ثلاث رحلات في اسبوع واحد (والعبره في الخواتيم) الــعــقــيــر

[toop1]

السلام عليكم ورحمة الله وبركاته

يسعد مسائكم وصباحكم على حسب وقت دخولك :D

اول حاجه احب اعتذر عن الانقطاع ~>> مقطع المواضيع :p

كانت بدايتي بموضوع بعدها حصل انقطاع وكنت اروح احدق ونصيد الحمدلله

ولكن مايكون فيه اخراج او تصوير نحمد الله على كل حال والجاي بأذن الله افضل

شهر شوال كان شهر جميل بالنسبه لي وكانت الاعياد كثيرهـ اولها عيد الفطر المبارك

وثانيها عودة الاسماك لشـاطئ العقيـر الجميل :good2: ..

كانت فيه اكثر من رحله خطافيه في الايام الماضيه بس ماتم تصويره الا اخر ثلاث رحلات فقط ;)

في البداية طريقة الصيد كانت عن طريق السنانير والمد والتبييت

المد كان خيط 90 والطعم كان الله يكرمكم مصران دجاج

والله مارزقنا في الرحلة الاولى ولم يتوفر المصران في الرحلات الي بعدها وتم الغاء فكرة المد

السنانير كانت خيط 50 و 40 والميدار 13 والطعم ربيان اخضر

والاشكال منوعه في العصي ولكن المكاين كلها بنكس

والتبييت خيط 80 والطعم صدور دجاج وكانت في اخر رحلة فقط

اعتذر لقلة الصور في كل التقارير للانشغال بالصيد



الرحلة الاولى تاريخ 11-12 شوال 1433هـ
يوم الاربعاء والخميس من الساعه 6م الى الساعه 6ص
كان وقت الصيد قليل جداً من الساعه 1:45ص الى 2:20ص
وبعدها وقبلها مافيه صيد
وكانت الحصيله 16 - 17 شعم احجام حلوه
كان موجود مد والطعم مصران دجاج ولم يرزقنا الله بشئ الحمد لله
صورتين فقط واعتذر لذلك

ماشاء الله تبارك الله

1

http://im24.gulfup.com/2012-09-12/1347456998481.jpg (http://www.gulfup.com/show/X9fhkr6mgdgsowk)

2

http://im24.gulfup.com/2012-09-12/1347456998802.jpg (http://www.gulfup.com/show/Xsagqd7ebfq8kc)



الرحلة الثانيه تاريخ 16-17 شوال 1433هـ
يوم الاثنين والثلاثاء من الساعه 6م الى 5ص
وقت الصيد مشكل في كل الاوقات
كانت رحله خطافيه وسط الاسبوع وكان عندي دوام بس رحت :D
والحصيله كانت 40 حبه مابين شعم وقرقفان 1 شعم حجم حلو :good2:

ماشاء الله تبارك الله


1

http://im15.gulfup.com/2012-09-12/1347457627321.jpg (http://www.gulfup.com/show/X9fhnjlnar70o40)

2

http://im15.gulfup.com/2012-09-12/134745762732.jpg (http://www.gulfup.com/show/X355vuj0cvp2cs0)

3 هذا كتكوت الرحله يوم خلص الطعم جيت بحطه في الميدار :D ..

http://im15.gulfup.com/2012-09-12/1347457627413.jpg (http://www.gulfup.com/show/Xsagymmlpsys4g)




الرحلة الثالثة في تاريخ 18-19 شوال 1433هـ
يوم الاربعاء والخميس من الساعه 8م الى الساعه 5:30ص
حداق سنانير وتبييت 6 او 7 خيوط تقريباً والطعم كان صدور دجاج

والله رزقنا هالمره بمعشوق الملايين :p
الحصيلة كانت 2 سبيطي واحد حجمه من 7 - 8 كيلو والثاني تقريباً 4 كيلو (في التبييت)
وحدقنا بعض من الشعوم والقرقفان بأحجام مختلفه الحمد لله :)

