قدر الضغط التيربو الألماني( ابو عصا )

[سعد بن تركي]

استفسار بسيط
انا عندي قدر ضغط تيربو الألماني ( ابو عصا )
وابي اسوي له صيانه
ابي اعرف وين الشركه حقته بالرياض .. اللي تصلحه وعندها قطع غيار له
وجزاكم الله خير

[HAS5SAN]

https://encrypted-tbn1.google.com/images?q=tbn:ANd9GcQLIaHs0tRvzyM95WftJx2djR_7N51he 2_anLyXDOUiU6r8z24v

[عبون الجواء]

حياك سعد بن تركي
الوكيل باخشوين على طريق الملك عبدالله خلف بنده من جهه الغرب
والدوام من الساعة الثامنه صباحا حتى الساعة الخامسة عصرا
والصيانه خلف المركز من جهة الجنوب
تقبل تحياتي اخوك ابو عبدالله اي استفسار انا حاضر

[ريان2002]

أنا سمعت قبل أكثر من سنه إن باخشوين ترك وكاله القدر ولا أعلم هل أخذها غيره أم لا
ووجدت قدر مقلد له بنفس الشكل وبنفس لون المقابض ولكن الوزن أخف وبدون ختوم على الغطاء وبدون ستيكر باخشوين
في محل لبن شيهون في أبها وقال لي العامل ماذكرته سابقاً وأن هذه النوعيه جايه من الإمارات
وأعتذر منك أخي الكريم سعد بن تركي لأن كلامي مافادك بشيء ولكن الشيء بالشيء يذكر

[ابومتعب 777]

والله انا شريته 9لتر

لكن الربلة بعد يمكن عشر طبخات صار تنسم غيرتها

العصا أو اليد حقت القدر انكسرت وبعدها اليد الثانية حقت الغطاء ايضاً انكسرت ايضاً غيرتها

مع العلم اني أستخدمه حشمه ولا أحد يستخدمه غيري في البيت

والله مدري وش الموضوع شكله مقلد ولا فيه اي اسم لباخشوين

لكن الطبخ فيه رائع وسهل الاغلاق

[الرحال2222]

والله انا شريته 9لتر

لكن الربلة بعد يمكن عشر طبخات صار تنسم غيرتها

العصا أو اليد حقت القدر انكسرت وبعدها اليد الثانية حقت الغطاء ايضاً انكسرت ايضاً غيرتها

مع العلم اني أستخدمه حشمه ولا أحد يستخدمه غيري في البيت

والله مدري وش الموضوع شكله مقلد ولا فيه اي اسم لباخشوين

لكن الطبخ فيه رائع وسهل الاغلاق
حصلت معي ربلة الغطا فكها واقلبها وتزبط لا تغيرها
وترا الصناعات كلها صارت اي كلام

[عاشق الظل]

ذكريات جميلة وعشق لاينتهي لهذا القدر اسفي الشديد لا معلومات حديثة واخر عهدي باخشوين واللة يوفقك ويرعاك وجميع القراء الكرام

[الفهيد بدر]

وش الفرق بينه وبين السيف

[عرنان الشمال]

الله يعينا على الصناعات الجديده بسسسسس0

[سفاري نجد]

السلام عليكم ورحمة الله

فيه محلات باسواق العويس اللي تبيع الاواني المنزليه

عندهم قطع غياره له اصليه وتجاريه وقدور جديده

[kmk9999]

أخوي هل أنت متأكد إنه ألماني

لأن فيه واحد نفس شكل اللي أنت عارضه بالضبط عندي للوالد بس انه فرنسي على كلام الوالد وله تقريباً اكثر من ٣٠ سنة وما شاء الله لستى عايش
وما أخبر إشتكى منه الوالد أو غير قطع فيها

وتقبل مروري