حل مشكلة قير اكسبلورر

[أبوعقاب]

اعضاء المنتدى الكرام
السلام عليكم ورحمة الله وبركاتة



كانت عندي مشكلة في قير اكسبلورر 2007 وهي :
1- دقه قويه جداً لما تعشق R
2- رجفه لما تعشق من 2 الى 3
3- التعشيق غير منتضم


عرضت الموتر على ثلاث ورش ترايستار اتو سيرفس الشامي الثلاث قالو توضيب والتكلفه من 6000 الى 8000 حبيت القى ورشة شغل نظيف ورخيصه لأن الماده مقصره معي ماقصرو الشباب دلوني على ورشة عرضت المشكلة المهندس سعودي قال ما يحتاج توضيب هات 6علب زيت . فلتر . وجه كارتير . حساس قير ( مخ القير ) جبت له القطع ركبها خذ تقريباً ساعة جربت الموتر مصدق مكذب كل المشاكل انتهت يوم سألت الرجال بيض الله وجهه وكثر من امثاله قال هذا عيب مصنعي في اغلب الاكسبلورر . فحبيت اعرض الموضوع اي شخص عند هذي المشكله يتأكد من حساس القير قبل مايخسر قيمة توضيب . والسلام عليكم .

[ريثان القصيم]

بيض الله وجهك دنيا واخره
والله يجعلها في ميزان حسناتك وحسنات المهندس السعودي

ياليت توضح لنا وين موقع الورشه علشان ندل عليها ربعنا

ريثان القصيم

[hassan-55]

جزاكـ الله خير
وكثر الله من امثالكـ

[عاشق البسمه]

فضل من الله . . . طيب كم كان ماشي موترك يوم تغير الزيت؟ وهل هذي اول تغييرة للزبت؟

[أبوعقاب]

ووجهك اخوي ريثان القصيم
الورشة في الشرقية خضرية الدمام ( ورشة الشامسي ) تقدر تشتغلها في اي ورشة يكون شغلها نظيف الحساس هذا يجي بجنب فلتر القير كأنك تغير فلتر وزيت ورقم الحساس ( 9L2Z-7G391-A)

[أبوعقاب]

اخوي عاشق البسمة الموتر ماشي 215 وهذي المره الثانية غير الزيت اول مره كان ماشي 100

[ابوالبراري]

الله يجزاك وراعي الورشة كل خير
حبيت أستفسر عن كم كانت تكلفة قطع الغيار وشغل اليد كي نقارن كيف تكون لون أنك طاوعت الورشة الى يقرر أدنى خلل توضيب وذلك تكلفة شغل اليد عالى وطبعن قطع الغيار الورشة هي الى جأبها

[أبوعقاب]

اخوي ابو البراري
تكلفة القطع 1185 وشغل اليد 200

[ابوالبراري]

الله يجزاك خير يابوعقاب مقارنة في توفير المال والوقت
مقارنة بمتوسط اسعر لوانك وضبت القير دفعت زيادة 5500 ريال
معدل من ثلاث ايام الي اسبوع في الورشة طبعن محتاج استئجار سيارة بما لا يقل عن 100 ريال خلال خمس أيام 500 ريال
يكون المجموع 6000 ريال
لهذا ننوه ونحرص أن لا توافق على أن تقوم بالوثوق بصحاب الورش عندما يقول محتاج توضيب سوا قير أو مكينة بل قم أنت بنفسك كي لا تخدع من هاولاء العمالة مر أكثر من ورشة ويضا أنت من تقوم بشراء القطع الغيار وعند الانتهاء تطلب منهم القطع القديمة في حالة كنت غير متواجد عند تبديل القطع الجديدة من تجربة أن اغلب الورش لا يغير جميع القطع كي تحاسبة على قد شغلة وشكرا وعلى قول المثل حرص ولا تخؤن

[GM_400]

شكرا لك على خدمة اخوانك

ولو كل واحد منا افاد باعطال سيارته وطريقه اصلاحها

كان وفرنا كثير من الوقت والمال واستغلال الوررررررررررررش

[sari1980]

أخي أبو عقاب جزاك الله خير...
هل كان يوجد تأخير لما تعشق R بعدين الدقة وتأخير لما تعشق D بس بدون دقة...

[هواوي الشمال]

الله يجزاك خير

[جيب الريم]

جزاك الله خير يابو عقاب انت وراعي الورشه

هل من الممكن وصف موقع الورشه,
لان الاعراض هذي بدت معاي لها كم يوم

ولك جزيل الشكر

[داوودي 505]

جزاكـ الله خير
وكثر الله من امثالكـ

[falharbi25]

جزاك الله خير ابوعقاب ...ابي رقم المندس او الوصف اسرع وقت ...بنتظارك يالغالي...