ماشاء الله تبارك الله

1

http://im16.gulfup.com/2012-09-12/1347458781311.jpg (http://www.gulfup.com/show/X2cvf7vt0g82so)

2

http://im16.gulfup.com/2012-09-12/1347458781923.jpg (http://www.gulfup.com/show/Xsah2tctdjdw4o)

3 أنـا

http://im16.gulfup.com/2012-09-12/1347458781782.jpg (http://www.gulfup.com/show/Xsah2puvgby80w)

4 فيصل (من خارج المنتدى)

http://im16.gulfup.com/2012-09-12/1347458781956.jpg (http://www.gulfup.com/show/X2cvf8x3j1desk)

5 عبدالله (من خارج المنتدى)

http://im16.gulfup.com/2012-09-12/1347458781144.jpg (http://www.gulfup.com/show/X2cvf8me4no4k4)

6

http://im16.gulfup.com/2012-09-12/1347458781955.jpg (http://www.gulfup.com/show/Xsah2xrh4p4goo)


في الختام اتمنى اني كنت خفيف ظل على الجميع نلقاكم في مواضيع قادمه افضل بأذن الله


تحياتي للجميع [F]

[الرحموني]

يسعدني ويشرفني اني اكون اول يعلق على تقريرك هذا

صيد طيب ورحلات اطيب

والصيد بسم الله ماشاء الله الصلاة والسلام على النبي محمد

اشكرك على هذا الجهد

ونعتب عليك على الانقطاع لكن موضوعك هذا ينسينا العتب

يستحق التقييم

تحياتي وتقديري

[@ بحار مجيرمة @]

ماشاء الله تبارك الله

يعطيك العافية اخوي toop1

على هذا التقرير الرائع والجميل

صايد وفايد وخيرات من رب العالمين

سلمت يمينك يالغالي

فعلا العبرة بالخواتيم


http://im16.gulfup.com/2012-09-12/1347458781311.jpg (http://www.gulfup.com/show/X2cvf7vt0g82so)


عاد لا تقطعنا وافينا بكل ماهو جديد

تحياتي لك

[عاشق الموج]

ماشاء الله عليك كفو يالشقردي حداق طيب والسبيطي من النوع الوحشي
شغل صعب صراحه عليكم الف عافيه انت و الشباب الي معاك

[مدهل الوحش 00]

الله يعطيك العافيه على التقرير الجميل

[مجنون عجلان]

ما شاء الله صيد طيب من رجال اطيب والقادم احلى ان شاء الله

[ابوفيصل123]

ما شاء الله صيد طيب

و الاهم انكم استمتعتو بالطلعه الجميله و المكان الحلو

[aglanco]

يستاهلون الطيبين

الى الأمام تقريرجميل
3*1
يعطيكم العافية

[سكن حبك سكن]

ماشاءلله, صيد ممتاز والسبيطي غطا على الاولي والتالي.

عندي سوال يا اعضاء المنتدى الكرام وين العقير .. ؟

تحياتي

[فرحان بن صبر]

مشكور في محافظة الاحساء

[hunter78]

ما شاء الله تبارك الله
صيد ممتاز سلمت يداك
أخوي لا أمر عليك شو بتقصد بالتبييت ؟؟؟يعني تترك الخيط لليوم الثاني وترجع تشيك عليه ولا كيف ؟؟ وشو حجم الميادير المستعملة للسبيطي؟؟؟ وهل وضعت صدر الدجاج قطعة وحدة ولا مقطع ؟؟؟
سامحني كثرت عليك بالاسئلة
تقرير رااااااائع لا تقطعنا من كل جديد
بالتوفيق أخوي

[baracuda]

ماشاء الله السبيطي الكبير فخم الله يهنئك فيه :)

[صياد الاحساء]

ماشاء الله تبارك الله

يعطيك العافية اخوي toop1

على هذا التقرير الرائع والجميل

صايد وفايد وخيرات من رب العالمين

سلمت يمينك يالغالي

فعلا العبرة بالخواتيم

اخوك صياد الاحساء

[HaddaQ]

مشاء الله
خوش صيد بالتوفيق انشاء الله

شكل المحل الزخنونيه ولا انا غلطان

[accentkool]

ماشاء الله تباتاارك الله
التقرير ابداعي بارك الله فيك
استمتعنا بجد بالمتابعة
والصيد جدا طيب
سبيطيات يحبها قلبك
عليكم بالف عافية

[معاذ العلي]

ماشاء الله تبارك الرحمن عليك مبدع جدا جدا .

