المساعد الشخصي الرقمي

مشاهدة النسخة كاملة : أخواني أهل الخبرة في صيد البحر


أبوملوح
24/07/2006, 10:32 PM
السلام عليكم ورحمة الله وبركاته
أخواني أهل الخبرة في صيد البحر
عندي إستفسارات إذا ماعليكم كلافه تفيدوني

إختيا ر مكان الصيدعلي الشاطي عشوائي أم يكون يدلك عليه أحد
وإذاكان عشوائي كيف أعرف أن هذالمكان فيه صيد أو لا؟

إذا رميت السناره كم مدة الأنتضار ؟

والله أسأل أن يحفضكم في حلكم وترحالكم
أبو ستري
25/07/2006, 12:25 AM
والله على حسب ويعتمد من واحد للآخر .
يعني إذا كان المكان فيه حصى ويوجد شريب على السيف ممكن يجي ( شعم ) أو غيره يرعى في المنطقة هذه .
أو إذا المكان مو غريب مرة ممكن يجي أي نوع من السمك .

أما إذا المكان فيه حجور وغيرها فهذا ممكن يكون فيه هوامير وغيرها .
وهناك خيط عادي للحداق العادي أو خيط تسميت ( على كبير ) ..

ومدة الأنتظار تختلف من شخص للآخر , وعلى حسب الماي ( سقي ) ( ثبر ) أحيان يضرب السمك في بداية السقي وأحيان في الثبر .
الموضوع يختلف من شخص للآخر ومن مكان للآخر .. :)
gulfhunter
25/07/2006, 06:49 AM
السلام عليكم ورحمة الله وبركاته

حياك الله أخوي أبوملوح

سؤالك يحتاج مناقشه كبيرة. شوف اول شي يعتمد على طبيعة المكان اللي انت تبي تصيد فيه ثاني شي زي ماذكرلك اخوي أبو ستري إذا المنطقه صخريه فهناك احتمال كبير ان المكان يكون فيه سمك !!! أما إذا المكان رمليه فهناك فرصه لصيد السمك المرار هو اللي يجي لقصد الأكل او وضع السمك ......

طبعاً إذا في احد يدلك ممتاز وإذا مافيه فمالك الإ الأختيار والصيد بوقت السقي (المد)

ممكن تذكر اسم المنطقه .. وان شاء الله امور تزين

الله يوفقك ويبارك فيك
أبوملوح
31/07/2006, 03:09 PM
أحبتي ماقصرتم على الردود الطيبه
أما بالنسبه للمكان فأنا أجي من الرياض للخبر أو للدمام(ماعندي مكان معين)
Alhzzen
31/07/2006, 06:35 PM
يعطيكم العافيه
بس بعض المناطق يمكن اكتشافها مع طلعت النور
لان السمك يبدا ينش فوق السطح
هاذي يسويها بعض السمك
واولها السبيطي



ولا كلامي فيه غلط ياشباب


شكرا