اللي راحوا العلا ما شفتوا هالشي العجيب!!!!!!

[هاوي المطر]

السلام عليكم ورحمة الله وبركاته


ودي اسأل الشباب اللي راحوا للعلا إذا كانوا واجهوا اللي واجهناه

قبل تقريبا 7 سنين ويمكن أكثر ناسي رحنا للعلا نبي نشوف مدائن صالح

المهم وصلنا العلا بالليل وحطينا رحالنا عند مدخل العلا عند كوبري كان وقتها قيد الإنشاء

المهم تعشينا وبيتنا هناك ومادرينا تالي الليل إلاصياح وصراخ يشق الوادي اللي من دوننا

والعياذ بالله شي يهول

قمنا نشوف من اللي يصارخ علينا ونشوف الوادي شاب ضو نيران من كل جهه

ونسمع هالصراخ ولا نشوف شي ولاهو صوت واحد ولا إثنين والله ماتقول الا ذاك الوادي

إمتلا ناس المهم كل واحد منا شال بيده شي إن كان سكين ولا عجره واللي معه مسدس

طلعه والبلشه انك ماتشوف احد غير الصوت والنيران

المهم مع الوقت بدت الأصوات تقرب وصرنا نشوف أنوار سيارات بالوادي تروح

وتجي والغريبه اننا ماكنا نشوف الا نورها الأمامي

وشوي شوي الأصوات تقرب وبدوا يرمون علينا حجار وبيننا وبينهم مان واقف

شويل يبعد عننا حول مية متر نشوفه واضح والحجر يجي من دونه ولا نشوف

شي ويوم شفنا الدعوه كذا تعوذنا من ابليس ونلم عفوشنا ونركب سياراتنا

ونهج للعلا ومالقينا محل نبات فيه غير النادي حقهم

فالله العالم إنهم جن والعياذ بالله


ويشهد علي الله على كل كلمه قلتها

[غالي]

@@
<---------- يقول ابنام اليوم والا لا؟
هههههههههههههههههههههه
لا اله الا الله محمد رسول الله............ اعوذ بالله من الشيطان الرجيم
انا ماادري وشو هذا لكن الواجب تنزل باي مكان مهجور بر او غيره تقول(أعوذ بكلمات الله التامات من شر ماخلق) ثلاث مرات
ووينكم عن مكان معركة بدر؟؟؟
سمعت ان في نفس يوم واقعة معركة بدر الي نزلوا فيها الملائكه لمساعدة الرسول والمسلمين
ان رحت له بنفس اليوم ونفس المكان تسمع اصوات السيوف والخيول
هذا سمعته ولاشفت والله اعلم

[قليقلان]

العلا معروفة بالجن واذا تعرف ميقوع والحوي هذي باليل ماتنسكن انا الصراحة ماحصل لي موقف لكن واحد من الربع عسكري تعين بالحوي وكل يوم يجيبلنا سالفة

وعلى فكرة فيه حديث للرسول "صلى الله عليه وسلم" بما معناه:
انه نهى عن المبيت في ارض العذاب ومدائن صالح معروفة انها ارض عذاب

[* ولد الديمن *]

ما يبيلها هذولا جن يرحبون فيكم بالطريقتهم الخاصه

الله يفكنا من شرهم وجميع المسلمين

[الضاري]

الحمدلله على السلامه أخوي

والله يكفينا شر الجن

[جرير]

يارجال اذكر الله خوفت اللي يبغى يروح ماهناش الا العافيه
نمنا بكل محل من العلا وكشتنا ليلا ونهارا ورحنا وجينا ماشفناش الا الخير
طبعا المنطقه المنهي عنها هي الوادي اللي به الاثار وهذا يكره الجلوس والنوم فيه ويقتصر علي الفرجه لاخذ العبره والله اعلم

شكلك مسولف بالجن او احد مخوفكم قبل ما تاصلون

[جماز]

بصراحة أنا كد رحت للعلا نمنا فيها كم يوم الصراحه ,,
ما شفنا إلا العافية والمدينة عن جد زينة وأهلها طيبين بالمره,,
وعندهم المزارع على الطريقة القديمة والمدينة بصراحة تجنن مرررره
أنصح جميع الأخوان بزيارتها ...
ولا كن لاأنصح العوئل بزيارتها..
وأذكر كمان إنا رحنالها بشهر أغسطس يعني بعز الصيف
والجو كن عندهم معتدل بالنهار بارد مره بالليل...
....