تقبل مروري

[اتعبني العقير]

مااششاء اللـه تبأرك اللــه

/

بصراحه على التعب تستحق هالصيد الطيب والله يرزقكم اكثر في الطلعات الجايـه


اخوك : مرمرني العقـيرٍ

[Multi صياد]

ما شاء الله تبارك الله الصراحة صور تشرح الصدر و تعطي الواحد فسحة امل انه البحر لسه فيه خير, خصوصا انه صيدكم بالسنانير. اكثر التقارير اللي يسوونها الشباب في العقير تكون صيد بالغزول و الصيد بالعصي يكون ضعيف و اغلب اللي يطلع معهم حواقيل , وحر , قرقفان , صافي و القباقب لكن معكم ما شاء الله لا اله الا الله بيضتوها.
مع اني في الاصل من سكان الاحساء لكن و لا مرة رحت القعير بقصد الصيد و لا اعرف اماكن الصيد و خاطري اجرب لكن مع ناس يخبرون المنطقة صح.

اسف على الاطالة الحماسة اخذتني لما شفت الصيد ما شاء الله
الله يجعل خواتيمنا اجمعين الجنة
تحياتي

[العامري]

الله يجزيكم الخير ما عليكم زود
تستاهلون

[سكن حبك سكن]

الاخ فرحان يعطيك العافية.

[فارس 07]

مشاء الله تبارك الله

حبيت اضيف معلومة انا اصيد السبيطي (بالبروستد)

يعني تحسه مشوار تجيب مصران دجاج :looney:

هههههه بس الله يرزقك

[ماسيوم]

السلام عليكم ورحمه الله ..
ماشاالله تبارك الله صيد طيب كثيروالله يعقل عليك بهل صغيرالله يصلحه وعيالنا وعيال اخوانناالمسلمين رحلات جميله عساها دوم بالصحه والعافيه تقبلو تحياااااااااااااااااااااااااتي....

[toop1]

يسعدني ويشرفني اني اكون اول يعلق على تقريرك هذا

صيد طيب ورحلات اطيب

والصيد بسم الله ماشاء الله الصلاة والسلام على النبي محمد

اشكرك على هذا الجهد

ونعتب عليك على الانقطاع لكن موضوعك هذا ينسينا العتب

يستحق التقييم

تحياتي وتقديري

انا الي اتشرف بـ تعليقك وتقييمك لي طال عمرك

:)



ماشاء الله تبارك الله

يعطيك العافية اخوي toop1

على هذا التقرير الرائع والجميل

صايد وفايد وخيرات من رب العالمين

سلمت يمينك يالغالي

فعلا العبرة بالخواتيم


http://im16.gulfup.com/2012-09-12/1347458781311.jpg (http://www.gulfup.com/show/X2cvf7vt0g82so)


عاد لا تقطعنا وافينا بكل ماهو جديد

تحياتي لك


الله يعافيك يالغالي وشرفني مرورك والجايات اكثر بأذن الله :)



ماشاء الله عليك كفو يالشقردي حداق طيب والسبيطي من النوع الوحشي
شغل صعب صراحه عليكم الف عافيه انت و الشباب الي معاك

الله يعافيك وفالك التوفيق والسبيطي

[toop1]

الله يعطيك العافيه على التقرير الجميل


الله يعافيك



ما شاء الله صيد طيب من رجال اطيب والقادم احلى ان شاء الله

الله يسلمك ونعم فيك :)


ما شاء الله صيد طيب

و الاهم انكم استمتعتو بالطلعه الجميله و المكان الحلو

الحمد لله يعطيك العافيه على تعليقك الطيب

[toop1]

يستاهلون الطيبين

الى الأمام تقريرجميل
3*1
يعطيكم العافية

الله يعافيك حياك ربي ..



