خبروني عن الذود=اللي سرى فـي ليلة سرمديّه.......الحل الدموع ......حله المزيــــــــدي

[ال-رايق]

السلام عليكم ورحمة الله وبركاته
وان شاء الله الجميع بخير
والله لايهينكم فردا فردا,,,,والله يوفقكم منين مالقيتم وجوهكم برا وبحر وجوا.
واعذروني على التأخير
واعذروني على التقصير:

عساني لاحاسد ولا نيب محسود=لو قلت حظ اهل القلوب الشليّه
وياراكب اللي لامشى يطلب الزود=من صنعة اليابان والشمس حيّه
احمل سلامي عد ماهبت النود=على الرجال اهل الوفا والحميّة
من الشمال الى القصيم لطيب حيود=نجد(ن) وبيشة ثم ابها البهيّة
وخليجنا الغالي له اشواقي ترود=ومن الخبر الي الحجاز الابيّة
وصّل سلام اللي مع الناس موجود=وقلبه جلاوي ناحر ارض خليّه
بالعاذره.. يلوذ لو مابها عود=يبي يطيح الليل ماشاف اذيّه
قامة طلاليب لهم صار منشود=جيش وقامة من على اثره سريّه
يشدّ عزمه لكن الحيل مهدود=والخوف يلحق على العزوم القويّة
يسهر طوال الليل والعقل مشدود=لادناة وقش يفز وعينه شقيّه
يطري علي وصاحبه بيّح سدود= قام يتوجّد من حظـــــوظ رديه
وياهل الغطاوي خبروني عن الذود=اللي سرى فـــي ليلة سرمديّه
يسرى بجهام(ن) نيته يقطع حـــدود=مع قاع خــــد عشبته جرهديّه
وسلامتكــــم يالغالين
أخوكــــــــم/ال-رايق
مكشات/خيمة الألغاز

[النبهاني]

وعليكم السلام ورحمة الله وبركاته

صح لسانك يابو مهند
سلمت ولاهنت وماشاء الله عليك الله لايضرك
وياهلا بك مره ثانيه ومرات مليارات
محاوله
النمل

[المزيدي4]

يا مرحبا ترحيبة مالها حدود
تشبه لهمال المزون النقية
يا شاعرٍ من خيرة الناس معدود
لك عندنا حبٍ ولك مقدرية
كسبت حب الناس والعالم اشهود
بطيبٍ وزين أخلاق مع حسن نية
إن غبت عنا نشعر بشيء مفقود
مثل الخوي لا غاب عنّه خويه
يصير وحداني من الهمّ مضدود
ويضيق صدره كل صبح وعشية
وبعودته يلقى سعادات واسعود
عيدٍ كما عيد الفطر والضحية
هذا مثل لاشك لك عندنا زود
وأكثر بواجد يا زبون الحمية
ونقدر ظروفك إذا صرت محدود
ونشاركك في الهم فعلٍ ونيّة
سلّم لأمر الله ترى الأجر في زود
واللي صبر يجزاه رب البرية
وعوّد على أخوانك وبالعزم مشدود
ومتع عيونٍ منك تبغى الهديه

[حبيب المساكين]

الحمد لله على عودتك بالسلامه
ورحم الله والدتك
ورمعه قد تكون الافكار والهواجيس والخيالات
وبارك الله فيك

[ال-رايق]

يا مرحبا ترحيبة مالها حدود
تشبه لهمال المزون النقية
يا شاعرٍ من خيرة الناس معدود
لك عندنا حبٍ ولك مقدرية
كسبت حب الناس والعالم اشهود
بطيبٍ وزين أخلاق مع حسن نية
إن غبت عنا نشعر بشيء مفقود
مثل الخوي لا غاب عنّه خويه
يصير وحداني من الهمّ مضدود
ويضيق صدره كل صبح وعشية
وبعودته يلقى سعادات واسعود
عيدٍ كما عيد الفطر والضحية
هذا مثل لاشك لك عندنا زود
وأكثر بواجد يا زبون الحمية
ونقدر ظروفك إذا صرت محدود
ونشاركك في الهم فعلٍ ونيّة
سلّم لأمر الله ترى الأجر في زود
واللي صبر يجزاه رب البرية
وعوّد على أخوانك وبالعزم مشدود
ومتع عيونٍ منك تبغى الهديه


الله حي اخوي/وبارك الله فيك ,,والله انك قلت بيوت اطربتني وصارت علي الجو مثل الودّان لاقام يهمل ..ودك تشوفه وتسمع صوته ..عسى مانتبدل فيك وشرواك ..واسمح لي على عجالة:

