بعض اللمم ربك كريمٍ غفرها..........الحل قهوة القاضي ..........حله ناصر العلي

[ابو ماجد 2]

بسم الله الرحمن الرحيم

السلام عليكم ورحمة الله وبركاته

لغيز خفافي

لغز ولا ظنيت دونه عواويق=خصٍ على باخص دروبه سبرها
راعي هوى من عقب هاك المواثيق=خمسين بيت حروتي به طمرها
لكن وقع بسباب ريم العشاشيق= بعض اللمم ربك كريمٍ غفرها


مع تحيات ابو ماجد

منتديات مكشات . خيمة الالغاز

[ناصر العلي]

وعليكم السلام ورحمة الله وبركاته
سلمت يالغالي
وصح لسانك
ويش قولك بـ
قصيدة القهوة التي تنسب للقاضي

[ابو ماجد 2]

وعليكم السلام ورحمة الله وبركاته
سلمت يالغالي
وصح لسانك
ويش قولك بـ
قصيدة القهوة التي تنسب للقاضي


ماشاء الله عليك يابو علي
رمعه بالصميم
من البارح وانا ادور القصة كما سمعتها من قديم الا انني كل مادخلت منتدى وجدت فيه مايجرح ويخدش الحياء الذي نتصف فيه
فيزعمون ان الشاعر القاضي بعد ماسترسل بالقصيده ادخلوا عليه فتات بمكتمل العمر بغاية الجمال والبسوها من الحلي ماالبسوها وبالتالي صرف القصيدة الى الغزل
وهالكلام ينافي العقل والمنطق وينافي ماجبلنا عليه من عفت النساء وحشمتهن
ماكنا نسمعه ان اللي دخلت طفله لم تتغطى عن الرجال
والبعض يرى ان القصة مختلقة من اساسها
نعم
الحل كما تفضلت
هو الشاعر
محمد العبدالله القاضي
وقصة القهوه
وخمسين بيت حروتي به طمرها المقصود ابيات الشعر

واليكم القصيده

يا من لقلب كل ما التم الاشفاق=من عام الأول به دواكيك وخفوق
يجاهد جنود في سواهيج الإطراق=ويكشف له أسرار كتمها بصندوق
إلى عن له تذكار الأحباب واشتاق=باله وطف لخاطره طاري الشوق
قربت له من غاية البن ما لاق=بالكف صافيها عن العذف منسوق
احمس ثلاث يانديمي على ساق=ريحه على جمر الغضا يفضح السوق
واحذرك والنية وبالك والاحراق=واصحا تصير بعاجل الحمس مطفوق
الى اصفر لونه ثم بشّت بالاعراق=صفرا كما الياقوت يطرب لها الموق
وعطّت بريح فاضح فاخر فاق=لا عنبر ريحه بالأنفاس منشوق
كبه بنجر يسمعه كل مشتاق=راع الهوى يطرب إلى دق بخفوق
واحشه بدلة مولع كنّها ساق=بلورة مربوبة تقل غرنوق
خله تفوح وراعي الكيف يشتاق=إلى طفح له جوهر صح له لوق
أصغر قموره كالزمرد بالاشعاق=واكباره الطافح كما صافي الموق
زله على وضحا بها خمسة أرناق=هيل ومسمار بالأسباب مسحوق
مع زعفران والشمطري إلى انساق=والعنبر الغالي على الطاق مطبوق
إلى اجتمع هذا وهذا بتيفاق=صبه كفيت العوق عن كل مخلوق
بفنجال صين صافي عنه الارماق=تغضي وكرسيه غدان لمعشوق
إلى صب فابصر جوهره تقل شبراق=رنق تصور بالحمامة على الطوق
شكل غرا الفنجال لونه كما انراق=دم لقلب وإن مزع منه معلوق
خمر إلى منه تساقى بالأرياق=عليه من ما صافي الورد مذلوق
راعيه كنه شارب كاس ترياق =كاس الطرب وسرور من ذاق له ذوق
يحتاج من خمر السكاره إلى فاق=خشف تشف شفاه والعنق مفهوق
عبث يعيل بحبةٍ منه ماماق=وهو يضاهي زاهي البدر بشعوق
بين اشفيته إلى غنج بارق حاق=عجل رفيفه بارقه غرق بطبوق
سحر كتب من حبر عينيه باوراق=خديه صادين ونونين من فوق
كن العرق بخدودها حصّ أرناق=ينثر على صفحات بلورة الشوق
إلي تبسم شع وأشرق بالآفاق=نور يفوق البدر مع حسن منطوق
بالعنق كنّ الورس والمسك به راق=ما مشخص في صدره الشاخ مدقوق
يمشي برفق خايف مدمج الساق=يفصم حجول ضامه الثقل من فوق
إلى صفا لك ساعة وأنت مشتاق=فاقطف زهر مالاق فالعمر ملحوق
وإلى حصل ما قيل عندي فالارزاق=بيد كريم كافل كل مخلوق
هذا وصلّوا عد ما ناض برّاق=أو ما شكا الفرقى شفيق ومشفوق
على النبي ما زِج زاج بالأوراق=وآله وصحبه عد ما سيق مسيوق

