هذا طلبها ذاك ماله بها شف......الحل ورقة المشترى بالبلوت ............حله عطري والجوال

[ابو ماجد 2]

بسم الله الرحمن الرحيم

السلام عليكم ورحمة الله وبركاته


لغزٍ غطاته يابن الاجواد شرشف=شفاف ياللي للخفايف تعزه
لغزٍ ومن سقته به الريق ينشف=من خوف لا السياف راسه يجزه
بنتٍ عقب عشرين شيفت تكشّف=مابين خطاطيبٍ عيونه تقزه
هذا طلبها ذاك ماله بها شف=هذا لغيره شوف عيني يدزه


مع تحيات ابو ماجد

منتديات مكشات . خيمة الالغاز

[عطري]

و عليكم السلام و رحمة الله و بركاته
صح لسانك يالفارس على هالزين كأني بك ودك ...مثل مايقول الهيل الله يحفظه أخضر
مرور سلام وإشادة أخاف انشغل في أي لحظة
و التفكير جارٍ

[ابو ماجد 2]

و عليكم السلام و رحمة الله و بركاته
صح لسانك يالفارس على هالزين كأني بك ودك ...مثل مايقول الهيل الله يحفظه أخضر
مرور سلام وإشادة أخاف انشغل في أي لحظة
و التفكير جارٍ


كلٍ بواد الحب ينهل ويرشف=والكل له عشقٍ يهزه يهزه
ونا التي ياسيدي لي بها شف=أم العيال اللي لها القلب فزه


هلا بك ملايين
ويالله صبحه بالخير
الظاهر ادمنت على شيء اسمه عطري مع هالصبحيات
بس مااحلاه من ادمان
تشرفت بمرورك يالغالي
وانتظر مرماعك

[عساف الضاري]

وعليك السلام ورحمة الله وبركاته
صح لسانك ملايين يازعيم
وصبحك الله بكل خير ياابوماجد
مبدع الله لا يضرك
حبيت اصبح عليك يالغالي والرمعه يعقله الله
احترامي وتقديري لكم

[ابو ماجد 2]

وعليك السلام ورحمة الله وبركاته
صح لسانك ملايين يازعيم
وصبحك الله بكل خير ياابوماجد
مبدع الله لا يضرك
حبيت اصبح عليك يالغالي والرمعه يعقله الله
احترامي وتقديري لكم

هلا بالزميل القديم الجديد
صباح النور
صح بدنك يالغالي
والابداع عندكم يالغالي بس مااطعمتنا منه
هلا بك اكثر
وفي انتظار مرماعك

[عطري]

كلٍ بواد الحب ينهل ويرشف=والكل له عشقٍ يهزه يهزه


ونا التي ياسيدي لي بها شف=أم العيال اللي لها القلب فزه



هلا بك ملايين
ويالله صبحه بالخير
الظاهر ادمنت على شيء اسمه عطري مع هالصبحيات
بس مااحلاه من ادمان
تشرفت بمرورك يالغالي
وانتظر مرماعك


أنت هالحين تشجعني لزيارة الضلع لا بأس أبدأ المناورة بهذه الرمعة المدحدرة :
برج المملكة أو الفيصلية
مرتفعات مثل الضلع

[ابو ماجد 2]

أنت هالحين تشجعني لزيارة الضلع لا بأس أبدأ المناورة بهذه الرمعة المدحدرة :
برج المملكة أو الفيصلية
مرتفعات مثل الضلع


ههههههههه
لا لا تخاف الضلع محافظه غير متواجد الصبح
لذلك يتعذر الذهاب اليه صباحا
مالك لوى يالغالي
وابعد عن جميع المعالم

[ا لجوا ل]

صباح الخير يابو ماجد

مع اني مالي بلعبة الورق
بس فيه لعبه اللي يتعدا ال21 يخسر ويطلع من اللعبه
يمكن هي

[العارض 1]

نوع من النبات اوالثمار ينصج بعد عسرين يوم

[ابو ماجد 2]

صباح الخير يابو ماجد

مع اني مالي بلعبة الورق
بس فيه لعبه اللي يتعدا ال21 يخسر ويطلع من اللعبه
يمكن هي

صباح النور يابو رمزي
مااقول الا انت شريك اللي يسوق الرمعة الذباحه
واتمنى ان تاتي منك ليكون الحل لك خالصا

[صقر السديرات]

صح لسانك فارسنا
رمعة مبدئية من واحد مقيم في الضلع ما اقام عسيب
ماتكون الحسابات
اللي تنزل اخر الشهر
دمت بخير

[ابو ماجد 2]

نوع من النبات اوالثمار ينصج بعد عسرين يوم

هلا بك يالغالي
هل انت العارض اللي كان بيني وبينه تواصل
انا شفت تسجيلك واستبعدت ان يكون انت
على العموم حياك الله ورحم الله والدك كان له نشاط بالالغاز ان كنت نفس اللي اقصده
مالك لوى يالغالي
ولا تبعد عن رمعة ابورمزي فقد اتى بنصف الحل

[ابو ماجد 2]

صح لسانك فارسنا
رمعة مبدئية من واحد مقيم في الضلع ما اقام عسيب
ماتكون الحسابات
اللي تنزل اخر الشهر
دمت بخير


هلا بك يابو فيصل
اقول لعطري الصبح ماهنا ضلع فالمحافظ غير متواجد
هههههههههه
حياك يالغالي
مالك لوى ولا تبعد عن رمعة ابو رمزي ففيها نصف الحل

[عطري]

مساك الله بالخير ياأبا ماجد
رمعة أخرى:
التقاعد المبكر
توي انتبه لردك على أبي رمزي

[ابو ماجد 2]

مساك الله بالخير ياأبا ماجد
رمعة أخرى:
التقاعد المبكر
توي انتبه لردك على أبي رمزي



اسعد الله جميع اوقاتك
التقاعد مالك لوى
ورمعة ابي رمزي وجهته لقبلة الحل ننتظر نحره
تحيتي لك وتقديري

[البواردي05]

صح لسانك
رمعة جت محدرة:D:D
لعبة ورقة كوتشينية
اربعة اماكن لعمل اكوام من البطاقات تصل بكل منها
الى 21 نقطة كمجموع الورق! لكن اذا زاد عن 21 فسوف تفقد الكومة كلها!

