اللي مضيع له طير يدخل

[الجره جديده]

السلام عليكم
صبحكم الله بالخير

اليوم بدري الجهمه رحت الوح لطيري وترك الملواح وتعداني لي كم يوم ادعيه والطير مربوط طلق يعني فيه تقريبا 20 في الميه لياقه
قلت الملعون بيسحب علي رحت للموتر وسقته وراه ماهو بعيد قريب يوم اقبلت لاني اسمع فيه طير يكرك الا والله هذا الحر اللي رزقني الله بسبوقه طيري مر من فوقه نشه وطبح جنبه حذفت حمامتي اللي ذبحتها اللي فيها السبب حذفتها لطيري وراح لها وجاك الطير الثاني شايل عمره وحول على طيري الزبده مسكته الطير طبعه هادي لكن جايه ضعف مدري هو من قل اللياقه اللي فيه ما قدر يصيد والا راعيه مضعفه
الزبده
الزبده ماعليه حجل واللي مضيع له طير
يجاوب على الاسئله التاليه
1- مكانك اللي ضيعته فيه
2- كم طوله وكم عرضه
3- وش لون ريشته
4- ههل باقي فيه ريش ما حذفه والا باقي فيه شي يسوق من ريشه
5- عطني وصف دقيق للطير
6- لون المسابيق
7- هل فيه علامه او شي واضح فيه وملفت للنظر
انا ما ودي احط رقمي لاني ادري ياكثر اللي بيقول مضيع طير لو انه ماهو صادق لكن يمكن راعي الطير هذا ماهو من اعضاء المنتدى وما يقدر يرد

الزبده الطير فيه ضعف اشهدوا لي على هالمعلومه يالربع

0569244355
ورجائي منكم عدم الازعاج

[قرناس ثالث]

الله يجزاك خير ويكثر من امثالك

[AL-NaDeR]

الله يجزاك الف خيير ..
ويكثر من امثالك ..

يعطيك العافيه يابعدي "

[الصحافة 15]

جزاك الله خير أخي العزيز ونصيحة لا تعود لسانك على العن نصيحة محب

[عبدالله بن الشيخ]

الله يبارك فيك يالأجودي ويكثر من أمثالك

[اخو ديمه]

الله يجزاك خير ويكثر من امثالك

[ابو ثنين]

جزاك الله ألف خير
الله يكثر من امثالك

[البواردي 2000]

جزاك الله ألف خير
الله يكثر من امثالك

[al3an]

السلام عليكم
الله يجزاك خير وكثر من أمثالك
الطير يالغالي مقاسه ١٦.٥ لون ريشته حمر عادي سنه ينقل ثنو مضيع الطير الشرقية باقي معه ثلاث او ربع له تقريبا شهر وزود عليه اسبوق مقطعه قصيره سود يوجد به دق خفيف
اذا كان هو ياليت الاتصال على رقم ٠٥٥١٣٨٧٩٩٩

[ابو ساره 999]

طير وافي 17 ب 17 عليه سبوق سود وفيه اثر جدره بالمنسر مكاني اللي ضيعته فيه شعيب الرمحيه هذا جوالي 0557779555 الطير فارسي

[القرناس الأول]

جزاك الله خير

الحلال مايضيع وكثر الله من امثالك

[ابوعزيز2007]

الله يعافيك ويكثر خيرك

[صالح الحنيان]

جزك الله خير ياخوي ..؟
وكثر الله من امثلك ..؟
وعزالله حلال المسلم مايضيع ..؟
وتقبل مروري لك ..؟

[عيون النسر]

جزاك الله خير يا اخي واكثر من امثالك والله يهدي صاحب الطير ليك

[وسًاام]

الله يجزاك خير
ويرد الحلال لصحابه

[هاووي الطير]

جزآك آلله آلف خير آخووي
وعسى آلله يكثر من آمثآلك
بيض الله وجهك

[ذيب القرى]

الله وجزاك بالخير

[برق المغيب]

جزاك الله خير وكثر الله من أمثالك .... الطيب ما يعود ردى وانت من اهل الطيب

[عسااااف]

جزاك الله خير وكثر الله من امثالك

[هاوي الصلفات]

جزاك الله خير
وان شاء الله ان طيرك ماهو ملعون

[ابوفيحان11]

جزاكم الله الف خير وهذا هو الكلام الصحيح

[حر اشعل]

الله يكثر من أمثالك

[الـسـاطـع]

جزاك الله خير وكثر الله من امثالك

[راعي غضبان]

الله يجزاك خير ويرحم والديك ويكثر من امثالك واالله يعقله على راعيه اللهم امين

[نقوة الغوش]

جـزآك الله خـير

[BDER-C1]

بيض الله وجهك وكثر الله من امثالك فعل طيب وان شاء الله يصل راعيه العلم

[الجره جديده]

الله يجزاكم خير واشكركم على الردود الطيبه
شكلي ابي ابيعه يارجال استفيد من دراهمه

هههههههههههههههههههههههههههههههه
بكره ان شاء الله بوديه للمستشفى اشوف ارقام اهله عساي احصل لهم ارقام
واذا مالقيت راعيه بنزل موضوع بيع وبشرط على الذبح والطلع على كلام اهله الاولين

[الجره جديده]

راعي غضبان صورة التوقيع هيضتني يابن الحلال والله اني بغيت ابتسي على الانسداحه في هالخزامى
تصدق اني احس اني اشم ريحة خزامي

[alazmi_q8]

بيض الله وجهك

جزاك الله خير وكثر الله من امثالك

[المستشار07]

جزاك الله خير وكثر الله من أمثالك
والله يعقل الطير لراعيه
تحياتي

[طيرالوله؟]

جزاك الله خير وكثر الله من أمثالك

[محسن البطي]

عليكم السلام

ياهلا صباح النور


اللي سويته طال عمرك هذا من طيبك وجزاك الله الف خير


انا لي طير .. فرخ وكري سوداني ربطته فرخ ينقل قرناس .. وقت الربطه ضاع .. له تقريبا 4 شهور


الطير به صفره بظهره .. لون سبوقه ان ماخاب ضني ياهي حمر او اصفر فاتحوالله اني ناسي لونهن ..



الطير ضاع مني بالعويقيله شمال المملكه

[ابوماجد6641]

اول شي’ الله يكثر من امثالك ضايع لي طير حر مثلوث شهر اربعه في اسبوق لونها ابيض واخضر. وفيه ريشه وحجل. الطير وافي المثاليث. ضهره ارقط جرودي ومنطحه ابيض يوم يضيع بكر العام

[اسلي نفسي]

الله يكثر من امثالك

[الجره جديده]

الله يجزاكم خير
واشكركم على الكلام الطيب
وانا اعتبر نفسي ما سويت شي هذا اقل مايقدمه الصقار لزميله في الصقاره
اول شي على عدم ردي على بعض الاخوه اللي فاقدين طيورهم وعسا ربي يعقل عليهم طيورهم
لكن انا كنت منشغل وما شفت اي مواصفات متطابقه للطير اللي عندي
وابشركم لقيت اهله وعقله الله عليهم اغلقوا الموضوع يا اداره

[دابوي]

جزاك الله خير ومبروك العقلان لاهل الطير