ممكن طريقة صيد الهوامير

[فارس 07]

بسم الله الرحمن الرحيم
السلام عليكم ورحمة الله وبركاته

اتوقع انكم عرفتم الموضوع من اسمه ف بالله الي عنده طريقة لا يخبي

للمعلومات : انا اصيد من شاطي :good2:

[mc.blood]

يااااااااخي مافي طريقه سوو مثلي وتعرف

[فارس 07]

هههههههههههه :D
اخبارك سعد

[فارس 07]

لا ازال اتظر :hot:

[عاشق حداق]

السلام عليكم
استاذي تراها نفس الصيد العادي واهم شئ عليك بالشعاب لان الهوامير توجد بكثرة في هاذي الاماكن حتى العمق البسيط توجد فية اذا كانت بها صخور
وافضل طعم للهامور راس الخثاق وكبر الطعم وجعل الهوامير بالعافية عليك

[فارس 07]

يعطيك العافية

[مخلد المحنا]

الهامور صعوبة صيده مو في طريقة الصيد نفسه او نوع الطعم والخيط والعدة... الصعوبة في تحديد مكانه.. واذا عرفت شلون تحصلها.. صيده ولا اسهل... لانها سمكة غير حذرة وشرهه وتقريبا تاكل اي شي زفر..

في الصيف لما يكون اسماك الطعم متوافرة بكثرة (العوم والمنجوس والزوري) تلقاه في مكان عادة ما يكون تحت او خلف حجر او عمود ويفضل المياه الغير صافيه لان نظره جدا حاد وتكون له الافضلية على باقي اسماك الطعم.. الطريقة الافضل والفعالة جدا هي الطعم الحي... بس لازم يكون من الموجود في المكان.. يعني اذا المكان فيه منجوس... شك له وحده صاحيه ويجيك يعدي..

شي لازم تعرفه عن الهامور.. انه سمكة مناطقية.. كل ما كبر في العمر كل ما قل تنقله.. يعني اذا حسيت انك ساحب هامور وقص خيطك.. تجي بكرة 90% بتلقاه مكانه!!

والشي الثاني.. الهامور نادرا ما يقطع الخيط بفمه.. الا اذا الربطة اي كلام او الخيط نوعيته مو زينة..

الهامور ما ينقد ولا ينبر.. على طول يزرط..

اهم شي انك لا تعطيه مجال.. مو مثل السبيطي! لانك لو خليته بيدخل تحت صخرة ةلا راح يطلعه ونش!!

اتمنى اكون فدتك


تحياتي
مخلد المحنا

[الياسين]

مثل ما قال لك الأخ مخلد .. إرمي في الأماكن الصخرية وإستخدم المنشوس والخثاق وفالك الهامور إن شاء الله

[Dr-Diver]

مثل ماآتفضلو آلاخوان
آكثر شي اشوفه انا اذا نزلت غوص عند الشعب
آحيانا اصيد سمكة من اي نوع ويطلع ع الريحة :)
موفق خير

[سكن حبك سكن]

الاخ مخلد مابقى شي, الله يعطية العافية.

بس هو يتواجد في الاماكن الصخرية بكثرة.

والله يوفقك ويبارك لك.

[قلب_بحار]

ماشالله الاخوان كفو ووفو الا بعطيك وقتها من تجربه لمن تحمى الشمس اصيدها بكثره واحجام مختلفه لاتنسى ان تكون المنطقه اللي تصيد فيها شعب والله يوفقك

[ramadan222]

اش هو المنشوس ؟؟

[الياسين]

المنشوس نوع من أنواع السمك صغير الحجم ويتواجد في أسراب .. وفي الرابط صورته

http://www.google.com/search?tbm=isch&source=mog&hl=ar&gl=us&client=safari&tab=wi&q=منشوس&sa=N&biw=320&bih=416&sei=1QFZUK3aBNDFtAbI3oCwCA#i=11

[accentkool]

يتواجد الهامور بالاماكن الصخرية العميقة
استخدم الطعم الحي منشوس ميد ساردين
واللهع يرزقك بالهامور الطيب

[فارس 07]

مخلد المحنا ======= يعطيك العافية كفيت ووفيت الله يكتبها في ميزان حسناتك
الياسين ========= يعطيك العافية (وجاري شراء المنشوس)
dr-driver ====== يعطيك العافية بس الغوص غير عن الجلب ههههههه
سكن حبك سكن ===== يعطيك العافية شكلي بروح مكان صخور اكثر
قلب_بحار ======= يعطيك العافية انشاء الله مافي فرق بين الشعب و الاحجار
ramdan ======= يعطيك العافية اتوقع رد الياسين يكفي
accentkool ===== يعطيك العافية اما بالنسبة لك انت من المفضلين عندي
mc.blood ====== انت اقابلك في العصر نتفاهم على الطلعة

[rava]

الهوامير دايمن تكون قريبه جداً من الشعب وتحب اللخبطه باللعف
يعني حطلها حبار ع سردين على كم لبيبه كدا ونزلها
قريب من الشعب مره ولازم تكون جاهز لها لانها ع طول
تاكل الطعم وجري ع الشعب يعني لازم تكون لابس جونتي
او لاف شطرطون ع يدك عشان تدركها قبل لا تدخل الشعب
وبالتوفيق بهاموره ٤٤ كيلو :)

[هيتاشي]

الشباب ماقصرو الله يعطيهم العافيه

[baracuda]

السلام عليكم
من واقع تجربتي الوحيدة لصيد الهوامير من الشاطئ
كنت في منتجع الاحلام في مدينة الليث
وفيه السقالة اللي عندهم في نهايتها اخذت سنارتي واصدت حوالي حبتين اكبر من الكف بقليل
استخدام الخيط كان اسهل (( الجلب ))
مقاس 50 و سنارة 9 الي كانت معايا وقتها
اتمنى تستفيد من ردي وشكرا