إحالة أصحاب مواقع إلكترونية تتاجر بالأسلحة إلى التحقيق

[شادي الاول]

http://www.aleqt.com/2012/09/16/article_693187.html

[مدمن الشات]

مكرر يالغلا

إحالة أصحاب مواقع إلكترونية تتاجر بالأسلحة إلى التحقيق (http://www.mekshat.com/vb/showthread.php?t=529915)

[راعي المطافيل]

خلاااااااااااااص .......... يفتحوووووووووون محلات بيع للسلاح....... ويحطون اقل عمر 30 سنه
ويعرفون كل قطعه سلاح عند من واين موقعه
وانتهينااااااااااااااااااااااااااااااااااااااااااا اا

[الاسم مستخدم]

يا ناس ارحموووووووووووونا وارحمو انفسكم افتحو محلات بيع اسلحة صيد واسلحه فرديه ويصير كل شي بشكل نظامي ووالواحد ماياخذ سلاحه الا اذا اخذ تصريحه واي واحد عليه سوابق ما يقدر يشتري ( وش رايكم )

والله العظيم طفشت من الهوائيه (مسوي مامعي خرازه ههههههه)

[أسير المساري]

عجب العجاااااااااااااااااااااااااااااب

مايبيلها تفكير ولا دراسه

حتى الدول الناميه والمتقدمه عندهم نظام محلات وهذا الشي من صالح الدوله والمواطنين وكل سلاح لو صارت عليه

مشكله يعرف راعيه برقم السلاح

ياناس ياعالم ارسلو برقيات للملك عشان الوضع يزين ونفتك من هالمبزره اللي بهذلو العالم وصارو سبب رئيسي في ارتفاع اسعار السلاح والفشق وجابو لنا المشاكل ومثل مانتو شايفين مصادرة السلاح المرخص وغير المرخص بسبب هالمراهقين

وانت يالمسؤؤل عن الاسلحه خاف الله في نفسك وحلل راتبك وابحث عن حل لهالمشكله لأن اهل الصيد العقال ماراح يتركون الصيد والله لو يحطون مية تفتيش هذي هوايه مثلها مثل غيرها واذا بيحطون تفاتيش يشوفون هالمجرمين اللي يسرقون سيارات العالم ويفحطون بها ويقتلون الانفس بغير حق ويمارسون جميع انواع الجرائم ولا اهل الصيد ياخذ بندقه ويظرب مئات الكيلوات لايوذي احد ولا يظر مسلم
ولا يرتكب جريمه
حسسسسسسسسبنا الله ونعم الوكيل

[راح الأمل]

عندي ملاحظه على الرابط اللي فوق ياخوي تبون تحطون مثال ولا على قولتكم بعض من الاعلانات المفروض تعرض ولكن بدون ذكر رقم صاحب الاعلان والتشهير به قد يكون مخطأ ولكن هناك ناس لاتعلم بان وظع اعلان بالنت او باي منتدى ممنوع او قد يجهلون هالشي فا اذا الرجال اخطأ استرو عليه مو تشهرون في رقمه بالاعلان يعني عالاقل حطو صيغة الاعلان كامله ولكن عند الوصل لرقم صاحب الاعلان ضع تمويه على رقم صاحب الاعلان او اشطب رقمه كله لان انتم كاتبين بعض الاعلانات وهنا الهدف هو ضرب مثال لهذه الاعلانات وليس التشهير في العالم تقبلو مروري واسف على الاطاله .

[تويوتا الشمال]

الله يعينا بس نظام فاشل والله ماترك الصيد لو تنقطع رقبتي

[PATROL]

سياسه غبيه انهم يضغطون على الشباب ومايخلونهم يمارسون هواية الصيد! اول شي الصيد هوايه لاتخل في حكم شرعي ولاغيره وثاني شي تشغل الشباب من الانحراف الى الاشياء السلبيه! ياخي يخلونهم ينشغلون بالصيد ولايلتفتون لامور ثانيه! الضغط يولد الانفجار!
وبعدين الله اكبر وش هالاسلحه المحرمه بازوكه والا اربي جي هي شوزن وابعد مدى لها 70متر!
بس اتوقع والله اعلم ان اللي يتحكمون هم ناس لهم مصلحه شخصيه القصد منها رفع قيمة السلاح والله اعلم

[الوووحيد99]

ان شاءالله يفتحون التصاريح وتفتح المحلات وتفتح الاندية

اخوي راعي المطافيل ليه حددة العمر 30 ؟
اكيد عمرك اكثر من 30 وماقول الى العمر كله
لاكن وانا اخوك العقل والثقل مايعرف العمر يمكن يجيك شخص عمره 20 تلقاه عاقل بقناصته ويجيك واحد عمره 35 ويحوس الدنياء على كل الناس الي تبي تقنص وراه
وانا متاكد لو كان عمرك 27 كان قلت المفروض التصاريح من عمر 27 .
وانا تراني شويب لاكن ماخلاني اكتب هالكلام الى من الي شفته بالساحل والله العظيم ان بعض الشباب اعقل من الشيبان بالقناصة .

[قلايد الخيل]

يارجال لاتخوفون الناس احذفو الموضوع وخلونا نقني اسلحه زي الناس

[AL8AI9ER]

ياخوي معروفة اغلب موردين الأسلحه عندنا والتجار الكبار لهم شنة ورنة في الدولة وهم الي مانعين وحاضرين بيع وشراء الأسلحة لأن الموافقة على تنظيم وبيع السلاح في المملكة راح يكسر سوقهم السوداء لأن السلاح الي ينباع في الدول المجاورة بألفين ريال يبيعونه عندنا بأحد عشر الف

[PATROL]

ياخوي معروفة اغلب موردين الأسلحه عندنا والتجار الكبار لهم شنة ورنة في الدولة وهم الي مانعين وحاضرين بيع وشراء الأسلحة لأن الموافقة على تنظيم وبيع السلاح في المملكة راح يكسر سوقهم السوداء لأن السلاح الي ينباع في الدول المجاورة بألفين ريال يبيعونه عندنا بأحد عشر الف

ياعيني عليك هذا اللي ابي اوصله انهم مايبون منافس ويصير السلاح محتكر عندهم لانه لو كثر السلاح طاح سعره

[RC4]

اللحين اهل البر و الشقرديه واهل المقانيص
يتم التضيق عليهم و ويلعن ابو الساعه اللي جابتهم عند نقااااط التفتيش
واهل الكدش واهل الكباين والمصخره وقلت الادب
لاحسيب ولا رقيب
والله زمن عجيب ؟؟؟
والله ماترك هوايتي وحبي لسلاح ويش مايكون
لا واستغفر الله الصحفي مسوي فيها انه امين وحريص على هذي البلد
ومشهر في الناس حسبي الله عليه ونعم الوكيل
ولا جاء وقت الجد والله ماتشوف غير غبرته
قولوا لي مين يحمااه بعد الله سبحانه ... والله ماغير الشقرديه واهل السلاح
اللهم احفظ بلادنا وبلاد المسلمين من كيد الحاقدين

[سيف وقلم]

ياخوي معروفة اغلب موردين الأسلحه عندنا والتجار الكبار لهم شنة ورنة في الدولة وهم الي مانعين وحاضرين بيع وشراء الأسلحة لأن الموافقة على تنظيم وبيع السلاح في المملكة راح يكسر سوقهم السوداء لأن السلاح الي ينباع في الدول المجاورة بألفين ريال يبيعونه عندنا بأحد عشر الف


الله المستعان

[راع العراوي]

اذا حج البقر على قرونة يفتحون محلات اسلحة واللي عندة شي لايفرط فية