ياوالله اللي فهد ومن خيرة فهود=ويالمزيدي ماعقب ردك عليه
هدّيت من صافي المعاني كما الطود=لو جاهدك اقوى الصخور العتية
واهديت سلسال الجواهر مع عقود=ألماس من دقّة وصنع أكلبيّة
فلله درّك لاجا طاري هل الجود=لله درّك ...يازبون الونيّة
وابشر طلبك مجاب ماهوب مردود=ومامدت يدينك مقابض يديّه
واسلم عسى عمرك على العز ممدود=ويابو سعد لك جاه ولك قابلية

[ال-رايق]

وعليكم السلام ورحمة الله وبركاته

صح لسانك يابو مهند
سلمت ولاهنت وماشاء الله عليك الله لايضرك
وياهلا بك مره ثانيه ومرات مليارات
محاوله
النمل


الله حي اخوي/ابوسالم
وصح بدنك
وانت اللي جعلك تسلم ..ماقصرت في ترحيبك وردودك اول وتالي
---
والرمعه خيرها بغيرها /بعيده
تحياتي لشخصك الغالي

[ال-رايق]

الحمد لله على عودتك بالسلامه
ورحم الله والدتك
ورمعه قد تكون الافكار والهواجيس والخيالات
وبارك الله فيك



هلا وغلا باخوي/حبيب
والله يجزاك خير,,ويرحم اموات المسلمين ,,ويطول عمر حيّكم ..ويرحم ميتكم
غمرتوني بطيبكم , لاعدمتكم.
والرمعه ..غير موفقه/ولاهي بعيده
وفقك الله لمايحب.

[ناصر العلي]

وعليكم السلام ورحمة الله وبركاته
ياربي حيّه
وصح لسانك على هالأبيات الجميلة
ومايجي قصور يالغالي
أهلا هلا يا قرة العيــــــــــــن ..... شوفك ربيع القلب وضـياة
يا رب تجمع كل غاليــــــن ..... بعض البشر يا شين فرقاة
ويش قولك
الأحلام المزعجة

[النبهاني]

طيب يابو مهند
وش قولك
بالدعوات والاستغفار بالسحر

[ال-رايق]

وعليكم السلام ورحمة الله وبركاته
ياربي حيّه
وصح لسانك على هالأبيات الجميلة
ومايجي قصور يالغالي
أهلا هلا يا قرة العيــــــــــــن ..... شوفك ربيع القلب وضـياة
يا رب تجمع كل غاليــــــن ..... بعض البشر يا شين فرقاة
ويش قولك
الأحلام المزعجة




واحد مع واحد يصير اثنين=خالد شقيقي وانت شرواه
توم الغلا وانت تدري وين=ياثومة القلب في مبناه
ويامرحبا والله بعميدنا الغالي

والله يجزاك خير وعسى لك بالمثل ويارب تعافيك ومن لديك عزيز,,ويوفقك ربي على البر بوالدينك ويمتعكم جميعا بالصحة والعافية.
والرمعه----تدورون حوله.
تحياتي

[ابو ماجد 2]

هلا ومليون هلا
هلا ببو مهند بما ساق
لله درك
مبدع ودائما مبدع
فرحنا بتواجدك يالغالي
مايكون الزحف لفتح الرياض والتسلل ليلا
اذا كان الذود بمعنى الدفاع ومن زحفوا كانت مهمتهم الذود عن الرياض وبما حل فيها

[ال-رايق]

طيب يابو مهند
وش قولك
بالدعوات والاستغفار بالسحر


حياك ربي يابو سالم
ودقق في انها تقطع اراضي
تحياتي
رمعاتكم انت والعميد/قريبة بالموقع /بعيده في التواجد
فشرها عاد كويش:D

[ال-رايق]

هلا ومليون هلا
هلا ببو مهند بما ساق
لله درك
مبدع ودائما مبدع
فرحنا بتواجدك يالغالي
مايكون الزحف لفتح الرياض والتسلل ليلا
اذا كان الذود بمعنى الدفاع ومن زحفوا كانت مهمتهم الذود عن الرياض وبما حل فيها



ياهلا ,,والله يابوماجد الغالي
وماعليك زود الله يجعل والدينك بالجنة.
وفرحتك من غير شك متواجده.... سلم تواجدك
...عساك تفرح بشوف وزواج احفادك.
والله اني خجلان منك...لكن خل ...وش اسمه....و...:
الذود(مجموعة الابل -اعتقد فوق العشرين)وليس الذود الدفاع كما تفضلت.
تحياتي.سعادة الزعيم

[حبيب المساكين]

مايكون الذود اللي جا للذويبي بعد
ان رحلوا عنه جماعته عتاب على
شدة كرمه

[الخامسي1]

ارحب ياابومهند

حياك الله في محلك

أنا اليوم شمال عند الوالد

وفتحت النت اذا أنا أشوف معرفك الغالي

وقلت لن امر الا مسلم عليه وان شاء الله

اذا سريت بدري لابد من مره

دمت مبدعً

وصح السانك والسان ابوسعد على ذا الدرر

استودعكم الله ×

[البواردي05]