[تميمي.1]

صح لسانك يازعيم
ووش رايك في الورقه اللي ينزلها اللاعب اللي قبلك في الكن كان
ومايحقلك تستفيد منها الا بعد عشرين ورقه
وان كانها صادت فالحل عند ابو رمزي
تحياتي

[ابو ماجد 2]

صح لسانك
رمعة جت محدرة:D:D
لعبة ورقة كوتشينية
اربعة اماكن لعمل اكوام من البطاقات تصل بكل منها
الى 21 نقطة كمجموع الورق! لكن اذا زاد عن 21 فسوف تفقد الكومة كلها!


صح بدنك يالغالي
مابعد صدته
وهذي تكشف . والخطاطيب من حولها ممكن بين هالثلاثة مواقف الوارده باللغز
هذا طلبها ذاك ماله بها شف ....هذا لغيره شوف عيني يدزه

[ابو ماجد 2]

صح لسانك يازعيم
ووش رايك في الورقه اللي ينزلها اللاعب اللي قبلك في الكن كان
ومايحقلك تستفيد منها الا بعد عشرين ورقه
وان كانها صادت فالحل عند ابو رمزي
تحياتي

هلا بالمبدع
الحمدلله على السلامه
مازال طليق
وارجع لردي على البواردي

[البواردي05]

:(وانا قلت إني جبته:(
لا تلومني عندي محاضرة تشريح:cool:
ما من لياقة

[عطري]

رمعة الكنكان زينة

[ابو ماجد 2]

:(وانا قلت إني جبته:(
لا تلومني عندي محاضرة تشريح:cool:
ما من لياقة


هلا بك يالغالي
وانتم تدورون حول الحمى
لكن لاتنس المواقف الثلاثه التي ممكن تصدر من الخطاطيب

[ابو ماجد 2]

رمعة الكنكان زينة

مااطلبه هو جزئية من لعبة
انتظر مرماعك القادم

[البواردي05]

طيب ماتجي لعبة البلوت
الصن بحيث انه 26

[عطري]

هل أحد ذكر البلوت
أشوف الشباب يلعبون واحد يوزع و يكشف ورقة بعد ما ياخذ كل واحد خمس يصبح المجموع عشرين اللي بعده يقول بس و الثاني ياخذها والثالث ....
ما أعرف البلوت امكن هي

[ا لجوا ل]

ماعليش يا بو ماجد جيت متاخر
والحل هو توزيعة البلوت والورقه المكشوفه
وجابها الاخ عطري

[العارض 1]

هلا بك يالغالي
هل انت العارض اللي كان بيني وبينه تواصل
انا شفت تسجيلك واستبعدت ان يكون انت
على العموم حياك الله ورحم الله والدك كان له نشاط بالالغاز ان كنت نفس اللي اقصده
مالك لوى يالغالي
ولا تبعد عن رمعة ابورمزي فقد اتى بنصف الحل


لا ماهو انا
ورحمه والديك

[ابو ماجد 2]

طيب ماتجي لعبة البلوت
الصن بحيث انه 26



اقتربت ولكن لايزال طليق

[ابو ماجد 2]

هل أحد ذكر البلوت
أشوف الشباب يلعبون واحد يوزع و يكشف ورقة بعد ما ياخذ كل واحد خمس يصبح المجموع عشرين اللي بعده يقول بس و الثاني ياخذها والثالث ....
ما أعرف البلوت امكن هي

هلا بالعطر الفواح
اجهزت عليه
صح لسانك
الجوال اتى بالنصف وانت انهيته
صح لسانك
ياعطري وصح لسانك يالجوال
نعم
ورقة المشترى بالبالوت
توزع عشرين ورقه على الاربعة ولا يكشفن وبعدهن تكشف واحده
والمشترى اما صن او حكم وهذا ماقلت عنه طلبها او مامكن يقول ولا وكما قلت عنه يعافه والاحتمال الثالث يقول اشكل وهذا الذي للغير يدزه
بيض الله وجهك انت وابو رمزي

[ابو ماجد 2]

ماعليش يا بو ماجد جيت متاخر
والحل هو توزيعة البلوت والورقه المكشوفه
وجابها الاخ عطري


صح لسانك انت وعطري
تعاونتوا عليه وقوم تعاونوا ماذلوا
لله دركم جميعا

[عطري]

هلا بالعطر الفواح

اجهزت عليه
صح لسانك
الجوال اتى بالنصف وانت انهيته
صح لسانك
ياعطري وصح لسانك يالجوال
نعم
ورقة المشترى بالبالوت
توزع عشرين ورقه على الاربعة ولا يكشفن وبعدهن تكشف واحده
والمشترى اما صن او حكم وهذا ماقلت عنه طلبها او مامكن يقول ولا وكما قلت عنه يعافه والاحتمال الثالث يقول اشكل وهذا الذي للغير يدزه
بيض الله وجهك انت وابو رمزي


صبحك الله بالخير يا أباماجد
و كفوك الطيب
و البركة في الجوااااال وجهني الوجه الصحيحة
و أعتذر عن التأخر في الرد نسيت إني كنت في يوم الأربعاء
الخميس و الجمعة إجاززززززززة
في حفظ الله و رعايته