ليش الكروان

[عاذي]

ماشفت طير بالسوق او مع احد او بالمنتديات الا وهو ذابح الكروان ياسبحان الله حتى لو هو وحش يقولك راعية ذابح الكروان .. وش المشكلة مع الكروان يعني محتقرينة والا فعلا جميع الطيور تهد عليه بدون استثناء .

[قرناس حوران]

حياك الله اخوي
اغلب الطيور ذابحه ومعلمه على الكروان لتوفره بأجوال
وبعد الضاهره الاخيره وهي وجود اجهزه الصوت
تساعد كل صقار على حصول الكراوين
والتعليم عليه فبمعنا اصح (الكروان متوفر)
وهاذا رأيي والله اعلم

[سلطان 1]

اخوي عاذي
كلامك صحيح لكن
اللي اعرفه ان اغلب الطيور تصيد الكراوين
وفيه بعض الطيور سبحان الله تحاااااقر الكروان ما تهد عليه وان هدت عليه في الارض
وان طار هملته ماهوب اكبر همهااااا.

[حر اشعل]

عادي الطيور تهد إذا تدربت

[عاشق الرمله2]

يالربع والله انه بعد كم سنه بتشوف الكروان نفس وضع الحبارى الحين تتمنى انك تشفها ولاودك تهد عليها ياخي ذي الاجهزه ماخلت شي الاجابته

[ابن بريده]

نظرا لكثرة الكروان عند عودته من هجرته عند ما يمر بالسعوديه فان كل الصقارين يتهياء لهم الهدد فلا تستغرب

[عبدالله بن الشيخ]

سؤال وجيه , وأجوبة وجيهة

بارك الله فيكم يالربع , وفالكم كراوين أول الوقت

[الجره جديده]

كان عندي طير مبطي ومات
الحبارى ما تروح عليه والكروان مستحيل يهد عليه وما يدانيه
لكن الكروان بايه
داج ما يدري وين الله حاطه ومتوفر وماهو صعب على الطير وقليل الطيور اللي تخاف منه
عشان كذا واجد الطيور اللي ذبحة كراوين
لكن الحبارى والله انها تخرش راعي الطير ماهو الطير لحاله

[عاذي]

شكرا لجميع من رد وشارك وابدا وجهة نظرة