صح لسانك وعلا شانك
هذي ابيات لي فيها مقصود
عسى وعل أن تحوز على رضاك
ومنك نتعلم
والرمعة جت في بالي
جيش الملك عبدالعزيز "طيّب الله ثراه" (40) فرد
حينما وحد الجزيرة قادما من الكويت
لي عودة بعد التمعن



الطيب لك منهج وانت معرب جدود= والقلب فيه يابن الاجواد ماريه


الحال ياصاحبي ماعنه منشود=مير اطلب الرحمن يستر عليه
جارت علينا وأنا ماني بمفرود=انا جمل يحمل حمولن عصيه
مصير الزمن يدور ويعود ويعود=لابد ما تكشف علومن خفيه

[ناصر العلي]

ربي يسلمك بالغالي
والقلوب شواهد يا ابومهند غفر الله ولوالديك
ويش قولك ب
خروج القوات العراقية بالمطلاع عند الانسحاب من الكويت

[الخامسي1]

يامرحبا اعداد ماهبت النود .... وإعداد ما يلقى سلام وتحية

الحمد لله عدت والرد موجود ... ويتم تعديله على حسن نية

بأبيات شعرً تسبق ابروق وارعود ... تمطر تراحيب الخوي ابخوية

في غيبتك ياشيخ والله مفقود ... والشوق اتعبنا بنفسً رضيه

نقدر الأعذار وأخبرك اشهود ... مرت ونقراءها مع الأبجدية

نشوفها بااحرف من الطيب مردود ... نستقبله وانقول اجمل هدية

انت الوفاء منك الوفاء صار معهود ... وانت الجزل بالطيب والمقدرية

يابومهند لك غلاء ما له احدود ... عندي وعند الربع ما هو شويه

من حب مع تقدير يا علك بزود ... والله يحفظ من شرور المنيه


مرور سلام وترحيب
ارحب مليار
والحمدلله على السلامه
ولي عودة بإذن الله

[ابوماريا]

ياهلا وألفين هلا بابو مهند
نورت نورت نورت
يالغالي

وصح السانك على هالأبيات الرائعة واللغز الوافي
أمتعتنا متعك الله بالصحة والعافية

مرور تقدير وترحيب ولي عودة

[ال-رايق]

مايكون الذود اللي جا للذويبي بعد
ان رحلوا عنه جماعته عتاب على
شدة كرمه


حياك رب العالمين/ابوعصام
والذويبي -ونعم فيه- وفعوله والناس اللي هو منهم.
لكن الاجابه (مضلعه بقوة)
وقلت خلوكم حول مراميعكم السابقة.
وتسلم

[ال-رايق]

ارحب ياابومهند

حياك الله في محلك

أنا اليوم شمال عند الوالد

وفتحت النت اذا أنا أشوف معرفك الغالي

وقلت لن امر الا مسلم عليه وان شاء الله

اذا سريت بدري لابد من مره

دمت مبدعً

وصح السانك والسان ابوسعد على ذا الدرر

استودعكم الله ×




يامرحبا اعداد ماهبت النود .... وإعداد ما يلقى سلام وتحية

الحمد لله عدت والرد موجود ... ويتم تعديله على حسن نية

بأبيات شعرً تسبق ابروق وارعود ... تمطر تراحيب الخوي ابخوية

في غيبتك ياشيخ والله مفقود ... والشوق اتعبنا بنفسً رضيه

نقدر الأعذار وأخبرك اشهود ... مرت ونقراءها مع الأبجدية

نشوفها بااحرف من الطيب مردود ... نستقبله وانقول اجمل هدية

انت الوفاء منك الوفاء صار معهود ... وانت الجزل بالطيب والمقدرية

يابومهند لك غلاء ما له احدود ... عندي وعند الربع ما هو شويه

من حب مع تقدير يا علك بزود ... والله يحفظ من شرور المنيه


مرور سلام وترحيب
ارحب مليار
والحمدلله على السلامه
ولي عودة بإذن الله



ارحب انت يابو نايف مليارات التريليونات,,,يابحر الشعر ومسخر القاف باحلى الابيات
--------------------------
وكبير والله يابونايف ورد اجمل من جميل مع اننا استنزفنا القاف الا انك ماشاء الله عليك مايكودك ..عسى ربي يطول عمرك وانت ذخر..ومن شان كذا اسمح لي بالرد وهذا اقل مكافأة بتوجيه لغز وعلى نفس القاف باسمك في القريب العاجل ان شاء الله.
وتسلم ودربك خضر ,,,,عسى الله يخليلك شايبك ويخليك له ومن يعز عليك.

