بمناسبة بداية نقل الطيور المربوطه موضوع يهم الدعو

[المضحي]

السلام عليكم ورحمة الله وبركاته

لاشك ان كل واحد ولهن على طيرة وده اليوم قبل بكرا ينقله ويبرد الجو وتزين النفوس بعد موسم الصيف ,,,

الله يرزقنا واياكم بالنوادر والحباري الي تسر قلوبكم واخوياكم وطيوركم.

بمناسبة النقله للطيور بعد الربطة , حبيت استفسر عن طريقة للدعو مادري احد جربة قبل ولا لا ...

وهي بعد تدهيل الطير ودعوه الي دعوه بمسافات طويله وبدون سبب ..

وهي ان تدعيه انت وخويك المعني , انك تخلي خويك يفك الطير لك وتدعيه من مسافه واذا جاك تخلي خويك يدعيه وعلى هالطريقة , ولا ادري هل تاثر على الطير ونفسيته ولا احد قد جربه ولكم جزيل الشكر...

دمتم بخير
المضحي.

[صقار العنزي]

وعليكم السلام اخونا المضحي
انا عليمي بشغلات هذه بس ماعندي
اي معلومه يفيدونك الربع ..مايقصرون انشاءالله

[مليار]

طريقه مفيده لتعويد الطير على الدس ولكن ليست النظاميه او المفيده

المفروض تلويح حتى يتحرك جناح الطير وتبدا تتقوا لياقته وتكون تدريجيه
ولكن طريقتك ليس لها مظره على الطير بس فايدتها مهيب مثل فايده الملواح

[القنــ أبو تركي ـــاص]

حياك الله ..الدعو يعتمد على المربط قبل
هل الطير مربوط طلق والا مربوط

لو طلق ما عندك مشكله الطريقه اللى قلت عليها ما تأثر عليه بإذن الله

اما لو مربوط ..ما انصح فيها ...اول مره خل خويك يفك الطير وانت خله يشوف الحمامه وخله يمسكها على طول
واليوم الثاني ابعد المسافه شوي
لين تشوف جناحه
كيف

[نقوة الغوش]

من وجهت نظري ما انصحك
والدنيا تجارب واناخوك

[عواد الشمري2]

يعني ا>ا هده خويك عليك وجاك تخليه ينسر وتهده انت على خويك يعني قصدك تبيه ينجرد اشوف انه مهي عمليه ولا تجرد الطير ك>ا عليك بطلق خل جناحه يطلع

[هاوي الصلفات]

السلام عليكم ورحمة الله وبركاته
الطريقه الي تقول تسمى الشقلاب وهي مفيده اول الدعو علشان الطير يامن الناس
لكن اذا الطير لبى وانطلق جناحه تجنبها ابرك لأن الطير كذا يبوه ويخرب طبعه
ويصير يتلفت لكل زول يدور عنده علف .

[الجره جديده]

السلام عليكم ورحمة الله وبركاته
الطريقه الي تقول تسمى الشقلاب وهي مفيده اول الدعو علشان الطير يامن الناس
لكن اذا الطير لبى وانطلق جناحه تجنبها ابرك لأن الطير كذا يبوه ويخرب طبعه
ويصير يتلفت لكل زول يدور عنده علف .


كلامك صح هذي اسمه الشقلاب وهي عند العرب قديما يسوونها للطير اللي توه مدهل
لكن بخصوص صاحب الموضوع اذا طيرك بيتي وخابر طبعه انت من العام
اذا الطير مربوط طلق يعني يطير في المربط ويحوم ماعندك مشكله انتف حمامه وحطها ميتين متر وهده عليها وشف مطير الطير اذا هو بارد وتعب في وصوله للحمامه اليوم اللي بعده اقصر له المسافه
واذا الطير ما تعب اليوم اللي بعده رح انت ميتين متر ولوح له وعطه سحبتين ثلاث على الملواح وبعدين علفه وكل يوم زود عليه الملواح بس خلك حذر لا تملع الطير

وبخصوص اذا الطير مربوط ربط هنا مشكله يبي لك ثلاثه ايام وانت تهده على حمامه تبعد عنه خمسين متر او اقل بشوي وكل يومين تزود عشرين متر لين توصل متر وتشوف ان الطير يقطع ميتين متر بدون تعب وجناحه ما تلاحض عليه ارتخاء او برود
بعدين تسوي معه مثل ما سويت في الطير الاول وياليت صبح وعصر

الاشياء هذي ما تسويها لطيرك لين تشوف نفسيته زانت وينقز على الدس وحرص واللي في راسه من وحاشه طاح
بس ترا يبي لك وقت لين يتطلق الطير والله الله بخلطة الحلبه والشب الاسود وشي بسيط من الرشاد بس لاتكثر عليه

وتراني ما انصح بالشناذر الوقت هذا لان الوقت حر وتعورالطير

[سارق الكحل]

معي طير نلوح انا وخويي له
بشرط نكون موازين لبعض ومسافة بيننا معقوله

يجيني الطير واسحب الملواح ومايمدينه الا وخويي قدامه ويجيه ويسحب

الصراحه متعه وخاصة اذا الطير أعطاك من نفسه

وتحدي من الي مايصيده الطير

[قناص راكب شاص]

الطري[/SIZE]]قه هاذي يسمونها الشيبان الشقلبه كانوا يسوونها قديماً ايام الناس يقنصون على رجليهم وفايدتها ان الطير اذا هديته وافلس او طارت الحبارى وخايف انه يغدي يجذبه ويعود على راعيه اما الوقت الحالي انا انصحك انك ماتسوي هالطريقه لانها تقلل صملة الطير يطرد وباله لراعيه يتحراه يجذبه

[صقار الأسياح]

الطريقه هاذي يسمونها الشيبان الشقلبه كانوا يسوونها قديماً ايام الناس يقنصون على رجليهم وفايدتها ان الطير اذا هديته وافلس او طارت الحبارى وخايف انه يغدي يجذبه ويعود على راعيه اما الوقت الحالي انا انصحك انك ماتسوي هالطريقه لانها تقلل صملة الطير يطرد وباله لراعيه يتحراه يجذبه
:good::good::good::good::good::good::good::good: