وش تحب اللحم يكون مستوي مرة او نصف استواء بالكشتة

[الوافي.]

الاذواق انواع ولولا اختلاف الاذواق لبارت السلع
ومن التذوق درجة استواء اللحم
احدهم يحب اللحم يكون لين كالزبدة
والاخر يحبه نصف استواء
والبعض الاخر يحبه بدمه يعني شلهبة
انا احب اللحم يكون كالزبدة يعني يذوب بالفم على طول
وانت يالمكشاتي وش تحب

[سلمانـ]

بالنسبه للحم الأستواء بشكل كلي يكون افضل خاص ان كانت الذبيحه عوده اما اذا كانت صغيره من الممكن يكون نص استواء

[غار بن شعلان]

السلام عليكم

والله انا مايهنا لي بال الا لين يتقطع قلبه بالقدر لو هو هرفي احبه زبده من جد يذوب

اما الي نص استواء والا ع قولتك بدمه ماتقبله تسبدي حتى التسبده احبها مستويه مره وان جت نص استواء ما اقربها

يعطيك العافيه يابعدي

[MANSOR QATAR]

والله ياخوك احبه يكون زبده هو وعظامه :)

[سعود الفيصل]

عني انا لو جاني بجلده اكلته
لكن اللي احبه يكون مثل الزبده

تقبل مروري

[عاشق دياري]

اللحم لابد يكون مستوي على الأخر

أما نص استوى ما أتوقع يقبله أحد حتى لو الذبيحة لباني ..

أما التسبده وما أدراك ما التسبده أدوخ بشويها نص أستوى ودمها يقوطر وكثر ملح يا سلام والله اللعاب بدا يقوطر

[الذيب511]

اتوقع افضل شي اسوئ كامل

[ذاكرة الغيم]

اللحم المستوي على الاخر ما احبه يضيع طعم اللحم بالذات السليق

أفضل يكون شاد شوي

أما المندي فاحب يكون مستوي على الاخر .

بالنسبة للكبدة المشوية ففطعمها خرافي اذا كانت نص استوى وزود ملح

[صلللوح]

انا اكل اللحم ني
وتدري اني اكل القعود على عدالوة

[جوبتير]

لازم حتى العظم يذوب ولا ما اطعم اللحم خصوصا في الكبسه

[الوافي.]

اثر ناس واجد يحبونه مثلي
اوريك بابو عبدالرحمن
اذا طبخ لنا يوم يقول ان اكثر الناس يحبونه نصف طبخ

[الخولاني]

يا زينه سواء طلي او حويشي او تيس او حسيل او بنت المذن او ارنب او حمامه اليا جاك اللحم مستوي على الآخر والشحم مع اللحم متقمرين ويقطرون من الطراوة والاستواء

http://www.hayah.cc/forum/hayahimgcache/1/58459hayah.jpg

[سنابل الذهب]

انا اتمنى يكون طري جدا مثل الزبده بس كيف الطريقه ؟