شيهانتي جناحها ثقيل وش الحل تكفون ’’

[ابو شهاب 11]

سلام عليكم

ياربع عندي شيهانة جبلية مربوطة من شهر 2 الي طاف رابطها بالاستراحة

وطلعتها من الربطه قبل اسبوعين واصوت لها بالشلو من قريب تجي علئ رجلينها وتطير

مترين وتوقع جناحها ثقيل مرررة جننتني ماتطيروعلما ان ورنها 700هل هذا مرض ولا جناحها في كسر او شي من اول انا شريتها من رجال ويقولي تطير لاكن مافحصتها وشفت طيرانها اخذتها بوقت ربطتها ’ وعطيتها علاج الدود قبل شهر

تكفون افيدوني من خبرتكم اول طير لي هذا واتعلم عليه والله يرزقنا بالنادر’

[نقوة الغوش]

شيهانتك مصفّيه والا باقي ؟!!
اذا مصفيه يمكن ناقصها لياقه ..

[خيرها بغيرها]

بتطير ان شاء الله بس كثف الدعو عليها وعطها حلبة مع العلف ويتزين امورها

[ابو شهاب 11]

الله يجزاكم خير بجرب الحلبة انشاءاالله تفيد

[الجره جديده]

اصلا الشيهانه اللي يشوفها وهي طالعه من المربط يقول ماراح تطير
شي طبيعي يا اخ انها ما تطير من شهر ثنين مربوطه
خلها تطير من قريب لقريب وانتبه لا تملعها اهم شي يكون موسها صاك
والا تدري ما ودي ادخلك ي متاهات شيهانتك طيبه مافيها خلاف بس خلها تطلق وتاخذ لياقه

[صقار مبتدئ]

ماراح ازيد على كلام الاخوة بشي جديد
بس انا بعطيك طريقتي المستخدمه في دعو الطير بعد الربطه
1- اكرم الطير لحد ما يصطنع
2- تعطيه كورس تحصينات حبوب قلاع لمدة 3 ايام ثم مضاد حيوي لمدة 3 ايام
3- بعد التاكد من سلامة الطير من الالتهابات ( شنذر الطير ) وتسقيه ماء كثير بعد الشنذره و تريحه لمدة ساعه بعدها تعشيه لحم بدون عظم
4 - تريح الطير يومين مع تخفيف العلف الى نص صافق لمدة 3 ايام اليوم الرابع صايم ثم تطلع به الهدد
5 - ادعي الطير بالملواح من مسافه 300 متر و كل يوم زيد المسافه لحد ما يجيك من مسافه كيلو تقريبا
وخليه يلعب على الملواح 5 و بعدين 10 و كل يوم زيدها خمس لحد ما يصك معك ثلاثين و بعدها هدها على حمام
بس ما يكون حمام قوي يعني منتوف منها ثلاث ثلاث

صح الطريقه اول ما تقراها بتحسها معقده و صعبه و هي ما تاخذ منك اسبوعين الا و طيرك جاهز ان شاء الله

ملاحظه
اذا طيرك باقي يسوق في الريش ماراح يهد اصبر عليه لحد ما يصفي