[ال-رايق]

صح لسانك وعلا شانك
هذي ابيات لي فيها مقصود
عسى وعل أن تحوز على رضاك
ومنك نتعلم
والرمعة جت في بالي
جيش الملك عبدالعزيز "طيّب الله ثراه" (40) فرد
حينما وحد الجزيرة قادما من الكويت
لي عودة بعد التمعن



الطيب لك منهج وانت معرب جدود= والقلب فيه يابن الاجواد ماريه


الحال ياصاحبي ماعنه منشود=مير اطلب الرحمن يستر عليه
جارت علينا وأنا ماني بمفرود=انا جمل يحمل حمولن عصيه
مصير الزمن يدور ويعود ويعود=لابد ما تكشف علومن خفيه


الله عليك وصح لسانك اخوي/البواردي
وبيض الله وجهك وماشاء الله عليك :

تسلم عداك العيب من كل منقود=ياواحد مواري طيبه جليّه
من ظهر عود لاذكر بالعرب عود=قولة نعم في حق مثله شويّه
ويالله عساك بجور الازمان جلمود=ماهزتك ارياحه الغاشمية
رفيع راس وكفك سنوده زنود=ما انته ردي ولا تحب الرديّه
------

والرمعه الله يطول عمرك بعيده.
تحياتي

[ال-رايق]

ربي يسلمك بالغالي
والقلوب شواهد يا ابومهند غفر الله ولوالديك
ويش قولك ب
خروج القوات العراقية بالمطلاع عند الانسحاب من الكويت


هلا بالغالي /دكتورنا المحترم
----
ويرحم الله والديك وكل مسلم
=============
والرمعه بعيده حول رمعاتكم الاوله...
ماهي جيوش او حلال.
تحياتي

[ال-رايق]

ياهلا وألفين هلا بابو مهند
نورت نورت نورت
يالغالي

وصح السانك على هالأبيات الرائعة واللغز الوافي
أمتعتنا متعك الله بالصحة والعافية

مرور تقدير وترحيب ولي عودة


ياهلا بالغالي المثالي
ياهلا وغلا باخونا/ابو فايز........................اللي على مدح وثنا الكل حايز
===========
وصح بدنك ,,,جعل عمرك طويل والروعه تواجدك وزيادة الابداع اشادتك لاتبدلنا فيك.
والله يوفقك.

[المزيدي4]

طيب يا أبو مهند
وش قولك
بالدموع

[ال-رايق]

طيب يا أبو مهند
وش قولك
بالدموع


كفوووووووووووووووووووووووووووو/وماشاء الله عليك وتفكيرك
كأني معك وانت كاسب البيرق/ياكاسب الطيب اول وتالي
يعني فرحاااااااااااااااااااااااااااااااااااااااااااان
والدموع أخذت اجازة بتواجدك يابو سعد ولا يهونون اخواني
----------------------------------------
القناص/أخونا ابو سعد-الأكلبي
الحل/الدموع
التوضيح:
الذود=تشبيه فالابل في الغالب تتابع مثل الدموع.
يسرى بجهام نيته يقطع حــــــدود=مع قاع خــــد عشبته جرهديه =الخد خدود الوجه وجرهديه مابها عشب ويقطع المسافه بالوجه.
تحياتي للجميع

[المزيدي4]

كفوووووووووووووووووووووووووووو/وماشاء الله عليك وتفكيرك
كأني معك وانت كاسب البيرق/ياكاسب الطيب اول وتالي
يعني فرحاااااااااااااااااااااااااااااااااااااااااااان
والدموع أخذت اجازة بتواجدك يابو سعد ولا يهونون اخواني
----------------------------------------
القناص/أخونا ابو سعد-الأكلبي
الحل/الدموع
التوضيح:
الذود=تشبيه فالابل في الغالب تتابع مثل الدموع.
يسرى بجهام نيته يقطع حــــــدود=مع قاع خــــد عشبته جرهديه =الخد خدود الوجه وجرهديه مابها عشب ويقطع المسافه بالوجه.
تحياتي للجميع


كفوك الطيب يا أبو مهند
وبيض الله وجهك
والله يجعلها آخر الأحزان
ويكتب لك الأجر والسلوان
ولا تقطعنا يالغالي
ترانا تنشّطنا معك..

[عطري]

السلام عليكم و رحمة الله وبركاته
حمداً لله على سلامتك و عوداً حميداً يا أبا مهند
غفر الله لنا ولك و لوالدينا ووالديكم و أسكنهم فسيح الجنات
مجرد ما رأيت ال_رايق تركت جميع الألغاز وتوجهت لآخر مشاركة في لغزك للسلام والترحيب ، طولت علينا
صح لسانك و كفوووووووووو يا أباسعد
حفظكما الله
و أعتذر عن دخولي بينكما عرض