يوسف الخليفة1
17/09/2012, 09:07 PM
بسم الله الرحمن الرحيم
السلام عليكم ورحمة الله وبركاته
الصيد صابه تالي الوقت فيروس=اخلف مساره واخلف اسلوب راعيه
امسا عقب فن الهوايات بافلوس=ضمن التجاره صفقة البيع تقصيه
تغيرت من سبة الحاله نفوس=واهتزت بدفع المصاري مباديه
من عقب ما هو عند الاجواد ناموس=صار بولاية صلف الاحساس يلويه
اللي يتيه بساقة الجول معموس=ما حسب لواقف ولا من يباريه
ما همه يطامر مشاريع واحبوس=يبي عسا منفوشة الريش تغنيه
والزود ينزل طامن الظل ويحوس=ما حسب لمقيال الاجواد وش فيه
يا شين خف ربك ترا المال مديوس=والفقر زود المال لو طال يتليه
واعرف ترا الدنيا تعاليم وادروس=ان طمنت وضع الفتى يوم تعليه
ايام راحت صارت احلام بانعوس=نبعد عن دهول القطين ومفاليه
واليا ركد من شاف صيده عن الدوس=نهدي وندعي عسا لين يرميه
نعينه ونجمع صويبه من خفوس=واليا بغا حاجه رفدنا حواجيه
واليا فقد شارد سبرنا له عسوس=هذي هي سلوم الخلا حين ماضيه
وانساعد مغرز برباضة طعوس=والتايه اللي نرشده في مساريه
هذا هو المكسب له الطيب مقيوس=والا الردا المطغي بغيضه معانيه
يوسف الخليفة ( أبو عبد الله )
السلام عليكم ورحمة الله وبركاته
الصيد صابه تالي الوقت فيروس=اخلف مساره واخلف اسلوب راعيه
امسا عقب فن الهوايات بافلوس=ضمن التجاره صفقة البيع تقصيه
تغيرت من سبة الحاله نفوس=واهتزت بدفع المصاري مباديه
من عقب ما هو عند الاجواد ناموس=صار بولاية صلف الاحساس يلويه
اللي يتيه بساقة الجول معموس=ما حسب لواقف ولا من يباريه
ما همه يطامر مشاريع واحبوس=يبي عسا منفوشة الريش تغنيه
والزود ينزل طامن الظل ويحوس=ما حسب لمقيال الاجواد وش فيه
يا شين خف ربك ترا المال مديوس=والفقر زود المال لو طال يتليه
واعرف ترا الدنيا تعاليم وادروس=ان طمنت وضع الفتى يوم تعليه
ايام راحت صارت احلام بانعوس=نبعد عن دهول القطين ومفاليه
واليا ركد من شاف صيده عن الدوس=نهدي وندعي عسا لين يرميه
نعينه ونجمع صويبه من خفوس=واليا بغا حاجه رفدنا حواجيه
واليا فقد شارد سبرنا له عسوس=هذي هي سلوم الخلا حين ماضيه
وانساعد مغرز برباضة طعوس=والتايه اللي نرشده في مساريه
هذا هو المكسب له الطيب مقيوس=والا الردا المطغي بغيضه معانيه
يوسف الخليفة ( أبو عبد الله )