ماشاءلله, صيد ممتاز والسبيطي غطا على الاولي والتالي.

عندي سوال يا اعضاء المنتدى الكرام وين العقير .. ؟

تحياتي

العقير في الاحساء وتبعد تقريباً 70كيلو عنها



مشكور في محافظة الاحساء


حياك ربي

[toop1]

ما شاء الله تبارك الله
صيد ممتاز سلمت يداك
أخوي لا أمر عليك شو بتقصد بالتبييت ؟؟؟يعني تترك الخيط لليوم الثاني وترجع تشيك عليه ولا كيف ؟؟ وشو حجم الميادير المستعملة للسبيطي؟؟؟ وهل وضعت صدر الدجاج قطعة وحدة ولا مقطع ؟؟؟
سامحني كثرت عليك بالاسئلة
تقرير رااااااائع لا تقطعنا من كل جديد
بالتوفيق أخوي


الله يسلمك ويخليك

التبييت طال عمرك خيط تدخل فيه البحر انت بنفسك وتحطه في المكان الي تبيه وتتركه فتره مثلاً طول السقيه تخليه بعدها تشيكه مايمنع انك تشيكه كل فتره بالشد من الشاطئ طبعاً
صدر الدجاج قطعة الصدر مقطعه قطعتين فقط ويعيب صدور الدجاج انها غاليه مره
والميدار مااذكر حجمه بالضبط ولكن الليله اشيك العده وافيدك بأذن الله
حياك الله وانا تحت امرك

[toop1]

ماشاء الله تبارك الله

يعطيك العافية اخوي toop1

على هذا التقرير الرائع والجميل

صايد وفايد وخيرات من رب العالمين

سلمت يمينك يالغالي

فعلا العبرة بالخواتيم

اخوك صياد الاحساء


الله يعافيك ويخليك شرفني مرورك


مشاء الله
خوش صيد بالتوفيق انشاء الله

شكل المحل الزخنونيه ولا انا غلطان

شكلك ممتر العقير هههههه :no2:

حياك ربي


ماشاء الله السبيطي الكبير فخم الله يهنئك فيه :)


الله يسلمك عقبال ماتصيد اكبر منه

[toop1]

ماشاء الله تباتاارك الله
التقرير ابداعي بارك الله فيك
استمتعنا بجد بالمتابعة
والصيد جدا طيب
سبيطيات يحبها قلبك
عليكم بالف عافية

الله يعافيك ويخليك شرفتني طال عمرك واهم شئ التقرير نال اعجابك


ماشاء الله تبارك الرحمن عليك مبدع جدا جدا .

تقبل مروري

الله يسلمك الابداع عبورك


مااششاء اللـه تبأرك اللــه

/

بصراحه على التعب تستحق هالصيد الطيب والله يرزقكم اكثر في الطلعات الجايـه


اخوك : مرمرني العقـيرٍ

يارب لك الحمد والشكر شرفتني يالغالي

[toop1]

ما شاء الله تبارك الله الصراحة صور تشرح الصدر و تعطي الواحد فسحة امل انه البحر لسه فيه خير, خصوصا انه صيدكم بالسنانير. اكثر التقارير اللي يسوونها الشباب في العقير تكون صيد بالغزول و الصيد بالعصي يكون ضعيف و اغلب اللي يطلع معهم حواقيل , وحر , قرقفان , صافي و القباقب لكن معكم ما شاء الله لا اله الا الله بيضتوها.
مع اني في الاصل من سكان الاحساء لكن و لا مرة رحت القعير بقصد الصيد و لا اعرف اماكن الصيد و خاطري اجرب لكن مع ناس يخبرون المنطقة صح.

