ياراكب اللي ورد وصفه وهو توه

[الديعجان]

هذه القصيده لأهل مكشات الكرام أرجو ان تنال استحسانهم :

ياراكــــب اللي ورد وصفه وهو توه
من صورته ينعشق ومــــا فز له خاوي
صنّاعه اللي ضبط في صـــنعته جوه
زودٍ على مرزقه لــــصنعته هـــــــاوي
لوجيته وقلت له بالـــخـــــير أو قوه
مايفهمه وإن سكتت الــوضع متساوي
همه يحكر الصناعه مــــايبي مروه
ماساق فنجال ٍ اونشـّد عــــن الجاوي
قرا المعارف وزاد الــــــــعلم بقروّه
ونفذ علومه وصـــــمم نــجــمه الــهاوي
سبعه وصوفه تجي تــــفخيم وفتوه
والجرح عقبه مـــــــع التايوت متشاوي
يشريه من هرجته ماهي تجي سوه
ولا حظبه لأجل كـــــلمة هاوي وغاوي
لأجل الولع جابه وللـــــطيب والخوه
ومعاند البعد لــــــو الــــــدرب جلفاوي
يزهاه رجلن ماهو نصاب ومــشوه
اللي يحفظ الامانه نقل ٍ عـــــــن الراوي
يوصل كلامي لرآس الـطيب وندوه
اللي على الطيب خاواني وأنا أخاوي
مكشات ونو الفلح والعز هـــو نوه
جامع ولو القوافي جـــــــاء بها لاوي
يفداه منهو عن الطولات به لـــــــوه
اللي بفعل المراجل قـــرش ما يساوي

ارجو ان تعجب الجميع وتقبلوا تحياتي
اخوكم الديعجان

[أبو شعلان]

بسم الله الرحمن الرحيم





أخوي الديعجان





ماشالله تبارك الله الصراحه قصيده نالت إستحسانا غصب ماهوب بالطيب :good:

صح لسانك وبيض الله وجهك وماقصرت ورجال مكشات يستاهلون الصراحه





مكشات نوالفلح والعـــز هـــو نـــوه ** جامع ولو القوافي جـــــــاء بها لاوي

يفداه منهو عن الطولات به لـــــــوه ** اللي بفعل المراجل قـــرش ما يساوي







:D صــــــــــــــــــــــــــــــــــح لســـــــــــــــــــــــــــــــــــانك :D





,,,,,,,,,,,,,,,,,,,,,, وتقبل تحياتي ,,,,,,,,,,,,,,,,,,,,,,,,

:j

[الديعجان]

صح بدنك يأبو شعلان وألف شكر على المرور الطيب

[مدالنظر]

قرا المعارف وزاد الــــــــعلم بقروّه ** ونفذ علومه وصـــــمم نــجــمه الــهاوي
سبعه وصوفه تجي تــــفخيم وفتوه ** والجرح عقبه مـــــــع التايوت متشاوي
يشريه من هرجته ماهي تجي سوه ** ولا حظبه لأجل كـــــلمة هاوي وغاوي


صح السانك يادعيجان ويعطيك العافيه على هالطيّب
لكن وش الموتر بالظبط؟؟؟
طبعاً أكيد انه جيب....
لأجل الولع جابه وللـــــطيب والخوه ** ومعاند البعد لــــــو الــــــدرب جلفاوي

لكن VXR
او
LX شــــــــــــاص

[نيشان نجد]

الله يعطيك العافية قصيد جميلة

[جبل حائل]

صح لسانك يا أبو فهد والله لولا الله ثم الديون المتراكمة كان اخليك باكر العصر تمسك طارته واللي عق رووس الحبال يحلها

[الديعجان]

اشكر الجميع على المرور الطيب
الاخ مد النظر والله ما أدري هو فكس آر او شاص لكن اللي أعرفه ان الموتر الجديد يفز له القلب ويازين هالاثنين مع بعض اشكرك على المرور وياجبل حائل والله إني داري إنك تفعله وعز الله كفو والوكاد نبي نطلع لو على السبعه اللي معي .
ماقصرتوا على المرور . شكرا

[مزموم]

صح لسانك ابو فهد