مادي ويش بلاه

[هواي البر 2]

السلام عليكم

طير جير حر طلعته من المربط قبل عشرة ايام تقريبا وطير راكد بس الطير بارد على العلف
حده ياكل ثنداة وحده ويصد عن العلف وطير نزل وزنه واجد ورحت فحصته الطير سليم من جميع الامراض ومرشه تكرمون ممتاز ابيض ونقطه سوداء . هل اشندر الطير ولا فزعتكم يانشاما

[ابو ساره 999]

والله يالغالي ماانصحك بالشناذر هالوقت توه حر شوي وتقول الطير ضعيف كم وزنه بالربطه وكم نزل معك اذا الطير نازل واجد تاكد من المستشفى وفحص الدم الجيره الخلط كثير منها يصاب بنسبة التهاب بعد خروج الطير من الربطه وهل اعطيته التحصينات اللازمه قبل الربطه وبعد ماطلعته من المربط هذا اللي اعرف وبيجيك منهو ابخص مني من الشباب اي مساعده حاظرين لك

[هواي البر 2]

والله يالغالي ماانصحك بالشناذر هالوقت توه حر شوي وتقول الطير ضعيف كم وزنه بالربطه وكم نزل معك اذا الطير نازل واجد تاكد من المستشفى وفحص الدم الجيره الخلط كثير منها يصاب بنسبة التهاب بعد خروج الطير من الربطه وهل اعطيته التحصينات اللازمه قبل الربطه وبعد ماطلعته من المربط هذا اللي اعرف وبيجيك منهو ابخص مني من الشباب اي مساعده حاظرين لك


الله يعطيك العافية الطير وقت الربطة وزنه 1350 الحين صار 1000 فحصت الطير بدل المره مرتين وكل مره يقولون سليم والله اعلم

[نقوة الغوش]

مافيه الا العافية اجل
اصبر عليه شوي وقبل تطلع الشمس خله بخلا
خلها تشرق عليه ويتلفت لين يمل
بعتقادي ان المسألة نفسيه
موفق خير ان شاء الله

[كلي فخامه]

الوقت هذا الطير ماوده بالعلف طلعه بالبر خذلك ثلاث اربع ليالي خل الطير يحس بالبرد بالليل وخل شمس الصبح وشمس العصر عليه وبعدين يرتاح نفسيا ويستهد الطير اللحين ممكن فيه وحاشه من المربط

[بدوي نمبر ون]

الطير هايب وللحين مستنكر الوضع كثر النقله عليه وانشاءالله مامن الا الخير
وليا شفته نزل حيل خل علفه نوبات علا وكره اهم شي ماينزل اكثر لاتسوي سواتي وينحاس وزن طيرك

[هواي البر 2]

مشكورين على الردود والحمد الله ابشركم الطير ماشاء الله عليه صار حريص على العلف وامروه طيبه
واعتقد مثل ماقالوا الاخوان انها وحاشه .