اخوانى الطواريح اخوكم من الرياض وعندى استفسار صغير

[مطارد الوحش]

اول شى السلام عليكم ورحمة الله وبركاته , واحمد الله على اتمام التسجيل فى المنتدى الغالى على قلبى

وهذه اول مشاركة وان شاء لن تكون الأخيره :) , وابغى النصح من اخوانى هواة طرح الطيور

اخوكم من الرياض وعندى اجازة وجاى ببالى اروح للساحل الغربى وبالضبط للمجيرمة من كثر ما قريت عن طرح الطيور فيها وبالأخص فروخ الشواهين وهى عشقى , لذا يا ريت الأخوان اهل الخبرة يعطونا معلومات عن المنطقة واماكن العبور فيها وهل المنطقة تكون مزحومة من الطواريح وقت العبور ؟ وهل أحصل حمام وقمرى للبيع هناك أو اجيب حمام معى من الرياض وبالنسبة للمبيت هل فيه استراحات قريبة للأيجار , ومتى يفضل التوجه الى هناك ؟

كذلك يا ريت ايضا اهل الخبرة يدلونا بأقرب مكان الى مدينة الرياض تعبر منه الطيور

وشاكر للجميع مقدما

[وكري الشمال]

حياك الله اخوي
والله انا مثلك ادور واحد يعطينا معلومات عن مجيرمه
لاكن ما يقصرو الاخوان لاني ناوي السنة هاذي اقنص مجيرمة
وان شاء الله متوجهه لها في 1 اكتوبر

[صقار الأسياح]

اخوي سوال كذا ماتفيد لو اعطوك وصف للمكان وانا عن نفسي والله ما اعرف شي عن الطرح لاكن نصيحه لازم تخاوي طواريح اول شي لان الطرح ماهو بالشي السهل اول شي خاو الطواريح كان تعرف احد

[قرناس حوران]

السلام عليكم
كل ديره ولهم عادات وتقاليد في القنص واهل مجيرمه كلهم طواريح وطرح الطيور ماهو بالشكل الي انت تتصور وهناك رموز بين الطواريح وتختلف من منطقه لمنطقه
وبالاخير هي ارزاق من الله ويفيدونك اهل الساحل

[هم الشمالي]

والله ونا اخوك المجيرمه اذا ماتعرف احد اهناك انصحك لاتروحله خصوص ونت اعليمي اذا تبي تقنص عليك بالشمال يم الحفر وعرعر ومثل ماقالو الاخوان دورلك خوي يكون عنده خبره ويدل الديار وكلن ياخذ رزقه

[اسلي نفسي]

:good2::good2::good2::good2::good2:

السلام عليكم
كل ديره ولهم عادات وتقاليد في القنص واهل مجيرمه كلهم طواريح وطرح الطيور ماهو بالشكل الي انت تتصور وهناك رموز بين الطواريح وتختلف من منطقه لمنطقه
وبالاخير هي ارزاق من الله ويفيدونك اهل الساحل

[مطارد الوحش]

حياك الله اخوي
والله انا مثلك ادور واحد يعطينا معلومات عن مجيرمه
لاكن ما يقصرو الاخوان لاني ناوي السنة هاذي اقنص مجيرمة
وان شاء الله متوجهه لها في 1 اكتوبر

الله محييك صرنا اثنين نبى مجيرمة وشاكر مرورك

[مطارد الوحش]

اخوي سوال كذا ماتفيد لو اعطوك وصف للمكان وانا عن نفسي والله ما اعرف شي عن الطرح لاكن نصيحه لازم تخاوي طواريح اول شي لان الطرح ماهو بالشي السهل اول شي خاو الطواريح كان تعرف احد

بارك الله فيك على النصيحة

[مجهم]

بالنسبه لي عن المجيرمه والساحل ماعندي اي خلفيه
لكن بالنسبه اقرب شي لرياض الرمحيه ومن وراها لصداوي
واذا تبي الراي احتك بالطواريح وتعلم وانا رايي طرح الطيور ارزاق والامثله كثير
الله يوفقك ويرزقك يارب بالنادر ويرزق كل طاروح
وتقبل تحياتي

[مطارد الوحش]

السلام عليكم
كل ديره ولهم عادات وتقاليد في القنص واهل مجيرمه كلهم طواريح وطرح الطيور ماهو بالشكل الي انت تتصور وهناك رموز بين الطواريح وتختلف من منطقه لمنطقه
وبالاخير هي ارزاق من الله ويفيدونك اهل الساحل


فعلا اخى الكريم والمعرفة بهذه الرموز يقينا الكثير من الحرج

[مطارد الوحش]

والله ونا اخوك المجيرمه اذا ماتعرف احد اهناك انصحك لاتروحله خصوص ونت اعليمي اذا تبي تقنص عليك بالشمال يم الحفر وعرعر ومثل ماقالو الاخوان دورلك خوي يكون عنده خبره ويدل الديار وكلن ياخذ رزقه

والله والنعم بالشمال واهله وكذلك اهل الغربية وفى أخر الأمر كلنا ابناء الوطن الواحد ان قنصنا غرب ولا شمال

وشاكر مرورك

[الروووقي511]

