هل اللي سويته خطأ ويضر الطير ؟؟

[وارد الخير]

السلام عليكم ورحمة الله وبركاته

عندي حر مثلوث

الطير وحش وانا تعديت مرحلة التدهيل والطير ينقز على الدس اذا وريته العلف

وامس قصرت عليه واليوم حاولت انزله على حمامه مانزل حللتها ونحرتها قدامه وعيا ينزل تقريبا بعد ساعه او اقل حطيت الحمامه الميته قريبه منه ويبين لحم الثنادي ونزل عليها وخليته ينسر حتى الاشباع

هل اللي سويته صح واذا صح شاسويله فالايام الجايه ؟؟

واذا اللي سويته غلط وش اسوي ؟؟

فيدوني ياهل الخبره رحم الله والديكم

[الجره جديده]

وش سنه فرخ والا قرناس

[وارد الخير]

فرخ فارسي طال عمرك

[وارد الخير]

وين ياجماعة الخير

١٥ مشاهده ولا رد عطوني من علمكم ولاتهونون

[نقوة الغوش]

والله يالغالي دام الطير ينقز على الدس ليه ماتوكله بيدك ؟
خل الطير يتعود عليك واذا بغيت تروح عنه برقعه
خله يتعود عليك بس انت وكله على يدك دايم
ومشوارك طويل يبي لك وقت على مايتعلم على الملواح والشلواء
لكن عوده الحين على الحمام اذا ذبحته عنده طلع له الثندوه والقلب
وخله يعلف بيدك لجل اذا جيت تلاوح له لاوح بحمامه
وان شاء الله الاخوان يفيدونك بالعلم الوافي

[الجره جديده]

هو فرخ الله يعينك
يابن الحلال اربطها تحته في الوكر وخله يقعد اذا ما ذبحها برقعه وسوها فيه من البكره
هو بيذبحها لا تقربه خله يغفصها لين يعرف دربها وبعد ما يذبح اقرب منه وعلفه بس هذا فرخ يبي له امور طويله عريضه
وبعده سوها له انتفها وهو غي سبب خله يهد عليها ويذبحها وعلفه
وبعدين جب له شي اكبر شوي وبعدها كسره على اللي اكبر منه وبعدها اللي اكبر منه لين الطير يصير شجيع يمكن يهد على البعير ويعلقه وهو في اللجه
تدري وشلون الطير بتبيعه اذا بتبيعه كلمني
0569244355

[THE SNIPER H]

حاول تنقل الطير علي الكف وهوه مفرع (دون برقع ) اطول وقت ممكن في اليوم واثناء الذلك اعطيه نساير من اللحم من الحين الي الاخر حتي يعتاد عليك ويتعلم انك مصدر طعامه ويألفك
وبعد خمسه ايام تقريبا ادعو الطير من مسافه المتر وابعد المسافه كلما وجدت منه استجابه ثم جوع الطير لمده يوم كامل دون اكل نهائي وفي اليوم الثاني ضع امامه حمامه حيه علي مسافه متر وادعيه وستجده يهد عليها ان شاء الله قم بمراقبته هل ذبحها ام بدأ نتف الريش فإن بدأ بنتف الريش مباشره فقم انت بذبحها وستجده يأكل من رقبتها
كرر هذه الخطوه عده مرات وستجده بعد ذلك يقوم بالذبح وحده
ملحوظه يجب عليك عدم السماح للطير بنقل علفه اذا حاول ان ينقل العلف وذلك بالامساك بالحمامه من القدم او الجناح حتي لا تكون عاده عند الطير كلما اقتربت منه

[عاشق الطير999]

السلام عليكم جميع اخوي بعطيك مختصر ان شأ الله يفيدك حاول تقصر على الطير اول يوم فوته بدون عشاء ونقله على يدك بقدر المستطاع وثاني يوم لاجيت تعشيه لا تعشيه اكثر من نص سمانه ويكون عشاك بوقات متقطعه مو على طول تعطيه عطه قطعه وبرقعه دقيقتين وفك برقعه وخله ينقز ع يدك وعطه قطعه ثانيه وبرقعه لمدة دقيقتين ورجع عطه وستمر كذا مدت ثلاث ايام على نص سمانه ونفس الطريقه ع صغيره عطه شوي شوي لين وتشوف التغير اهم شي عشاه لايتعدى نص سمانه لان الجو حر والطير يرتفع وزنه ومابي غير دعواتكم لو كان تعطيني مقاس الطير اعطيك له وزن مايتعداه يسهل عليك

[كلي فخامه]

مع احترامي للجيع واراهم
طيرك فيه وحاشه لو تبي نصيحيتي لا تعطيه
حمام لين الطير يولف عليك عطه على يدك ونقزه وادعه بسبب
لين يدهل الطير
وبعدين عطه حمام وشف على طول يذبحها
بتوفيق لك ..

[سنجااار]

نقز الطيره لين تاخذ عليك

والحمامه اربطها تحت وكرها بالمدعى ان ماجتها طوفها لا بكره

وبالليل عطه نسر بس عن قولة ماعلفت ولاتنزل من يدك ابد

والافضل انك تعلمها ع الملواح

تقبل مروري
×