المساعد الشخصي الرقمي

مشاهدة النسخة كاملة : الدفلك الخلفي للشاص


عكس التيار
11/09/2012, 08:49 PM
مساااء الخير ياشباب


عندي شاص سعودي 2010 اول ماشريته كان كل شي تمام لكن بعد وقت خرب الدفلك الخلفي ولمبة الطبلون الخاصه بالدفلك الخلفي تأشر فقط بدون ماتثبت عكس الدفلك الامامي ثابته وشغال

الكلام هذا له سنه تقريبا المهم الحين البراد معد باقي له شي باذن الله الله يمتعنا بالصحه والعافيه ويمد باعمارنا وياكم على طاعة ربي والكلام يا اخواني ابي ورشه تضبطه لي وترجع زي ماكان لاني حاولت وفكيته ونظفته من الاملاح الموجوده داخله ورجعت وجربته وما اشتغل للاسف

انا موقعي الرياض

ولا احد يقول لي كلم المبارك اللي في الشفا لاني كلمته وكانت اخلاقه زفت وصرفني الله يهديه
sgl2002
11/09/2012, 10:09 PM
هذا طال عمرك دايما بالشاص

افصل اصبع البطارية السالب

ونظف حساس الدفلك اللي بالدفرنس ورا

واشبكه وخلاص

وللمعلومية هذي حركة المبارك

لان الدفلك ضروري اسبوعيا تشغله مره وحده عشان مايتجمع الوصخ على الحساس
عكس التيار
12/09/2012, 11:56 AM
اخوي انا فكيته كله ونظفته بالهوا وبمزيل الصدا لأنه مثل ماقلت الرطوبه تجتمع وتسبب املاح وصداء عليه ورجعت ركبت كل شي وجربت مانفع لكن بسوي مثل ماقلت وبفصل السالب لكن وين حساس الدفلك فيه ياليت تصوره او تعلمني مكانه
قمر سدير
12/09/2012, 03:52 PM
ياليت تعلمنا الحركة اللي تضبط معك


لان عندي gxr 2001 ونفس النظام تاشر اللمبة

ياليت الشرح ي اخوان

بحكم البعد عن المبارك

جزاكم الله خير
BLAZER91
12/09/2012, 07:24 PM
ياغالي انا عندي نفس مشكلتك خرب الدفلك الخلفي ونضفته وشحمته ولا اشتغل وللاسف قيمة الدينمو الخلفي حول 2300 قبل الخصم وهو يخرب من المويه والغبار وكنت اشغله اسبوعيا علشان مايخرب وللاسف خرب واخذت واحد من التشليح وطلع خربان والظاهر لازم جديد افضل
BLAZER91
15/09/2012, 03:45 PM
السلام عليكم احد له تجربه في اصلاح الدينمو حق الدف لك
عكس التيار
15/09/2012, 07:02 PM
والله يابليز اني متوهق مثلك وماودي اروح الوكاله لازم تخلي الموتر عندهم اقل شي اسبوع وثانيا بيصلخونك صلخ ومايرحمونك

لكن ذكر لي واحد من الشباب ورشة الموسى يقول يمكن يضبطونه لك ونحتري الشباب يجيبون لنا علمها
BLAZER91
16/09/2012, 06:45 PM
والله ياغالي انا فكيته عند واحد ممتاز الدينمو هو الي دايم يخرب وقيمته 2300 ريال والله يعين بس
عكس التيار
23/09/2012, 11:46 AM
والله ياغالي انا فكيته عند واحد ممتاز الدينمو هو الي دايم يخرب وقيمته 2300 ريال والله يعين بس


اخوي بليزر ابشرك صلحته كلفني 550 ريال
BLAZER91
23/09/2012, 02:20 PM
بشر وش طلع فيه وعند من صلحته لان شريت واحد ثاني من التشليح ب400 ريال واشتغل بس كنه ضعيف شوي يبيله تنضيف