المساعد الشخصي الرقمي

مشاهدة النسخة كاملة : أمٍ يابو رمزي لها عدة اعيال ..................... حله ( المزيدي ) .. الحل ( القصيده )


ابو ماجد 2
21/09/2012, 06:49 AM
بسم الله الرحمن الرحيم

السلام عليكم ورحمة الله وبركاته

صباح الخير شفت هالصبحيه ابو رمزي
والالغاز مافيه جديد قلت خل ادز عليه هالخفيف

أمٍ يابو رمزي لها عدة اعيال=وعيالها ماهم علينا خفايا
الوجه مخلف والتشابه بالاذيال=والوسط نوبٍ فيه نفس الحلايا
الوزن واحد ماحدٍ زاد مثقال=والزود او النقص فيهم خطايا


مع تحيات ابو ماجد

منتديات مكشات 0 خيمة الالغاز
فهد الهلالي
21/09/2012, 10:11 AM
ابو ماجد صح السانك
وبيض الله وجهك على التوجيه بالغازك الى اعضاء هذه الخيمه
مما جعلنا اسرة واحده تجمعنا المحبه والتقدير
رميعه
السبحه وخرزها
مقاسهم واحد
والعدد 33
ويوجد فصاتين بالوسط
دمت طيب ياطيب
ابو ماجد 2
21/09/2012, 10:56 AM
ابو ماجد صح السانك
وبيض الله وجهك على التوجيه بالغازك الى اعضاء هذه الخيمه
مما جعلنا اسرة واحده تجمعنا المحبه والتقدير
رميعه
السبحه وخرزها
مقاسهم واحد
والعدد 33
ويوجد فصاتين بالوسط
دمت طيب ياطيب


هلا ابو محمد
صح بدنك
وحنا بالفعل بالهمندى اسرة واحده وفي ظل اشرافك انت وابو اسامه
وفي ظل هالنخبة اللي يرفعون الراس
الرمعه ماصادت الحل يالغالي
المزيدي4
21/09/2012, 11:29 AM
يسلم لسان الشيخ زيزوم الأبطال
ويسلم بنانك يا حميد السجايا
ويستاهل الاسناد الأخ جوال
الله يجيره من سهوم المنايا
هذي القصيدة وزن مع قاف تنقال
لو تختلف عنها تروح المزايا
ا لجوا ل
21/09/2012, 01:29 PM
صح لسانك يابو ماجد
مشكور ابوماجد على كل الاحوال
مشكور من لي دزبعض الهدايا
الله يجنبه المكاره والاهوال
ويجزاه من خيرة كبار الجزايا
لغزك صلاة العبد واوقاتها عيال
ووجهه ووسطه نافلتها سوايا
ه


واشكرك يا فارسنا وعسى الرمعه صايده
ابو ماجد 2
21/09/2012, 02:44 PM
يسلم لسان الشيخ زيزوم الأبطال
ويسلم بنانك يا حميد السجايا
ويستاهل الاسناد الأخ جوال
الله يجيره من سهوم المنايا
هذي القصيدة وزن مع قاف تنقال
لو تختلف عنها تروح المزايا



يالغز جالك فارس الغطو يجتال=كني اشوفه فوق نقو المطايا
يمناه فيها سيف للغطو سلال= رجل على الغطوات سوى سوايا
ان هاز عن يمناه للغطو قتال=ون هاز عن يسراه تسقط ضحايا
يابو سعد عل السعد دوم لك فال=هي القصيده من بدت للنهايا


صح لسانك يابو سعد
نعم
القصيده
تالي الابيات متشابهه اي القافيه
واحيان الوسط نهاية الصدر تتشابه
والقصيده موزونة الابيات ولا تحتمل الخطأ
ابو ماجد 2
21/09/2012, 02:48 PM
صح لسانك يابو ماجد
مشكور ابوماجد على كل الاحوال
مشكور من لي دزبعض الهدايا
الله يجنبه المكاره والاهوال
ويجزاه من خيرة كبار الجزايا
لغزك صلاة العبد واوقاتها عيال
ووجهه ووسطه نافلتها سوايا
ه


واشكرك يا فارسنا وعسى الرمعه صايده


هلا بك يابو رمزي
انت تستاهل وانا شفت معرفك صباح اليوم قلت خل اسليه بهاللغز
لكن الظاهر مامدان طلعت
حياك يالغالي
والحل عند ابو سعد
ولا تواخذونن احرر المشاركه بعد عدة محاولات يظهر فيه مشاكل بالنت
المزيدي4
21/09/2012, 03:22 PM
يالغز جالك فارس الغطو يجتال=كني اشوفه فوق نقو المطايا
يمناه فيها سيف للغطو سلال= رجل على الغطوات سوى سوايا
ان هاز عن يمناه للغطو قتال=ون هاز عن يسراه تسقط ضحايا
يابو سعد عل السعد دوم لك فال=هي القصيده من بدت للنهايا


صح لسانك يابو سعد
نعم
القصيده
تالي الابيات متشابهه اي القافيه
واحيان الوسط نهاية الصدر تتشابه
والقصيده موزونة الابيات ولا تحتمل الخطأ




صح بدنك مشكور في كل الأحوال
سبحان ربي ميزك بالمزايا
أستاذنا ومربي أجيال وأجيال
منّه تعلمنا فنون الحجايا
معرفته مكسب ولا كل الأموال
تسوى معرفة شيخنا بالعطايا
ا لجوا ل
21/09/2012, 04:41 PM
كفو كفو يالمزيدي وصح لسانك وسلم بنانك
ويسلم لنا الزعيم ابو ماجد زعيم الالغاز
ودمتم سالمين
ابو ماجد 2
21/09/2012, 11:10 PM
كفو كفو يالمزيدي وصح لسانك وسلم بنانك
ويسلم لنا الزعيم ابو ماجد زعيم الالغاز
ودمتم سالمين

سلمت من الشر يالغالي
المزيدي4
22/09/2012, 12:43 PM
كفو كفو يالمزيدي وصح لسانك وسلم بنانك
ويسلم لنا الزعيم ابو ماجد زعيم الالغاز
ودمتم سالمين

كفوك الطيب يا أبو رمزي وصح بدنك
وتسلم من كل شر