حرارة جي اكس ار 99

[joblak]

السلام عليكم ورحمة الله وبركاته

اخواني عندي الجيب توني شاريه وكان بدون ترمستات وقبل لا افحص الموتر اخذته وركبت له ترمستات وكاله والا الحراره تحت النص بشخطه تقريبا :eek: رحت للميكانيكي قالي اول امسك عليه خط وجره شوي وتعال علمني وين وصلت الحراره المهم رحت عليه وبطحته بالخط اول ما ادز الموتر تنزل الحراره على الثلث وهذا الطبيعي واول ما اوقف ترتفع مره ثانيه ولا تعدي النص ؟؟؟

المهم شيشت الراديتر وكان مسكر ووصخ ظبطت شوي ورجعت نفس ما كانت

عندي الولف حق المكيف اللي فالدعاميه خربان يشكل هل له تأثير ولا شي ؟

تماتيك المروحه سليم وش بيكون منه يا جماعه تهقون الطرمبه ؟ وشلون افحصها ؟
ولا اركب له مروحه ولا وش اسوي به بالظبط ؟؟

[محيسن1]

السلام عليكم اخوي
دام الحراره ماتعدت النص فهو طبيعي
كان معي اخو موترك ونفس الحراره

[joblak]

السلام عليكم اخوي
دام الحراره ماتعدت النص فهو طبيعي
كان معي اخو موترك ونفس الحراره


عليك السلام يا اخوك الربع عندهم في اكس وجي اكس وحرارتها كلها ما تعدى الثلث سواءا خط ولا واقف

حرارته هذي ماهي طبيعيه اكيد

لا هنت على المشاركه

[مجنون عسل]

يالغالي الحرارة اذا هي بين الثلث والنصف طبيعي ولا تشيل همها لكن انت وقف قرابة نصف ساعه وخل المكيف شغال اذا شفت الحراره ارتفعت فوق انص اعرف ان عندك مشكله وابحث عن حلها وان شاء الله ان موترك ما فيه الا العافيه وللعلم ترى فيه فرق بين الفكس آر والجكس آر

[joblak]

اتركوا عنكم الموتر انا حطيت الموضوع الساعه 6.14 دقيقه ولقيته في منتدى ثاني الساعه 6.20

وابشركم مواضيع مكشات كلها هناك ههههههه

هم وش علمهم يسرقون المواضيع انكانهم للفايده الله يجزاهم خير وان كانهم هياط الله ربنا وربهم ؟؟؟؟؟؟

على فكره ترى ما همني خذوا الموضوع ولا لا بس مستغرب ما يمديهم يا الربع هههههههههه

هذا رابط المنتدى

http://forum.q8lots.net/t941391.html

[joblak]

يالغالي الحرارة اذا هي بين الثلث والنصف طبيعي ولا تشيل همها لكن انت وقف قرابة نصف ساعه وخل المكيف شغال اذا شفت الحراره ارتفعت فوق انص اعرف ان عندك مشكله وابحث عن حلها وان شاء الله ان موترك ما فيه الا العافيه وللعلم ترى فيه فرق بين الفكس آر والجكس آر


هلابك يا عسل واشكرك على مرورك الطيب

[sgl2002]

كان معي شاص ٢٠٠٩

ونفس اللي تقول الحرارة حول النص ولا تعداه

[قمري قيال]

اخوي السلام عليكم
بالنسبه لموترك مشكلته بسيطه لكن سوألي حرارته في الليل نفس الظهر اذا كان كذالك فعندك ياطويل العمر
الزيت يكون خفيف مايتحمل الحر مثل 10/ 30 وانصحك للنوع هذا 20/40
الامر الثاني يمكن عندك الطرنبه دفعها خفيف
واما كانها في الليل الثلث فيعتبر طبيعي الظهر تاصل دون النصف

[قمري قيال]

بالنسبه لفحص الطرنبه صعب تجزم على خرابها وهو فيه بلف
لكن ان شفت ماشفت وغثتك الحراره ترا فكتها سهله ومايكلفك فكها وتاكد حتى ترتاح لان الطرنبه لها ريش تحرك الما لا صارت متأكله من الصداء يصير دفعها خفيف

[ls1.5700]

المشكله عندك من تماتيك المروحه ( كلتش مروحه)
مايبين انه خربان والموتر بارد
بس اذا احتمى الموتر يبوش التماتيك ولا يبرد زين
غيره اصلي وان شاءالله يضبط معك
والحراره اذا تعدت الثلاث ماهو طبيعي بالسته سلندر

[joblak]

اخوي السلام عليكم
بالنسبه لموترك مشكلته بسيطه لكن سوألي حرارته في الليل نفس الظهر اذا كان كذالك فعندك ياطويل العمر
الزيت يكون خفيف مايتحمل الحر مثل 10/ 30 وانصحك للنوع هذا 20/40
الامر الثاني يمكن عندك الطرنبه دفعها خفيف
واما كانها في الليل الثلث فيعتبر طبيعي الظهر تاصل دون النصف


ارحب يا قمري حرارته طال عمرك ليل ونهار نفس الشي على الوقفه والمشي البطئ والزحمه تحت النص بشخطه وعلى الخط يسرك حالها ثابته على الثلث
الزيت والله ما ادري وشهو من يوم خذيت الموتر ما بدلته

[joblak]

المشكله عندك من تماتيك المروحه ( كلتش مروحه)
مايبين انه خربان والموتر بارد
بس اذا احتمى الموتر يبوش التماتيك ولا يبرد زين
غيره اصلي وان شاءالله يضبط معك
والحراره اذا تعدت الثلاث ماهو طبيعي بالسته سلندر


