يا اهل الشوازن مايصير ماتعرفون حل حق هالمشكله

[شت قان]

السلام عليكم ورحمة الله وبركاته اخواني
عندي شوزن تركيه مظبوطه معي صار لها سنتين وجا يوم من الايام فككتها ونظفتها تنظيف صح
وبعدها صارت. اذا رميت فشق 36 تبدله وتلقم واذا حطيت 32 ماتبدل الفارغ. 32 او اقل من. ابي اعرف شنو المشكله وكيف حلها علما ان الشوزن غازيه ومافيه اي كسور داخليه ونظفتها تنظيف عدت مرات وكل الا اذكر اني طلعت السبرنق حق المخزن ونظفته ومددته شوي وبعدها مادري وش الي حصل تكفون الي يعرف الحل لايخلي

[تاحوف معاصر]

هي المشكلة التمديد اللي سويته

انا ما قد استخدمت التركية ولا اعرف نظامها لكن اذا السبرنق عليه مربط حل على المربط شوي يعني خل فيه رخاوة لا تربطه للآخر

[انا ابو بندر]

حاول تركيبها مره ثانيه شكلك قلبت شي ولا ركبته غلط لان المشكله بمنظم الغاز حاول تركيبها بالشكل الصحيح ولا دور شوزن نفسها وركب شوزنك بنفس الطريقه هذا وزن غاز مشكله عاديه جدا

[ستيفنزالقصيم]

تراه دايم التركي يلك عليك بالتزييت خله مع جرابهاا

[الوافي512]

في نهاية السبرنق الحلقة اللي تربط فوق الخزانة ارخ عليها شوي وتضبط امورك ان شاءالله

[شت قان]

جربت مافي فايده بس ابسالك وش علاقتها في تبديل الفشق

[تاحوف معاصر]

جربت مافي فايده بس ابسالك وش علاقتها في تبديل الفشق

انت يوم سحبت السبرنق صار قوي بزيادة يعني صار ضغط السبرنق أقوى من ضغط الفشق 32 لكن 36 مازال يضغطه ولو سحبت شوي اكثر من كذا ماعاد يضغطه حتى 36

ماله حل الا انك ترخي ع السنة شوي أو تستخدم 36 فترة ومع كثرة الرمي بيرجع السبرنق مثل ماكان

[شت قان]

طيب انا طلعت السبرنق وظغطته ثاني مره الين رجع مثل ماكان ولا في فايده

[فرخ قطا]

اذكر كانت معي بريدوس تركيهكانت تلك ب٣٢ ولا ارمي الا٣٦ وومتازه
خلك ب٣٦ افضلك

[تاحوف معاصر]

طيب السبرنق يوم تطلعه برا هو صالب والا فيه اعوجاج؟

وكيف حركته ع الماصورة اللي يركب عليها حركته سلسة؟

حاول تعدله إذا فيه اعوجاج وتزيته واذا كانت حركته حافة أو يحك في الماصور ماراح يضبط لأن الاحتكاك يسبب ثقل في حركة السبرنق

تأكد انك ما بدلت شي أو شديت شي أكثر من اللازم تر التماتيك كل شي يخل بها

[شت قان]

سويتها وماعليك السبرنق مظبوط
لاكن شنو فايدت تزيت السبرنق

[شت قان]

بعد انا شايف ان الماكينه اذا سحبتها للخلف قبل لا تعشق تثقل زي الي كانه شي مدقر مخلي المكينه ماترجع بالكامل كي تغوم بعمليت اخراج الفشقه الفارقه ونا حاس انه الي مدقر هو المضرب حق النادوس مرتفع شوي يحتك في المكينه من تحت

[شت قان]

نار في القلب وجاجه ابي اقنص مثل العالم مو عارف

[شت قان]

شوفو لي سوبر بننلي اذا خابرين وحده للبيع ارسلو لي عل الخاص عشان نتفاهم

[falconry_q8]

الحل
في ربل لمنظم الغاز

يمكن ما ركبته او حطيته مكان بغير محله

[شت قان]

وين يصير الربل ماشفت ربل تحت البرنق ولا وين الله لايهينك

[شت قان]

وش وظيفته هالرله الي تقصد هل وظيفتها مثل البستم تظغط الهوا

[شت قان]

وين يكون مكانها وماهي وضيفتها