آلــتفريخ

[نقوة الغوش]

السلآم عليكم ورحمة الله
::
آخواني الصقاقير عندي كذآ سؤال
س1/ ماهي طريقة ومتطلبآت التفريخ؟
وهل نجح تفريخ الشياهين بالمرابط؟
::
لاتبخلون علينا بالعلم الوافي
http://store2.up-00.com/Sep12/RHm21716.jpg

[عاذي]

عليك في بدر العرادي عندة في تفريخ الطيور خبرة .

[ابن بريده]

التفريخ يحتاج الى مكان ومناخ مناسب ولم ينجح فالسعوديه وتفريخ العرادي تفريخ بدائي تزاوج لديه بعض الطيور لكن لم ينجح

[نقوة الغوش]

نجح التفريخ عند العرادي من يقول مانجح؟
يمكن قلّة من الطيور لم تنجح
عموماَ اسألتي واضحه .. آسعدني مرورك
::
ويارجال آبي العلم الوافي المشيوف بالعين
وين الصقاقير؟..

[عاذي]

بالنسبة لي انا حطيت طيرة مع شبوطها شاهين طارحهن بالضلع وسجنتهن مع بعض اكثر من ثلاث سنوات بغرفة ولا انتجن شئ وفكيتهن وبعد السنة الثانية فرخن بالضلع هذه محاولتي الوحيدة .. واذا كنت تبي الطريقة الصحيحة من وجهة نظري سافر برا للدول التي يفرخون فيها الطيور وخذ من تجاربهم وطريقتهم وتعال طبقها عندنا هنا بالسعودية .

[نقوة الغوش]

قلتها ياعاذي ساجنهن بغرفه
لكن انا بأذن الله راح اتهيىء لكامل احتياجات النجاح
وجمعة افكار كثيره سواء من سلوكها بالطبيعه او من خبراء التربيه
وسبب طرحي للموضوع لوجود اعضاء هنا بمكشات لديهم الخبره الكافيه
اللي بأذن الله راح تفيدني .. وان شاء الله راح نتغلب على مزاجية الشاهين
شاكر لك مرورك اخوي عاذي واذا عرفة اي خلفيه عن هالموضوع لا تبخل علينا
وانا بنتظار اخواننا الصقاقير اللي لهم باع في هالشيء

[عاذي]

الله يوفقك ويهيئ لك اسباب النجاح في تفريخ الطيور

[عساف @]

الله يوفقك ان شاء الله
ياخوك انا ماجربت التفريخ ولكن سالت وان شاء الله ابجرب
اهل الاختصاص يقولون ان الطير اذا كان قرناس خلا ماينتج اذا لك نيه جرب شاهين تفريخ يعني شاهين بشاهين تفريخ وليست تهجين ممكن تضبط ومعا العلم ان الحر والجير بيور ينتج احسن من الشاهين
والله اعلم هذا الاي وصلن من اهل الخبره
ونتمنا من اهل الاختصاص في تهجين الصقور من اخوانا العرب الافايده لنا علا الاقل ان بدل مافيد البعيد نفيد القريب
وجزاك الله خير علا الموضوع

[نقوة الغوش]

الله يجزاك خير ي عاذي
::
صحيح ي عساف ان اي طير سواء حر او وكري او
غيره مطروح قرناس قليل النجاح بل نادر جداً
ولكن احب اجرب مجذوب العش وان شاء الله ننجح
بأنتظار اهل الطيور..

[نقوة الغوش]

upupupupup

[راعي الطييب]

السلام عليكم ورحمه الله وبركاته

انا ماعندي خبرهـ نهائيا ولكن ممكن افيدك بطريقه ممكن تنجح ان شاء الله


اولا شف لك جير شاهين بجير شاهين جرب عليها جير وكري او حر اين كان


ثانيا قبل شرائها رح لمحلات البيطريه شف لك واحد يلقح لقاح صناعي ياخذ من هذا ويحط في هذا دور يمكن تحصل

ثالثا مكان مناسب وغير بارد جدا لن البرد ماهو زين لطيور + الله يوفقك ان شاء الله

اسئل وتاكد قبل تبدأ وشف لك دكتور بيطري خبير في هذه الشغلات + تعامل معاه من علاج وغيرهـ


والسلام عليكم ورحمه الله وبركاته

[نقوة الغوش]

الله يجزاك بالخير اخوي صقار الحباري
ولكن انا ابحث عن طرق نجاح التفريخ الطبيعي
وان شاء الله نحصل من يدلنا عليها

[راعي الطييب]

ويجزاك بالخير يالغالي

بخصوص التفريخ الطبيعي صعب جدا صعب صعب صعب صعب شبه مستحيل بنظري وخبرتي


وان شاء الله تحصل الي يدلك ومافي شيء مستحيل ابد خلك صامل والله يوفقك ان شاء الله

[نقوة الغوش]

الله يجزاك كل خير يالغالي
وانا متوكل على الله وصامل
الدنيا تجارب ..
اذا حصلت اي معلومه لا تبخل علينا
موفق خير ان شاء الله

[عواد الشمري2]

الحين سوالك عن المكان حطهن بعشه بها ضلال وبها شمس وسو لك صندوق بنص الجدار يعني ا>ا طولك ميه وخمس وسبعين تهايق على الصندوق وخل الصندوق نص متر بنص متر او متر بمتر يعني طول ال>راع او اطول شوين ولا تخلي وجه الصندوق للباب خل ظهر الصندوق على الباب والعلف لازم حي ومشكل وتهده لهن بالعشه ولا تخش عليهن الماء من برا تفتح المسوره والعلف ك>الك وترا الطير الي تبي تنتج منه ماتنقله يظل بالعشه مع وليفه وان شالله الله يسر لك وجرب التجربه ماتضر .. اما تعشر ولا ماضره الفحل

[نقوة الغوش]

جبت الزبدة ياعواد
الله يجزاك كل خير يالبناخي
انت مجرب ياعواد والا معلومه ..؟