اسف على الاطالة الحماسة اخذتني لما شفت الصيد ما شاء الله
الله يجعل خواتيمنا اجمعين الجنة
تحياتي

ياهلا وسهلا بك .. والله يالغالي انا اشوف الي تقول الي يصيدون قرقفان وحواقيل دايم اماكنهم معروفه وعلى الشارع العقير فيها اماكن داخليه كثيره وفيها شئ محد يتوقعه وتحتاج مواتر دفع رباعي عشان توصل لها وتقدر تجلس او تخيم فيها طبعاً الرزق على الله سبحانه بس لابد الواحد يعمل بالاسباب ويكتشف ويروح ويجرب انا مرت علي ايام اروح في الشهر 5 او 6 مرات ومانصيد شئ ابد ولكن تعلمت من البحر الصبر والحمدلله ربي مايخيب احد

الله يرزق الجميع وشرفني عبورك



الله يجزيكم الخير ما عليكم زود
تستاهلون

الله يخليك حياك ربي



مشاء الله تبارك الله

حبيت اضيف معلومة انا اصيد السبيطي (بالبروستد)

يعني تحسه مشوار تجيب مصران دجاج :looney:

هههههه بس الله يرزقك

فكره جميله ههههههه

هي مشوار بس دايم المصران مايخيب لان ريحته :mad:

حياك ربي



السلام عليكم ورحمه الله ..
ماشاالله تبارك الله صيد طيب كثيروالله يعقل عليك بهل صغيرالله يصلحه وعيالنا وعيال اخوانناالمسلمين رحلات جميله عساها دوم بالصحه والعافيه تقبلو تحياااااااااااااااااااااااااتي....

عليكم السلام ورحمة الله وبركاته
مافهمت عليك نوعاً ما ياليت توضح كلامك

حياك ربي

[الياسين]

صيد طيب ما شاء الله تبارك الله .. يعطيك العافية

أنا رحت العقير مرتين وكان مكان الصيد وراء الميناء .. لكن ما الله رزقنا والحمد لله على كل حال

ممكن اخوي تدلينا على الأماكن اللي تصيد فيها إن لم تكن سريه طبعاً : )

[سكن حبك سكن]

طيب في سؤال يالغالي,

اللحين وش افضل انواع الطعم, مع العلم اني ما قد جربت الا الخثاق, هل فيه شي زية او افضل .. ؟

بأنتظار ردك طال عمرك.

[k.fares]

ماشاء الله تبارك الرحمـن
صيد طيب من وجيه اطيب
ولا تحرمنا من باقي تقاريرك
وبالعااافية الحوته
تقبل تحياتي

[هدهود1]

الصراحه صور جميله

وماشاء الله خير من رب العالمين عليكم بالف عافيه

تحياتي لك

[toop1]

طيب في سؤال يالغالي,

اللحين وش افضل انواع الطعم, مع العلم اني ما قد جربت الا الخثاق, هل فيه شي زية او افضل .. ؟

بأنتظار ردك طال عمرك.

والله يالغالي انا في الحداق استخدم الربيان الاخضر فقط وفي المد والتبييت مصران دجاج واحياناً صدور دجاج من السوبر ماركت لاكنها مكلفه جداً

[سكن حبك سكن]

الله يعطيك العافية, وين اقدر القا الربيان الاخضر بالدمام .. ؟

[بتارالذرعان]

ياخواني صراحه الحمدلله على النعمه بس صراحه انا ماصيد الا حمر وبذح وضلع ولحلاح البلشه وبس مالينا من نفس الروتين سوال|هل الطعم له دور في صيد الاسماك الاخرى؟ اذكري الاسباب وماهي المواقع التي يتوفر فيها الاسماك بكثره وشكرا.

