استفسار للخرازة

[عايض 1]

بسم الله الرحمن الرحيم السلام عليكم ورحمه الله وبركاته اخواني عندي الخرازة رميت فيها اربع طلقات والخامسة انفجرت داخل وخرب الترباس الأصبع عندي وين اللي يبيعون قطع غيار الخرازة في الرياض وماسبب انفجار الطلقه داخل

[قلايد الخيل]

الحمد الله على سلاممتك

وبخصوص خرازتك اتوقع انها صينيه ولا برازيليه
بس البرازيليه ماتوقع رديئه لدرجه هاذي

وبخصوص محل الصيانه اسمع الشباب يسولفون في محل اسمه كل النظم بالرياض واسال عن موقعه

[مخلب الصقر-]

اخوي عايض فيه محل فالتخصصي اسمه ((الهدف)) مليون فالميه يسويها لك

[ابوصالح3]

عندك محل الشايجي بسوق الزل يصلحها لك

[v506]

الخرازه وشهي

هل هي برنو ولا المانيه ولا صينيه ..؟

وهل السبطانه وصخه ولا تنظفها ولا مهمل البندق

وضح عشان نستفيد وعموما المحلات عندك برق الوسمي وعندك كل النظم حول شارع جابر
وعندك الشايقي في الزل ..

[عايض 1]

الخرازة صينيه ومن ناحية التنظيف ماعمري نظفتها وهل التنظيف للسبطانه فقط ام للجميع وباي شي يتم تنظيف السلاح لاهنتم

[ديرتي نجد 999]

الهدف يصلحها