VXR
24/10/2001, 12:18 AM
سلام عليكم
بسم الله
اول موضوع ابد به هو عن موضوع الساعه عندنا يا أهل الطيور والصقارين والقنوص.
في هذي الايام اللي طيره في الفرناس(اي مرحلة تغيير الريش),,يكون اكثرهم كمل الريش ونسميه(صفّى)يعني صافي وهذا افضل شيء يكون لراعي الطير ان طيره ( يصفي )ويكمل ريشه واهم شيء (الأمواس)أمواس الريش وهي تعتبر ريش الجنحان-أوّل سبع ريشات من الجناح وأهميتها الأطرف(على برّا)ونسميها الموسيه وبعدها النايفه والثالثه والرابعه ...الخ وبعد السبع تجي (الغواطي)وهي الريش اللي بعد السبع وعددهاالحقيقه اجهله ولكن هي مهمه بس تجي بعد الموسيات او المواسي ,,وبعدهم في الأهميه ريش( الذّنَّابه )بشد النذا والنون,,واذا كمل كل هذا الريش(تغييرلجديد),,تجي اهمية الكمال في الريش الصغير(ريش النحر)(الصدر) وريش الظهر أو (النِّجِيل) والراس,وكل هذا دواعي كمال الشكل(جمال)اما المهم هي المواسي والذّنـَّابه
وهذي هي الفعل.
فإذا كمل القرناس وصفى الطير يخرجه صاحبه بعضهم يربطه على الوكر او مايطلقه من الوكر طول القرناس والبعض يفكه في غرفه او عشَّه مع وجوب توفر التهويه وأشعة الشمس والنظافه والغذاء النظيف وخصوصا الحمام لأن الحمام زي ماهو مفيد ومتوفر الا انه اكثر مايصاب الصقر من الحمام والامراض كثير والحمام من اكثر الطيور حامله للمكروبات خصوصا اذا كانت بلديه .
والنصيحه دايم مع انها اقل فائده من الحمام هو(السّمّان)حتى وقت المقناص فهو يحتوي عالى بروتين عالي ولكن ينقصه بعص مافي الحمام من فوائد اخرى يعني الحمام لابد تغيير لطيرك به.
عموما لا أطول عليكم اشوف موضوع يسحب غيره وممكن اذا احب احد فتحت للغذاء الامثل موضوع ونسميه يا صقارين(العلف)الأمثل...
و نرجع للموضوع الاصلي اللي هو يبدأ في وقتنا هذا اكثر المقرنسين في إخراج طيورهم للتدريب...
لتجهيزه للصيد ويبدأ بمراحل,أول مرحله ابعد اخراج الطير تبدأ (ببرقعته)يعني تلبسه غطاء العيون فهو طول القرناس مكشوف,وبعدها يبأ إنزال وزن الطير بتقليل العلف يعني رجيم قاسي والى ان يتجاوب الصقر مع صقار ويهدى وتبدأ الثقه ترجع مره ثانيه بين الصقر والانسان مع انه اذا شبع مايجيب خبر الصقار وبعضها نادر تكون ذات طبع نادر والكلام على العموم او الاغلب والله اعلم ويبدأ (ينقّزه)من الوكر و(يدعيه)على بعد (مربوط بسلك خاص)وبعدها مطلوق وبعدها بتعد اكثر ويستمر تدريبه وتنمية وارجاع عضلاة جناحيه ولياقته اللي فقدها في القرنسه بعضهم يعتمد على الدعو والبعض على الحمام المطلوق والبعض الملواح وهو عباره عن خيط حسب طول معين في آخره ريش حباري او مايشابه زيدعوه عليه ويلاعبه عليه اي يكون الطير يحاول وهو طاير صيد الريش من اخر الحبل اللي تمسكه وتلوح به عليه وتقدر تحدد كيف بمهارتك المكتسبه واللي تكتسبها من الملواح في تدريبه..
والتدريب يستمر من الآن حتى بدء المقناص الله لايعوق بشر.
والعذر والسموحه عن التقصير وماقلته الا عن خبره وممارسه بس واللي يقول انه كامل معرفه بالطيور كذاب فأخوكم ناقص علم مهما كان ويتمنى يفيد ويستفيد حباً للصقر معشوقي الابدي.