[برق شمال غربي]

السلام عليكم ورحمة الله وبركاته
أنا عندي سلفرادو موديل ٢٠٠٥ صار عندي عطل في الدبل وصار يطلع اصوات وقروشة وقرقعه
بعد ما رحت للمكانيكي وفكه قال لي يبي جرم الدبل الخلفي مع الجنزير وكمان كان بيقولو لي تراه غاليه القطع ولكن جيب دبل خلفي كامل من مكان مايركب الدبل مع الجير بوكس
؟؟؟؟
السؤال هل اقدر احصل دبل خلفي بالتشليح وفين وفي اي منطقة من المملكة وكم سعرة تشليح وكم سعرة في الوكالة ؟

هذا شاكر ومقدر لكم حسن استماعكم والله يحفظكم

[أبووليد734]

السلام عليكم أخوي أبوعقاب انا عندي مشكلة في القير ومضيقة صدري مرره وهي اذا عشق القير بالنمره 5 فضى بعدين عشق ..
ورحت للقرعاوي وقالو لي انه من الكلتشات ، بعد رحت اوتو ستار وقالو لي نفس الشي
وراح يكلف من 2500 إلى 3500 ..
وانا صراحة محافظ علي تغيير زيت القير مع الفتلر كل 20 - 30 الف اغيره
فماادري وش الرأي مع العلم ان الموتر2010 وممشاه 128000 تقريباً

[أبووليد734]

اعضاء المنتدى الكرام

السلام عليكم ورحمة الله وبركاتة



كانت عندي مشكلة في قير اكسبلورر 2007 وهي :
1- دقه قويه جداً لما تعشق R
2- رجفه لما تعشق من 2 الى 3
3- التعشيق غير منتضم



عرضت الموتر على ثلاث ورش ترايستار اتو سيرفس الشامي الثلاث قالو توضيب والتكلفه من 6000 الى 8000 حبيت القى ورشة شغل نظيف ورخيصه لأن الماده مقصره معي ماقصرو الشباب دلوني على ورشة عرضت المشكلة المهندس سعودي قال ما يحتاج توضيب هات 6علب زيت . فلتر . وجه كارتير . حساس قير ( مخ القير ) جبت له القطع ركبها خذ تقريباً ساعة جربت الموتر مصدق مكذب كل المشاكل انتهت يوم سألت الرجال بيض الله وجهه وكثر من امثاله قال هذا عيب مصنعي في اغلب الاكسبلورر . فحبيت اعرض الموضوع اي شخص عند هذي المشكله يتأكد من حساس القير قبل مايخسر قيمة توضيب . والسلام عليكم .


السلام عليكم أخوي أبوعقاب انا عندي مشكلة في القير ومضيقة صدري مرره وهي اذا عشق القير بالنمره 5 فضى بعدين عشق ..
ورحت للقرعاوي وقالو لي انه من الكلتشات ، بعد رحت اوتو ستار وقالو لي نفس الشي
وراح يكلف من 2500 إلى 3500 ..
وانا صراحة محافظ علي تغيير زيت القير مع الفتلر كل 20 - 30 الف اغيره
فماادري وش الرأي مع العلم ان الموتر2010 وممشاه 128000 تقريباً

[ابوراكان24]

مشكور اخوي على هذه النصيحه
المفروض تكون نصيحتك اﻻولى بان نبحث عن المهندس السعودي ﻻنه حريص عليك من الخساره ونصيحته من القلب ليس كغيره همه يسلب مافي جيبك وسيارتك عسها ماتصلح

اسال الله ان يوفق شبابنا ويقدروا يغطوا اشغالنا ويفكونا من اﻻجانب

الله الله مع الشاب السعودي

[برج الخير]

صراحة ما أقول إلا الله يجزاك الخير يا أبو عقاب
وأسأل الله أن يبارك لك في مالك وعيالك ونفسك
.
.
السالفة بارك الله فيكم عندي اكسبلورار 2008 له معي سنة و نص
جنن أهلي القير بالنتعات و الرجفات و اللخبطه و كشفت عليه عند كذا ورشة كلهم أجمعوا على التوظيب..... بس كنت إذا فصلت البطارية يظبط شوي وبعدها ينتكس
المهم ذاك اليوم و أنا أعوم في النت عن مميزات و مشاكل و مقاطع الاكسبلورار مررت علي موضوع أبو عقاب....... راعي الجمايل فإذا به يذكر نفس ما أجد في سيارتي
بس و أقعد أنتظر الصباح فلما جاء الصبح إنطلقت مسرعا و شريت القطعة اللي ذكرها
و لكن برقم الهيكل ب 1400ريال و 6علب زيت و فلتر التوتل 1900
ثم توجهت مهرولنا إلى الميكانيكي لكي أغير الزيت و الفلتر و المخ
قال لي الميكانيكي أنت فلوس كتير هذا مافي فايده
قلت غير و على بركة الله ...... و الله ياجماعة بعد ما انتهاء شيء مش معقول
رجعت السيارة طبيعي جداً جداً
ولي الآن من يوم غيرت القطعة قرابة شهر زي الفل
بسم الله ماشاء الله لا قوة إلا بالله
ربنا يكرمك يا أبو عقاب

[عثمان محمد]

ماشاء الله بس سعر القظعة عالي جدا1400

[عثمان محمد]

الله يجزاك خير يا أبو عقاب
وأسأل الله أن يبارك لك في مالك وعيالك ونفسك
السلام عليكم مشكلتي لدي سيارة فورد اكسبلورر 2006 وقد حدث ان تسرب بعض الزيت من الاديتر وقمت بتغييره بعد ان لاحظت الزيت في الاديتر وقمت بتغيير زيت القير ولكن كان لونه فيه بعض البياض وما يسمى بلون الفراولة .
هل ماحدث اثر على القير وماذا تنصحوني ؟
الرجاء سرعة الرد .