[بروفيسور]

ماشاء الله

[الياسين]

سكن حبك سكن .. روح سوق السمك المركزي وراح تحصل أنواع الروبيان ومن ضمنها الأخضر

[m-m]

صيد طيب مشاء الله وياحلو الزخنونيه واحلى صورة في الصورة صورة حمودي :)

[الياسين]

وين موقعها الزخنونية ؟

[سبشل]

حياك الله توب ون مشاء الله تستأهل الخير
رحله موقفه وشرح أحلا لكن ماقلت المكان بالضبط
تحياتي لك

[المحتسب]

تقرير ولا احلى يعطيك الف عافيه وعساك على القوة دوم انت ومن معك من النواخذه

[toop1]

ماشاء الله تبارك الرحمـن
صيد طيب من وجيه اطيب
ولا تحرمنا من باقي تقاريرك
وبالعااافية الحوته
تقبل تحياتي

حياك الله يالغالي وشكر لك

[toop1]

الصراحه صور جميله

وماشاء الله خير من رب العالمين عليكم بالف عافيه

تحياتي لك


شكرا لك شرفني مرورك

[toop1]

الله يعطيك العافية, وين اقدر القا الربيان الاخضر بالدمام .. ؟

موجود في جميع اسواق الاسماك وسعره اغلى من العادي

[toop1]

ياخواني صراحه الحمدلله على النعمه بس صراحه انا ماصيد الا حمر وبذح وضلع ولحلاح البلشه وبس مالينا من نفس الروتين سوال|هل الطعم له دور في صيد الاسماك الاخرى؟ اذكري الاسباب وماهي المواقع التي يتوفر فيها الاسماك بكثره وشكرا.

غير مكانك اكتشف مكان لنفسك حاول بأكثر من طريقه لاتيأس :good2:

[toop1]

ماشاء الله

شكراً لك :)

[toop1]

صيد طيب مشاء الله وياحلو الزخنونيه واحلى صورة في الصورة صورة حمودي :)

ماعرفتك مين انت ارسلي خاص :D

[toop1]

وين موقعها الزخنونية ؟

الزخنونيه بالعقير تبعد عن الشارع يمكن 20 كيلو جلد

ولكن الصيد مو نفس مكان التصوير الحداق في مكان والتبييت في مكان والمد في مكان :good2:

[toop1]

حياك الله توب ون مشاء الله تستأهل الخير
رحله موقفه وشرح أحلا لكن ماقلت المكان بالضبط
تحياتي لك

هذي اسرار دوله هههههه في العقير بشكل عام والرحلات كانت في اكثر من مكان

[toop1]

تقرير ولا احلى يعطيك الف عافيه وعساك على القوة دوم انت ومن معك من النواخذه


الله يعافيك ويسلمك شرفتني طال عمرك :)

[الياسين]

الزخنونيه بالعقير تبعد عن الشارع يمكن 20 كيلو جلد

ولكن الصيد مو نفس مكان التصوير الحداق في مكان والتبييت في مكان والمد في مكان :good2:

ممكن لا هنت توصف لي موقعها بشكل دقيق أكثر .. يعني من وين انزل لها جلد ؟

[وليد الغربة]

ماشاء الله تبارك الله رب يعطيك الصحة والعافية

توثيق جميل

اخوك وليد الغربة

[toop1]

ممكن لا هنت توصف لي موقعها بشكل دقيق أكثر .. يعني من وين انزل لها جلد ؟


وانت جاي من طريق الجفر رايح العجير قبل ماتوصل الميناء بمسافه ممكن نص كيلو تلف يمين

بعدها تمسك الطريق طبعاً مكسر وفيه اشوي مرصص وفيه اكثر من طريق يعني حبذا تاخذ احد معك فاهم في المنطقه وتروح لحرس الحدود تاخذ تصريح وتروح تدور لك مطرح في المنطقه :good2:

قبل 3 شهور ضيعنا واحنا طالعين الطينه الي هي بعد الزخنونيه بمسافة وجلسنا ساعتين
تايهين وغرزنا المهم صار اكشن يعني انتبه وحاول يكون الموتر جمس ولا موتر قديم عشان مايتكسر الموتر

[toop1]

ماشاء الله تبارك الله رب يعطيك الصحة والعافية

توثيق جميل

اخوك وليد الغربة


حياك الله اخوي وليد الغربه شرفتني

[عاشق البحرE]

ما شاء الله تبارك الله عليك أخوي toop1

و الله صيد طيب و رائع و عدد مو هين على صيد سيف ..

