تورط ولعلها خيرة ان شاء الله

[توكار]

السلام عليكم


يارجال أنا تورط ولعلها خيره ان شاء الله نزلت البارح بالرياض

من التعب ماصحيت الا الساعة 12 ظهرا يوم الخميس

والمستشفي يقول مانفتح الا يوم السبت

ومعي طيور 7 طيور


س /هل مستشفي الدرع للصقور يفتح بعد العصر يوم الخميس
وكم رقم المحل

ونصيحتكم يانشاما. يصلح أرووح الى مستشفي الدرع
ولا أصبر لين يفتح المستشفي سلطان يوم السبت( وشلون أبصبر )

الطيور غاليه يارجال تكفوووووووووون أبغا مشورتكم

[سلطان 1]

لا تورطت ان شالله ولا شي وانا خووووك.
خل الطيور الي يوم السبت وافحصها وشيك علي طيورك في مستشفئ فهد بن سلطان
واخلص وروح لهلك.

[توكار]

بيض الله وجهك ياسلطان

لكن صعبة شوية الجلوس بها الشقة تركنا الحلال والأقارب لكن وش رايك أروووح للدرع وأنجز الأمور

[سلطان 1]

افتح الرسائل الخاصه عندك
ياتوكااااار.
ابرسل لك علي الخاص ورفض.

[بدوي نمبر ون]

يعتمد الامر هذا على الطيور وملكيتها.
فإذا كانت الطيور تابعه لك او لا ؟
ان كانت لك فهو حلالك وانت حر فيه
وان كانت لاشخاص اخرين كلمهم وبلغهم بالذي حصل معك واخذ امر كل شخص ماذا يريد ان يفعل بطيره.
ونأتي للمرض اذا كان احد الطيور تعبان بالحيل لابد من الفحص العاجل سواء كان عند الدرع او غيره لان الامر لايحتمل التاخير.
الله يوفقكك ويسهل امرك

[توكار]

بيض الله وجهك ياسلطان على هاالفزعة


الله عالم فية فيروسات هنق ولافتح صندوق الرسائل ولا خلل الوكاد فية مشكلة


بدوي نمبر ون ضيقة بوسط ها الشقة يازين طعيساتنا صابني قلاع بخشمي

[حر اشعل]

أصبر إن الصبر جميل

[توكار]

الله يوفقك سلطان1

كلمني الرجال ووصل الرسالة


والمعذرة كان ودي أزوركم لكن السموحة


وأشكرك ياسلطان1 على هاالنخوة الطيبة

لك ودي وأحترامي

[أسطورة الشيب0]

أقووووول أقعد مايفتح المستشفي




اليوم الوطني

[سلطان 1]

للتوضيح /
مستشفي فهد بن سلطان
مداومين السبت.
ويوم الأحد اجاااازه.

[برق المغيب]

الله يعينك اخوي توكار .... وبيض الله وجيهكم ياخواني اشهد بالله أنكم اهل فزعة وكلن يقول الزود عندي ... اخوكم ابو راكان

[سنجااار]

افحص عند الدرع توكل على الله


واتصل على اهل الطيور مثل ماقالو الاعضاء

وبالتوفيق

[الجره جديده]

لا مانع من انك تمر على العويدي

[s3s3]

مر العويدي في بينه احسن لك منهم كلهم

[توكار]

افحص عند الدرع توكل على الله


واتصل على اهل الطيور مثل ماقالو الاعضاء

وبالتوفيق



سنجاار

أتوكل على الله يم الدرع

علما أن أحد ألأعضاء نصحني بمستشفي غير

والبارح حرك أحد أعضاء مكشات علشان يونسي وأبشرك أستنسنا ورحنا وتعشينا

وقال أبروووح يم مستشفي ثاني .. وبغيت أبكي:f لان كلن بيرووح مستشفي غير

يعني صرنا مثل فريق هلال والنصـــــر

والبارح ماغير أدعي ربي وأقول



يارب تفك هاالطيور اللى مالهن ذنب """" من هاالمجازر اللى يجنزروون الطير """ أمس يعالج قطو وسلق واليوم جاي يتعلم بصقور وأخاف يقولون طيرك مريض ويحتاج 5أيام عندنا


وبعد يجي أتصال بعد 5أيام


مستشفي :الوووووووو الأخو عناد الشراري

عناد: نعم


مستشفي: طيورك ماتن ياطيب
عناد: وشلون ماتن
مستشفي: تسمم ماادري أكلهن كوري أو ياباني
عناد: تعوضوهن وانتم ماتشوفون الدرب
مستشفي : طبق بالسماعة نننننننننننننننننننننننننننننن


ياربي أسئلك يوم هاالجمعة يوم أجتمع الخلق لأداء صلاة الجمعة انك تنصر أخوننا في سوريا وتفك طيورنا من الأمراض او الموت او الضياع

[حامد الحنيني]

اخوي عناد الشراري

طيورك ان شاء الله مابهن الى العافيه

واما سطان 1 والله ونعم الرجل اي والله وانا اشهد

عزالله انه كفو ويستاهل العلم الغانم

وانا اقولك هالكلام وانا والله ماقد قابلته لاكن علومه سابقته بالطيب

بمكشات وبرى مكشات تسمع فزعاته وعلومه الطيبه اللي تطلق وجه