اخوى نصيحة لاتروح لمجيرمه بعيده عنك والعام الطرح فالدبدبه والصداوى اكثر بكثير من مجيرمه وانا اعرف مجيرمه زين خل مقناصك من الرياض الى الدبدبه وجة نظري

[مطارد الوحش]

بالنسبه لي عن المجيرمه والساحل ماعندي اي خلفيه
لكن بالنسبه اقرب شي لرياض الرمحيه ومن وراها لصداوي
واذا تبي الراي احتك بالطواريح وتعلم وانا رايي طرح الطيور ارزاق والامثله كثير
الله يوفقك ويرزقك يارب بالنادر ويرزق كل طاروح
وتقبل تحياتي

والله يا اخوك العام على طرف روضة خريم الجنوبى شفت حر كان ممرح على زبرة تراب و كان الوقت الصباح وعلى شقة الضو بس للأسف حس بالموتر وطار وانا ابعد عنه حول 500 متر وتوجه جنوب يم الحزوم وهى ارزاق

[Abu Al Bara]

السلام عليكم ...

عليك بالدبدبه ... لو تمشي الساعه 1 الظهر تلحق مقناص المغرب ... 380 كيلو .. مع طريق رماح ...
سهل ومكان عبور ... وطويورها اغلبها شياهين ...

واذا اول مره تقنص ... خاو الطواريح ..

بالنسبة لمجيرمه ... والله ما اعرفه ولا جيتها ... طواريحها واجد وطيورها واجد ... الله يرزقك الجميع ,,,

وقرب المقناص ياللي تحترونه ... مابقى الا عدة ايام وليالي

[بدر العتيبي2]

[CENTER]الله يحيك بين اخوانك واهلك مجيرمه ماهي الاوله اختلفت الارض وعقوم واجد بالصبخى بسبة البلاع لكن ماحد يدري لو ان رزقك بمجيرمه والطير وفقه وصدفه والله يكرم عباده واما الحمام تشريه من سوق الحمام اللي بجده واي استفسار انا حاضرR]

[عاشق التوام]

وعليك السلام ورحمة الله وبركاته

عز الله الإخوان ما قصروا بيض الله وجيههم ووجهك يامطارد الوحش

وتأكيداً على كلامهم
-الرزق على الله وحنّا حضرنا وسمعنا طرح طيور في أماكن ماتدخل العقل وطرق بعد ما حد توقعها
-أهم شي أن يكون لك علاقة ومعرفة بأي أحد من اللي يقنصون المنطقة
-محطة مجيرمة فيها أقرب غرف إيجار للمنطقة ولكن لازم تعرف لك أحد هناك ينسق لك السكن فيها لأنها تمتلي قنوص وشبّاكه وأحيان ما تلقى لك فرصه فيها
-غالباً الإختلاف بين المناطق في الشباكة والمقناص ما يكون في السلوم والعرف ولكن يكون في المسميات والمصطلحات مثلاً: (تشغيل الأنوار) إن لقيت لك طير وحش ما أعتقد إن في منطقة تختلف عن منطقة بهذا العُرف
-منطقة مجيرمة إختلفت كثير بالنسبة لجغرافية مواقع طرح الطيور ولكن مازالت تطرح فيها طيور ولكن أقل من عهدها السابق
- الحمام والزريق عامةً إن قدرك الله جيب كفايتك معك من الرياض أضمن لك بإذن الله لأن أحيان السوق عندنا يسوون لزريقه إبادة ما شاء الله عليهم يعني أحيان نلقى به زريق وحمام وأحيان ما نلقى ^^

سامحني على الإطالة وتقبل مروري

[ااااابو فيصل]

تكفون يالطواريح خذوني معكم حول الرياض الله لاهينكم وتراني خوي انحط على الجرح يبرى ياني فديتكم ...اخوكم ابو فيصل جوالي بعد اذن الادارة 0555777521

[راعي المطافيل]

السلام عليكم ...

عليك بالدبدبه ... لو تمشي الساعه 1 الظهر تلحق مقناص المغرب ... 380 كيلو .. مع طريق رماح ...
سهل ومكان عبور ... وطويورها اغلبها شياهين ...

واذا اول مره تقنص ... خاو الطواريح ..

بالنسبة لمجيرمه ... والله ما اعرفه ولا جيتها ... طواريحها واجد وطيورها واجد ... الله يرزقك الجميع ,,,

وقرب المقناص ياللي تحترونه ... مابقى الا عدة ايام وليالي


الدبدبه مو اغلب طيورهااا شياهين اغلبهاااا حرار وانباعت باسعار خياليه
غرب وادي الباطن تسمى فقاره الشعيب اغلب الطرح شياهين
شرق حفر الباطن الدبدبه حرار الغالب
مجرد تصحيح معلومه
والدبدبه واسعه وكبيره للي يبغى الوسع

[راعي المطافيل]

تكفون يالطواريح خذوني معكم حول الرياض الله لاهينكم وتراني خوي انحط على الجرح يبرى ياني فديتكم ...اخوكم ابو فيصل جوالي بعد اذن الادارة 0555777521

يا خوووووووووووك خوتك تونس وتنشرى لكـــــــــــــــن لازم تعتمد على نفسك

[حر اشعل]

المقناص قي كل محل والله الرازق

[حر اشعل]

حبيت أسئل سؤال كيف أكتب موضوع في منتدى مكشات الغالي علينا