وسلامتكم طفو النار لاتهب علينا في الليل وتشب عزبتنا
تمسو على خير
بسم الله
اول موضوع ابد به هو عن موضوع الساعه عندنا يا أهل الطيور والصقارين والقنوص.
في هذي الايام اللي طيره في الفرناس(اي مرحلة تغيير الريش),,يكون اكثرهم كمل الريش ونسميه(صفّى)يعني صافي وهذا افضل شيء يكون لراعي الطير ان طيره ( يصفي )ويكمل ريشه واهم شيء (الأمواس)أمواس الريش وهي تعتبر ريش الجنحان-أوّل سبع ريشات من الجناح وأهميتها الأطرف(على برّا)ونسميها الموسيه وبعدها النايفه والثالثه والرابعه ...الخ وبعد السبع تجي (الغواطي)وهي الريش اللي بعد السبع وعددهاالحقيقه اجهله ولكن هي مهمه بس تجي بعد الموسيات او المواسي ,,وبعدهم في الأهميه ريش( الذّنَّابه )بشد النذا والنون,,واذا كمل كل هذا الريش(تغييرلجديد),,تجي اهمية الكمال في الريش الصغير(ريش النحر)(الصدر) وريش الظهر أو (النِّجِيل) والراس,وكل هذا دواعي كمال الشكل(جمال)اما المهم هي المواسي والذّنـَّابه
وهذي هي الفعل.
فإذا كمل القرناس وصفى الطير يخرجه صاحبه بعضهم يربطه على الوكر او مايطلقه من الوكر طول القرناس والبعض يفكه في غرفه او عشَّه مع وجوب توفر التهويه وأشعة الشمس والنظافه والغذاء النظيف وخصوصا الحمام لأن الحمام زي ماهو مفيد ومتوفر الا انه اكثر مايصاب الصقر من الحمام والامراض كثير والحمام من اكثر الطيور حامله للمكروبات خصوصا اذا كانت بلديه .
والنصيحه دايم مع انها اقل فائده من الحمام هو(السّمّان)حتى وقت المقناص فهو يحتوي عالى بروتين عالي ولكن ينقصه بعص مافي الحمام من فوائد اخرى يعني الحمام لابد تغيير لطيرك به.
عموما لا أطول عليكم اشوف موضوع يسحب غيره وممكن اذا احب احد فتحت للغذاء الامثل موضوع ونسميه يا صقارين(العلف)الأمثل...
و نرجع للموضوع الاصلي اللي هو يبدأ في وقتنا هذا اكثر المقرنسين في إخراج طيورهم للتدريب...
لتجهيزه للصيد ويبدأ بمراحل,أول مرحله ابعد اخراج الطير تبدأ (ببرقعته)يعني تلبسه غطاء العيون فهو طول القرناس مكشوف,وبعدها يبأ إنزال وزن الطير بتقليل العلف يعني رجيم قاسي والى ان يتجاوب الصقر مع صقار ويهدى وتبدأ الثقه ترجع مره ثانيه بين الصقر والانسان مع انه اذا شبع مايجيب خبر الصقار وبعضها نادر تكون ذات طبع نادر والكلام على العموم او الاغلب والله اعلم ويبدأ (ينقّزه)من الوكر و(يدعيه)على بعد (مربوط بسلك خاص)وبعدها مطلوق وبعدها بتعد اكثر ويستمر تدريبه وتنمية وارجاع عضلاة جناحيه ولياقته اللي فقدها في القرنسه بعضهم يعتمد على الدعو والبعض على الحمام المطلوق والبعض الملواح وهو عباره عن خيط حسب طول معين في آخره ريش حباري او مايشابه زيدعوه عليه ويلاعبه عليه اي يكون الطير يحاول وهو طاير صيد الريش من اخر الحبل اللي تمسكه وتلوح به عليه وتقدر تحدد كيف بمهارتك المكتسبه واللي تكتسبها من الملواح في تدريبه..
والتدريب يستمر من الآن حتى بدء المقناص الله لايعوق بشر.
والعذر والسموحه عن التقصير وماقلته الا عن خبره وممارسه بس واللي يقول انه كامل معرفه بالطيور كذاب فأخوكم ناقص علم مهما كان ويتمنى يفيد ويستفيد حباً للصقر معشوقي الابدي.
وسلامتكم طفو النار لاتهب علينا في الليل وتشب عزبتنا
تمسو على خير