وش احسن زيت للقير العادي [الأرشيف]

مشاهدة النسخة كاملة : وش احسن زيت للقير العادي

هم الشمالي

15/09/2012, 01:25 PM

انا عندي جيب لاند كروزر 92 غيرت زيت القير قبل يومين وقالو لي ناس ليش تغيره ترى بيخبط معك
ونا خايف وهالحين السياره واقفه ماحركته البنشري قال زيت القير منتهي خلني اغيره قلته غيره من زود الحرص وحطلي زيت شل مكتوب عليه للتروس جالون لونه رصاصي والله اني مدري وش اسوي وش تنصحوني به اغير الزيت بالوكاله او احط زيت معين او اخليه ارجو من لديه خبره ان ينصحني وش اسوي بها مشكله

mekshaat

15/09/2012, 02:42 PM

المشكله ماهي تغيير الزيت المشكله وش الزيت اللي غيرته كانه نوع مكرر ومغشوش
بيعدم عليك القير تلقاه بعد شهر طالع مثل المويه خذ لك زيت أصلي حق الوكاله مع
معالج الاحتكاك حق القير العادي وان شاء الله تضبط الامور.

هم الشمالي

15/09/2012, 03:04 PM

mekshaat

15/09/2012, 04:16 PM

يقول شل اصلي رقمه140ثقيل ومعالج الحتكاك وين احصله وش اسم شركته الله يجزاك خير

خلك من زيوت البناشر الرخيصه قبل سنه تقريبا حط لي البنشري
زيت رخيص تجاري بالدفرنس اسبوعين والونه طالعه وأعدم الدفرنس
الزيت الأصلي العلبه من70 ريال وطالع وأكثر زيوت البناشر140-90ماتصلح
للدفرنس عموما الراي لك وبالتوفيق.

sgl2002

15/09/2012, 04:18 PM

رح لبترومين مركزهم الكبيرة وغير الزيت من عندهم

اضمن لك من الغش

sgl2002

15/09/2012, 04:20 PM

بعدين ليش تغير الزيت

الوالد معه نفس موترك وليومك ذا من عام ٩٢ ماغير زيت قيره

اذا نقص زاده

واللاندكروزر مايقصر صوفته حقت القير كل فترة تهرب ويروح بعض الزيت وتزيده انت

sgl2002

15/09/2012, 04:21 PM

بعدين ليش تغير الزيت

الوالد معه نفس موترك وليومك ذا من عام 92 ماغير زيت قيره

اذا نقص زاده

واللاندكروزر مايقصر صوفته حقت القير كل فترة تهرب ويروح بعض الزيت وتزيده انت

كاشت بالبر

15/09/2012, 08:28 PM

موديل سيارتك قديم جدا 92

لو انت أول مالك للسياره .. و تغير الزيت بشكل دوري

ما راح تواجه مشاكل >> إذا كنت تستخدم الزيت واللزوجه المناسبه للقير ونوع الزيت المناسب .. افتح كتالوج سيارتك وأقرأ

لكن انت موديل سيارتك قديم جدا 92 وأول مره تغيره
احتمال كبير يخبط القير

وعلى ما أظن 140 ثقيل جدا ... للشاحنات فقط

يمكن يضبط معك

انا ما استخدم الا زيت قير فوكس أو بترومين (( للقير العادي ))

الوقيدي

15/09/2012, 10:11 PM

السلام عليكم : أخي الكريم زيوت شل الاصليه من أفضل الزيوت وهذا الزيت اذا كان 90 جي ال4 فهو مناسب جدا للقير واذا كان عيار 140 فهو زيت ثقيل ويتأخر تعشيق القير لديك . ويتلف نحاسات القير لديك .والحل أذا ارد تتغييرالزيت فخذ زيت قير وكاله عيار 75-90 جي ال4 او زيت موبيل 80-90 جي ال4 فهو ايضا مناسب . او زيت شل 90 جي ال4 العلبه الرماديه .وللعلم زيوت شل هي الزيوت التى كانت متوفره في السوق قبل اكثر من 35 سنه . الى اللقاء

الوقيدي

15/09/2012, 10:18 PM

السلام عليكم : الكل قد يتسأل ما الفرق بين زيت 90 جي ال4 و زيت 90 جي ال5 والفرق في الماده فقط حيث ان الماده الفعاله في زيت 90 جي ال4 ان هذه الماده تحافظ على نحاسات القير من التلف والاكسده اثناء الحراره الشديده وفوران الزيت . عكس زيت 90 جي ال5 فهو مخصص للدفرنسات فقط . ويستخدم نفس الزيت للقير اذا لم يوجد البديل . الى اللقاء

أصيل حجآ زي

15/09/2012, 10:19 PM

mekshaat

15/09/2012, 11:32 PM

الزيت الثقيل 140 للقير العآدي خطاء كبير .

