حرارة الددسن

[ابو ناصر2011]

مساكم الله بالخير..

معي ددسن وكنت مركب مراوح سيبارو وكانت الحرارة وحده بالوقفه ولا المشيه

ونازلة بين الخطين لاكن فكيتهن وركبت تماتيك ومروحه جدد وصرت وانا امشي

الحرارة مضبوطة لاكن اذاا وقفت وصلت الى تحت النص بشوي ؟؟

هل هذا الشي طبيعي ولا وش السالفه؟

[sgl2002]

لا ماهي طبيعية

الخراب عندك من تماتيك المروحه

فر المروحه بيدك اذا هي خفيفه فهو خربان

او اذا احتر الموتر ادعس بنزين وشف اذا تسمع حنة الددسن وتحس المروحه مشبوكة والا هو خربان

[وجعين]

لا مهب طبيعيه معي سيارة الدوام2009 ثابته على الخط الثاني تزيد شعره الظهر بس الله لا يورك كلتش المروحه ثقيل مره له حنه تسمعه ونت مسكر القزاز يعني انت اكيد عندك كلتش المروحه خربان ولا بلعكس لاوقفت تبرد ونصحك ترجع مراوح السوباروا او ترهم له كلتش هايلوكس اخف بواجد من حق وكالته والدعوابسيطه اشتر كلتش هلي جديد ورح للمخرطه ومعك كلتش المروحه القديم وهم يخرمولك على نفس حق الوكاله

[ls1.5700]

افادوك الشباب بيض الله وجيههم
اكيد مثل ماقالولك تماتيك المروحه خربان
او انك مركب مو اصلي

[تمنيتك لي]

^
^
^
مثل كلآم الآخوآن

[ابو ناصر2011]

مشكوريين جميعاا

لاكن التماتيك اصلي وكاله ب390ريال ريال ينطح ريال

معقوله يصير خربااان ؟؟؟

وتراي مركب مروحه تجارية ممكن يكون السبب منها ياترى؟؟؟

[ابو ناصر2011]

هاه تكفون محد عنده العلم وين خبراء الحرارة

[ls1.5700]

اذا تفصد ريش المرحه ماهواصلي
يمكن تكون منها حتى لو ماله دخل بالحراره رايح تنكسر معك
وتكسر الاديتر وتحوس الدنيا عليك
اهم شي صيخ الاديتر قد يكون مسكر

[ملك السيييف]

نصيحة يا بوناصر

غير المروحة التجارية

تراني مجربها

انكسرت علي وانا في الطريق والله ستر ما خربت الرديتر .

[ابو ناصر2011]

نصيحة يا بوناصر



غير المروحة التجارية


تراني مجربها



انكسرت علي وانا في الطريق والله ستر ما خربت الرديتر .


والله توي ادري لاكن جزاك الله خير غديني اغيرها باذن الله

[وبل نجد]

المروحه التجاريه
تحتر مع الحراره ويضعف سحبها للهواء بسبب ميول في الريش وسبب الميول ضعف بلاستيك

[مركز حراره]

رجع الراوح احسن لك

[حربي الحرة1]

رجع المراوح الاوله وريح راسك