اسمع عن العجير و عن المناطق اللي حوله .. بس ما جربتها و أغلب صيدي طراريد ..

بس و الله جبتوا الصعب السبيطي حجم عائلي ..

عليكم بألف عافيه يا اهل الحسا الطيبين ..

و تقرير جميل .. بس حاول المره الجايه تفصل فيه و تشرح بكل صوره بيكون أجمل .. و لا تنسى الفيديو ان وجد ..

تقبل مروري أخوي ..

و لا تحرمنا من تقاريرك القادمه ..

[زاحف بحر]

ما شاء الله تبارك الله ..


صيد طيب. ..


وأحجام حلوة وعليكم بالعافية يالغااااالي أتحفتناااا بهالتقررير الرائع. ..


بالتوفيق للجميع. ..

[الياسين]

الزخنونيه بالعقير تبعد عن الشارع يمكن 20 كيلو جلد

ولكن الصيد مو نفس مكان التصوير الحداق في مكان والتبييت في مكان والمد في مكان :good2:


وانت جاي من طريق الجفر رايح العجير قبل ماتوصل الميناء بمسافه ممكن نص كيلو تلف يمين

بعدها تمسك الطريق طبعاً مكسر وفيه اشوي مرصص وفيه اكثر من طريق يعني حبذا تاخذ احد معك فاهم في المنطقه وتروح لحرس الحدود تاخذ تصريح وتروح تدور لك مطرح في المنطقه :good2:

قبل 3 شهور ضيعنا واحنا طالعين الطينه الي هي بعد الزخنونيه بمسافة وجلسنا ساعتين
تايهين وغرزنا المهم صار اكشن يعني انتبه وحاول يكون الموتر جمس ولا موتر قديم عشان مايتكسر الموتر

يعطيك العافية وما قصرت .. مشبه على واحد فيكم لكن مو جاي أتذكر وين شايفه

[صقر برزان]

تسلم على التقرير
وصيد طيب

[برق المغيب]

ماشاء الله صايد وفايد ورحلات ممتعة

[نوال اخت نوف]

ماااشالله

وش هالخير .. ربي يهنيكم

[ABU ROSE]

ماشاء الله صيد رائع

[White_Shark]

ماشاء الله تبارك الله

تقرير جميل و يطرب ,, صور صيد متعوب عليها وتستاهلون كل خير وإن شاء الله يرزقكم بمثل هذا الصيد سبيطي .

لي ملاحظة :

وزن السبيطي الكبير بحسب تقديري حول الـ 4 كيلو والصغير مايتعدى 2 كيلو .. وإن شاء الله يوفقك بأبو عشرة .

تقبل تحياتي .

[حداق متمرس]

الف شكر لك اخوي على التقرير الممتاز والصيد الاكثر من رائع

وعليكم بالف عافيه

واخوي اذا ما عليك امر ممكن تحدد المكان في العقير

وتحياتي لكم اخوكم

[ناجل سمار]

وعليكم السلام ماشاء الله

[toop1]

ماشاء الله تبارك الله

تقرير جميل و يطرب ,, صور صيد متعوب عليها وتستاهلون كل خير وإن شاء الله يرزقكم بمثل هذا الصيد سبيطي .

لي ملاحظة :

وزن السبيطي الكبير بحسب تقديري حول الـ 4 كيلو والصغير مايتعدى 2 كيلو .. وإن شاء الله يوفقك بأبو عشرة .

تقبل تحياتي .

حياك الله يالغالي وشرفني مرورك استاذنا في السبيطي

بالنسبه للملاحظه

كلمت صاحبي الي خذهم ووداهم والاحجام كانت على الميزان

الكبير 6.40 ك والصغير 2.30 ك ..

[toop1]

يعطيكم العافيه على العبور والتعليق ^_^