[فهد الهلالي]

صح السانك يابو ماجد وصبحك الله بالخير
وصح السان ناصر العلي
لغز محترف ورمعه ذباحه
ويازين التقاعد

[ابو ماجد 2]

صح السانك يابو ماجد وصبحك الله بالخير
وصح السان ناصر العلي
لغز محترف ورمعه ذباحه
ويازينالتقاعد


هلا ابو محمد صباح النور
صح بدنك يالغالي وشهادتك تاج على راسي
التقاعد زين
تذكرت كلامي لك قبل سنتين يوم اقول لاتمدد يابو محمد ماعقب ستين الا الراحة ريح نفسك
بس مابك فايده

[abdulaziz.net]

صح لساااانك يابوو ماجد

طرت علي قصيدة القاضي وانا اقرأ لغزك ويوم نزلت لقيت ابو علي ماهو مقصّر ماشاء الله



كن العرق بخدودها حصّ أرناق
ينثر على صفحات بلورة الشوق
إلي تبسم شع وأشرق بالآفاق
نور يفوق البدر مع حسن منطوق
بالعنق كنّ الورس والمسك به راق
ما مشخص في صدره الشاخ مدقوق
يمشي برفق خايف مدمج الساق
يفصم حجول ضامه الثقل من فوق

وين شعار هالوقت يجيبون مثل هالقصيدة ؟؟؟

ومثل ما قلت يابو ماجد بخصوص انهم ادخلوا عليه بنت بكامل زينته
هذي وغيره من القصص تلفيق من الرواة بحيث ان بعض الرواة ما يجيب السالفه مثل ما سمعه الا يحط عليه شوي من بهاراته
ويضيف على هواه

لاهنت يابو ماجد

[ابو ماجد 2]

صح لساااانك يابوو ماجد

طرت علي قصيدة القاضي وانا اقرأ لغزك ويوم نزلت لقيت ابو علي ماهو مقصّر ماشاء الله



كن العرق بخدودها حصّ أرناق
ينثر على صفحات بلورة الشوق
إلي تبسم شع وأشرق بالآفاق
نور يفوق البدر مع حسن منطوق
بالعنق كنّ الورس والمسك به راق
ما مشخص في صدره الشاخ مدقوق
يمشي برفق خايف مدمج الساق
يفصم حجول ضامه الثقل من فوق

وين شعار هالوقت يجيبون مثل هالقصيدة ؟؟؟

ومثل ما قلت يابو ماجد بخصوص انهم ادخلوا عليه بنت بكامل زينته
هذي وغيره من القصص تلفيق من الرواة بحيث ان بعض الرواة ما يجيب السالفه مثل ما سمعه الا يحط عليه شوي من بهاراته
ويضيف على هواه

لاهنت يابو ماجد


هلا بك يالغالي
وصح لسانك انت وابو علي
ومثل ماتعرف شخصية مثل القاضي وقصة مع قصيده بهالجوده لابد ان تروى باصقاع البلدان العربيه فتصل لرواة يرون ان امر تكشف الحرمه حسب عوايدهم سهل ودليلك انها تلفيق او احتمال زيدت
نحن سمعناها انها طفله لم تتغطى عن الرجاجيل لتكون القصة مقبوله بيننا الى حد ما ثم تجدها عند غيرنا انها فتاة بمكتمل العمر
ولكن اقولها بكل ثقة ان اكبر واحد منصرف عن الدين عاش في نفس بيئة القاضي لايرضى بأن بنته تتكشف امام الرجال
ان لم يمنعه الدين فتمنعه معايير الرجوله والعرف والعادات

[ناصر العلي]

حياك ربي يالغالي
وصح كلك ترليون ولايسدون
وبيض الله وجهك
تحياتي وتقديري

[ناصر العلي]

صح السانك يابو ماجد وصبحك الله بالخير

وصح السان ناصر العلي
لغز محترف ورمعه ذباحه

ويازينالتقاعد


حياك ربي ياأبومحمد
وصح بدنك يالغالي
تحاتي وتقديري