Abu Abdullah6
15/09/2012, 03:25 PM
السلام عليكم ورحمة الله وبركاته
مساء الخير يالنشاما...
ترددت بكتابة الموضوع وتشجعت لأفيد اخواني عن قصتي مع نيسان باترول ربع ..
اللي حصل اني نويت اشتري باترول ربع جديد في وقتها موديل 2009 وكلمت احد زملائي في الرياض ووصيته يدور لون ابيض قزاز كهرب مراتب متتاليه وبعدها اتصل علي وقال لقيت لك واحد في موزع نيسان ( اعتذر عن ذكر اسم المعرض ) قلت ادفع عربون وانا جاي بعد يومين وقتها كنت برى السعوديه وحجزت لمطار الرياض وجيت سيييييده ع المعرض وكملت باقي فلوسي ورحت خلصت اوراقي من المرور ... المهم استخدمت السيارة اكثر من 3 شهور تقريباً وكنت مستغرب الوسع اللي بالسياره من رجلين الركاب اكرمك الله والضيق اللي بالشنطه بين الباب الخلفي والمرتبه الخلفيه لدرجة حتا عزبة القهوه يالله احطها واسكر الباب ؟؟؟ المهم قضاء الله وقدره انه مرني واحد من الشباب معه نفس سيارتي وشفت السيت الخلفي ولقيته يختلف عن سيارتي !!! مع العلم اني استخدمت اكثر من باترول ربع من 97 لين 2006 لكن ما دققت وش الفرق اللي بسيارتي لحسن النيه وان السياره جديده والخ...
المهم بعد التدقيق بين سيارتي وسيارت زميلي عرفت ان موتري الكراسي الخلفيه تلفيييييييييييق !! الاصل كان كراسي متقابله نفس سيارات الشرطه والجوازات وتم تغييرها الى متقابله هههههههههه المهم موتري ماشي 13 الف كلم .. صليت الفجر ع خط الرياض رايح للموزع والوكاله وصلت الحمد لله كلمت الموزع وقلت له السالفه كلها وقال توكل ع الله بعد 3 شهور جاي ! توجهت للوكاله سلاااام وين مدير ياصديق قال مافي معلوم وبعد الحوسه والصياح مافيه فايده وتوجهت لمكافحة الغش التجاري بوزارة التجاره وطقطقت السالفه كلها وزرقني الله بموظف جزاه الله خير وعطاني خطاب استدعاء للوكيل بعد يومين ،، خن بط وانا عند الوكاله الله يجيركم من نار الاخره يوم شافوا الخطاب وقلطوني وانا اللي اسف دلتهم وشاهيهم ههههه حط ابوك شل ابوك قالوا موترك هذا كان مبيوع ع وزارة العدل من ضمن اكثر من 50 سيارة وطلبوا من انا نغير لهم الكراسي متتاليه لااااا وياليتهم ركبوا كراسي الربع المتتاليه لاااا حطوا حقت SGL الطويل اللي تتسفط ع القزاز الجانبي بالعربي كلها تلفيق حتا مسامير التثبيت كل واحد شكل ولون لكن وزارة العدل اكتفت بعدد من السيارات وبعنا اللي لفقناه ع الموزع وانت طحت واخد منهن، ما اطول عليكم رحت لمستوداعاتهم بالسلي ولا لقيت بديل ... بالاخير اخذت فلوسي كامله وبس.
انتبهوا ولا احد يقول جديد ووكاله ورب البيت يالقيت شي بالمستودعات مصدم وملفق لكن حسبنا الله ونعم الوكيل .
حبيت اشارك بالموضوع لتعم الفائده وتلافي المشاكل مع الوكيل او غيره.
تحياتي
مساء الخير يالنشاما...
ترددت بكتابة الموضوع وتشجعت لأفيد اخواني عن قصتي مع نيسان باترول ربع ..
اللي حصل اني نويت اشتري باترول ربع جديد في وقتها موديل 2009 وكلمت احد زملائي في الرياض ووصيته يدور لون ابيض قزاز كهرب مراتب متتاليه وبعدها اتصل علي وقال لقيت لك واحد في موزع نيسان ( اعتذر عن ذكر اسم المعرض ) قلت ادفع عربون وانا جاي بعد يومين وقتها كنت برى السعوديه وحجزت لمطار الرياض وجيت سيييييده ع المعرض وكملت باقي فلوسي ورحت خلصت اوراقي من المرور ... المهم استخدمت السيارة اكثر من 3 شهور تقريباً وكنت مستغرب الوسع اللي بالسياره من رجلين الركاب اكرمك الله والضيق اللي بالشنطه بين الباب الخلفي والمرتبه الخلفيه لدرجة حتا عزبة القهوه يالله احطها واسكر الباب ؟؟؟ المهم قضاء الله وقدره انه مرني واحد من الشباب معه نفس سيارتي وشفت السيت الخلفي ولقيته يختلف عن سيارتي !!! مع العلم اني استخدمت اكثر من باترول ربع من 97 لين 2006 لكن ما دققت وش الفرق اللي بسيارتي لحسن النيه وان السياره جديده والخ...
المهم بعد التدقيق بين سيارتي وسيارت زميلي عرفت ان موتري الكراسي الخلفيه تلفيييييييييييق !! الاصل كان كراسي متقابله نفس سيارات الشرطه والجوازات وتم تغييرها الى متقابله هههههههههه المهم موتري ماشي 13 الف كلم .. صليت الفجر ع خط الرياض رايح للموزع والوكاله وصلت الحمد لله كلمت الموزع وقلت له السالفه كلها وقال توكل ع الله بعد 3 شهور جاي ! توجهت للوكاله سلاااام وين مدير ياصديق قال مافي معلوم وبعد الحوسه والصياح مافيه فايده وتوجهت لمكافحة الغش التجاري بوزارة التجاره وطقطقت السالفه كلها وزرقني الله بموظف جزاه الله خير وعطاني خطاب استدعاء للوكيل بعد يومين ،، خن بط وانا عند الوكاله الله يجيركم من نار الاخره يوم شافوا الخطاب وقلطوني وانا اللي اسف دلتهم وشاهيهم ههههه حط ابوك شل ابوك قالوا موترك هذا كان مبيوع ع وزارة العدل من ضمن اكثر من 50 سيارة وطلبوا من انا نغير لهم الكراسي متتاليه لااااا وياليتهم ركبوا كراسي الربع المتتاليه لاااا حطوا حقت SGL الطويل اللي تتسفط ع القزاز الجانبي بالعربي كلها تلفيق حتا مسامير التثبيت كل واحد شكل ولون لكن وزارة العدل اكتفت بعدد من السيارات وبعنا اللي لفقناه ع الموزع وانت طحت واخد منهن، ما اطول عليكم رحت لمستوداعاتهم بالسلي ولا لقيت بديل ... بالاخير اخذت فلوسي كامله وبس.
انتبهوا ولا احد يقول جديد ووكاله ورب البيت يالقيت شي بالمستودعات مصدم وملفق لكن حسبنا الله ونعم الوكيل .
حبيت اشارك بالموضوع لتعم الفائده وتلافي المشاكل مع الوكيل او غيره.
تحياتي