فحصته يقولون سليم ما فيه شي

[الجوال1]

ركب بلف حق باترول 2000 وتشوف الفرق
انا مجربه

[joblak]

ركب بلف حق باترول 2000 وتشوف الفرق
انا مجربه


يا اخوك انا اقدر اركب له ترمستات جيب ديزل واحط مراوح لكن ابي حرارته تكون طبيعيه بشغل الوكاله

انا بديت اشك بانبير الحراره احس ان البلا منه

[باسم العزام التميمي]

انا مثلك ركب بلف حرارة جيب ديزل موديل 2004 وسو عليه تخريم له 3 فتحات بالدريل ريشه 4 مل
وغير توماتيك المروحه واذا مازان تعال وقل ماتعرف شي

[joblak]

السلام عليكم مساكم الله بالخير جميعا

اخواني انا صورت لكم انمبير الحراره لموتر واحد من الربع وموتري بحالتين وانا واقف والثانيه وانا ماسك الخط للمقارنه بينها
المشكله وانا اقارن بين الصور طلعتلي مشكله ثانيه الله لا يعوق بشر هههههه

الصوره هذي موتر واحد من الربع وهذي الحراره الطبيعيه سواءا واقف او ماسك خط لاحظوا

http://www.mekshat.com/pix/upload06/images/2012/09/mk160265_111.jpg



الصورة هذي صورة موتري وهو واقف شوفوا الحراره


http://www.mekshat.com/pix/upload06/images/2012/09/mk160265_222.jpg



وهذي يا طوال العمار صورة موتري وانا ماسك خط امشي 120
http://www.mekshat.com/pix/upload06/images/2012/09/mk160265_333.jpg

وهذي عاد صورت الموتر وانا امشي 160 واستغربت من انبير الزيت يا جماعه هو عياره هذا طبيعي ولا لا ؟؟؟

http://www.mekshat.com/pix/upload06/images/2012/09/mk160265_444.jpg

وش تشوفون يالربع

[joblak]

صبحكم الله بالخير يالربع يوم حطيت صور محد رد علي افاااااا

[joblak]

سبحان الله وبحمده سبحان الله العظيم

[ابوماجد-1]

اخوي الله يبارك لك ويعطيك خيره ويكفيك شره

نفس مشكلتك عند صاحبي وبدل كل شي ماخلا شي ماغيره

اخر شي بدل الترمستات وركب حق سفاري والحين موتره ماشاء الله تبارك الله

في عز الظهر ماتطوف الربع وانصحك تركبه لان ترمستات السفاري بروده افضل

اتمنى اكون افدتك

[سيف رعدة]

أخوي joblak (http://www.mekshat.com/vb/member.php?u=160265)
صارت عندي نفس المشكلة في جيب صالون لاندكروزرجي إكس(خليجي مطوّر) موديل 94 بعد ما غيّرت الراديتر بنوع ألمنيوم رصتين، وشدّ البلد يجي نحاس أربع رصّات، فهل الراديتر عندك شدّ بلد وإلا مغيّر.
قد يكون هو سبب المشكلة.

[joblak]

اخوي الله يبارك لك ويعطيك خيره ويكفيك شره

نفس مشكلتك عند صاحبي وبدل كل شي ماخلا شي ماغيره

اخر شي بدل الترمستات وركب حق سفاري والحين موتره ماشاء الله تبارك الله

في عز الظهر ماتطوف الربع وانصحك تركبه لان ترمستات السفاري بروده افضل

اتمنى اكون افدتك




ابوماجد بارك الله فيك انا اقدر امصع الترمستات من عرقها وانزل الحراره ولا اركب ترمستات ديزل وتنتهي المشكله بشوفي للحراره نازله لكن اللي انا ابيه ابي اعرف وش علته بالظبط وليه حرارته مرتفعه كذا هذا القصد بارك الله فيك

شكرا لمشاركتك ولا هنت

[joblak]

أخوي joblak (http://www.mekshat.com/vb/member.php?u=160265)
صارت عندي نفس المشكلة في جيب صالون لاندكروزرجي إكس(خليجي مطوّر) موديل 94 بعد ما غيّرت الراديتر بنوع ألمنيوم رصتين، وشدّ البلد يجي نحاس أربع رصّات، فهل الراديتر عندك شدّ بلد وإلا مغيّر.
قد يكون هو سبب المشكلة.


هلابك يا سيف الراديتر طال عمرك عينين والله ما ادري يا اخوك هو شد بلد ولا مغير

[joblak]

سبحان الله وبحمده

[أبو رهف 305]

مشكلتي نفس مشكلتك ..

بس وشو الترمستات ؟؟

فتحت لنا موضوع رائع ، بس إن شاء الله نلقى حل أكيد وجذري للحرارة .

[joblak]

ناطرين الحل من اخوانا المهندسين ولا قصور باخواني الاعضاء الظاهر الربع يبونا نزهمهم بالاسم

[قمري قيال]

بالنسبه لفحص الطرنبه صعب تجزم على خرابها وهو فيه بلف
لكن ان شفت ماشفت وغثتك الحراره ترا فكتها سهله ومايكلفك فكها وتاكد حتى ترتاح لان الطرنبه لها ريش تحرك الما لا صارت متأكله من الصداء يصير دفعها خفيف


طيب شفت الطرنمبه

[joblak]

طيب شفت الطرنمبه


لا والله يا اخوك ما شيكت عليها لكن حركة الما داخل الراديتر ممتازه على كلام اللي شيشه

والله لا يهينك على تفاعلك

[joblak]

قام يبرد شوي هالايام معناتها المور طيبه لاجا الشتا هههههههههه