوب الشمااال]

على السحب المكان والوقت
والاخوياء لهم حق

[عاذي]

هلا اخوي عاذي
مايبيلها سؤال
وان كانها طارت من تحت موترك ووقعت عندك
فانت ثبت محلها وناااااد خويااااااك.

اسعدني مرورك وجزاك الله كل خير.



اما انكان وقعت ابنادي اخوياي وخليهم يتمتعون بالمشاهد والشباب يحبون التصوير
والمقناص متعت مشاهد والخويا لهم حق
تضيع الكيرمة احيانا يابو مشعل .. اسعدني مرورك .


هلا اخوي عاذي اسبرها لين توقع وانادي على خوياي والدعوة وناسة وسعة بال
وكان الشوف دون شوي وريشة الجهاز عيت تشتغل .. رزقك ربي بالحباري هالسنة .. آمين.

بلا شك انادي على اصحابي وبشرهم بها

بشرك الله بالجنة.


صحيح بس اذا كان الوقت مسيان والارض وعره تقضبه سيوقه ولا تنادي اخوياك

لا والله اقضبة اسبوقة واناديهم


على السحب المكان والوقت
والاخوياء لهم حق

وجهة نظر في محلها .. الله يرزقك بالحباري هالسنة .

[ااااابو فيصل]

الحق عليها لا تبتعد وتخسر المريقه والشباب بيلحقون خير

[(بوسلطان)]

إذا وقعت قريب ومبروكه بكفخ ألطير عليها وبنادي الربع ونتجمع وبهد عليها

[الجره جديده]

والله اذا الارض ما تساعد يعني وعر والحبارا فقعت مفقاع وما وما وقعت ابي اهد واذا ما هديت بيزعلون اخوياي
لان اهم شي التصرف السليم الربكه والعجله ما تجيب نتيجه
واذا كانت الارض تساعد وتعطي قصص ابي اخلي الحبارى يسار مني واسبرها واصيح للعيال
لين اشوف ان ما فيه الا حلين يا تضيع يا اهد عليها ذيك الساعه اعطي الطير سبوقه
بس اشك ان علومنا هذي بتضيع لا شفناها والا فقعت قدام احد منا

[ابن بريده]

والله انا واجهت ربع في المقناص وخويتهم ولقوا حباري وهدوا عليها قبل اجيهم وعند ماعاتبتهم قالوا هذا طبعنا من وجد حبارا يهد وهم من دوله خليجيه مجاوره

[أبومحمد عنيزة]

انت خلنا نشوفه الحين وبعدين تسهل

[الراسي.الراسي]

والله الحبارى تخلف ان كانك راكد بتدعي الي معك يسبرون والا يخلون عليك هع.
واذا فيك طفاقه لاحول ولاقوة الابالله

[عاذي]

الحق عليها لا تبتعد وتخسر المريقه والشباب بيلحقون خير

اي والله المريقة حلوة

[عاذي]

والله اذا الارض ما تساعد يعني وعر والحبارا فقعت مفقاع وما وما وقعت ابي اهد واذا ما هديت بيزعلون اخوياي
لان اهم شي التصرف السليم الربكه والعجله ما تجيب نتيجه
واذا كانت الارض تساعد وتعطي قصص ابي اخلي الحبارى يسار مني واسبرها واصيح للعيال
لين اشوف ان ما فيه الا حلين يا تضيع يا اهد عليها ذيك الساعه اعطي الطير سبوقه
بس اشك ان علومنا هذي بتضيع لا شفناها والا فقعت قدام احد منا

اهم التفكير الصحيح والا العجلة واردة

[عاذي]

والله انا واجهت ربع في المقناص وخويتهم ولقوا حباري وهدوا عليها قبل اجيهم وعند ماعاتبتهم قالوا هذا طبعنا من وجد حبارا يهد وهم من دوله خليجيه مجاوره

كلن وطبعة واتفاق ا؟لأخويا

[عاذي]

انت خلنا نشوفه الحين وبعدين تسهل

الله يرزقك بالحباري اللي تشبع رغبتك

[عاذي]

والله الحبارى تخلف ان كانك راكد بتدعي الي معك يسبرون والا يخلون عليك هع.
واذا فيك طفاقه لاحول ولاقوة الابالله

لكل حادث حديث والظروف تحكم

[فيصل الذيب]

ابي اهد عليها بلا شك لاصار طيري جاهز وهي طايره

لين الحبارى مطيرها واحد وياما حباري سبرناها لين وقعت ندورها 10 سيارات ماعيناها

الحبارى مطيرها واحد اذا الله وفقك وامداك تهد ومعك فرصه لاتنتظر هد وعلم اخوياك

هذا من واقع التجارب


تقبل مروري

[عاذي]

ابي اهد عليها بلا شك لاصار طيري جاهز وهي طايره

لين الحبارى مطيرها واحد وياما حباري سبرناها لين وقعت ندورها 10 سيارات ماعيناها

الحبارى مطيرها واحد اذا الله وفقك وامداك تهد ومعك فرصه لاتنتظر هد وعلم اخوياك

هذا من واقع التجارب


تقبل مروري

ولكن بعض الناس يعتبرها شئ ثاني مع اني اتفق معك في جميع ماقلت .

[النشمي505]

السلام عليكم الكل قال اللي يشوفه صح .اما عن رايي
الصقار بيعرف من طيار الحبارى اذا انها عازم او طيارها طيار اللي تبي اطبح
وهنا بيعرف اذا انها غر يركد لين توقع ويسبرها لين يجون ربعه اما اذا انها امن الخريش هد ونا اخوك واذا فرطها طيرك لا تعلمهم بشي :) وعسى ربي يجيبها ويرزقني بحبارى ويرزق كل راعي طير بصيدها

[عاذي]

السلام عليكم الكل قال اللي يشوفه صح .اما عن رايي
الصقار بيعرف من طيار الحبارى اذا انها عازم او طيارها طيار اللي تبي اطبح
وهنا بيعرف اذا انها غر يركد لين توقع ويسبرها لين يجون ربعه اما اذا انها امن الخريش هد ونا اخوك واذا فرطها طيرك لا تعلمهم بشي :) وعسى ربي يجيبها ويرزقني بحبارى ويرزق كل راعي طير بصيدها

الستر زين .. سلمك الله وعافاك

[بروفيسور]

التفرج علي الطير يوسع الصدر

[نقوة الغوش]

اهد عليها وانادي اذا كانت مواريها مواري الطيران
اما اذا كانت راكده فا اجهز طيري وانادي الخويا
وعساء الله ينولنا هالسنة من مرقه
بالتوفيق ان شاء الله

[محمد النعيمي]

تثبت مكانها واتنادي ربعك الا اذا كان مطيرها عازم لا بالله هد او علمهم