ولا يصلــُح للدفرنش أبدآ .
الا للمُعدآت الثقيلة والشآحنآت .

ألا أذا كآنت اللزوجة مكتوب عليها عيآر 75W - 140
فهو يصلــُح لبعض الدفرنشآت فقط مو للقير أبدآ .

وتعني عيآر 75W - 140 أن اللزوجة مُتعددة من 75 الى 140 .

االعيار140-75 هو المعتمد لدفرنسات الفورد من المصنع لكن اخوي أصيل
فيه واحد من الشباب مهندس سعودي وعنده ورشه معه جيب شيروكي قير عادي
وحاط للقير زيت مكينه يقول أخف للتروس وللحراره واستغربت من طريقته خطأ والا
صح وخويه نفس الطريقه حاط زيت المكينه لقير الددسن يقول خفيف ونصحه فيه
مهندس موضب القير عنده.

أصيل حجآ زي

17/09/2012, 01:00 AM

االعيار140-75 هو المعتمد لدفرنسات الفورد من المصنع لكن اخوي أصيل
فيه واحد من الشباب مهندس سعودي وعنده ورشه معه جيب شيروكي قير عادي
وحاط للقير زيت مكينه يقول أخف للتروس وللحراره واستغربت من طريقته خطأ والا
صح وخويه نفس الطريقه حاط زيت المكينه لقير الددسن يقول خفيف ونصحه فيه
مهندس موضب القير عنده.

يا مكشت
هل القيور اللي حطو لها زيت المُحرّك قيور عآدية ؟؟؟؟؟؟؟

حتى أذا هي قيور تمآتك !!!
ما يصلــُح لها زيت المُحرّك أبدآ .

غريبة ويمكن يعجل بتخبيطها حتى يضمن صآحب الورشة عودتهُم لهُ .

اللهُ أعلم وأكمل وش اللي حآصل .

شركآت التصنيع كُلها بمُهندسيها ومُخططيها ومُصمميها يقولون
القير العآدي يستخدم زيت عيآر 80W - 90
أو أخف زيت عيآر 75W - 90 .

وصآحب الورشة هذي طلع عبقري زمآنُه .
أذكى وأفهم من شركآت التصنيع .

ضروري تآيوتا أو جي أم تأخُذُه مُستشآر بالسآعة .

أنا ما رآيح أصدقهُ لأن قيري رآيح يخبط في أشهُر أن لم يكُن أسآبيع أو أيآم .

لاكن للضرورة أحكآم .
لو أنت في صحراء منقطع من الحضآرة يمكن للضرورة تستخدمُه .
وتنتهي الضرورة مُجرد ترى بُنيآن القــُرى والهجر والمُدُن .
:good2:

mekshaat

17/09/2012, 01:55 AM

يا مكشت
هل القيور اللي حطو لها زيت المُحرّك قيور عآدية ؟؟؟؟؟؟؟

حتى أذا هي قيور تمآتك !!!
ما يصلــُح لها زيت المُحرّك أبدآ .

غريبة ويمكن يعجل بتخبيطها حتى يضمن صآحب الورشة عودتهُم لهُ .

اللهُ أعلم وأكمل وش اللي حآصل .

شركآت التصنيع كُلها بمُهندسيها ومُخططيها ومُصمميها يقولون
القير العآدي يستخدم زيت عيآر 80W - 90
أو أخف زيت عيآر 75W - 90 .

وصآحب الورشة هذي طلع عبقري زمآنُه .
أذكى وأفهم من شركآت التصنيع .

ضروري تآيوتا أو جي أم تأخُذُه مُستشآر بالسآعة .

أنا ما رآيح أصدقهُ لأن قيري رآيح يخبط في أشهُر أن لم يكُن أسآبيع أو أيآم .

لاكن للضرورة أحكآم .
لو أنت في صحراء منقطع من الحضآرة يمكن للضرورة تستخدمُه .
وتنتهي الضرورة مُجرد ترى بُنيآن القــُرى والهجر والمُدُن .

:good2:

كلامك صحيح والقيور اللي حاطين فيها الزيت عاديه
ماهي تماتيك لكن الصراحه استغربت من طريقتهم راعي
الشيروكي على كلامه جربه بالطعوس لكن ماعندي خبره
في طريقتهم وأكيد بعد فتره بتبين معهم النتيجه مع اني
قلت لهم نفس كلامك انه خطأ يدمرالتروس.