وش السواة يالربع في الي حصل

[صقار الحدقه]

السلام عليكم ورحمة الله وبركاته
صبحكم ومساكم بالخير

السالفه يالربع اودعت طيري عند الله ثم عند مربط في منطقة القصيم بعد ما سمعنا عن الدعايه الي مسوينها من كشف وتحليل وعنايه ومن هاالكلام الي يشرح الصدر
المهم زرتهم ثلاث مرات والشهاده لله ما لقيت ماقيل وفي الأخيريوم الخميس4/11/1433 دقو علي قالو طيرك مختل توازه وعينه تدمع وجيتهم ولقيت داخل عينه دم ولا يشوف نهائي في عينه اليسرا ويقولون بالضبط ماندري وش السبب و ماعندنا اعلاج وده الرياض.
السؤال يالربع هل له اعلاج دم في عينه اليسرا ولا يشوف نهائي وعينه تدمع
ومن المسؤل في الي حصل

[بدوي نمبر ون]

الشكوى لله
والله يعافي طيرك ويشافيه
وبالنسبه للطير / يمكن الطير ظارب شي وهو بالمربط ولا داعم شي .
مانقوئ نلوم احد
والعلم عند الله

[abo_Majed]

ضاربه طير !!

[اسلي نفسي]

الله يعافي طيرك
يفيدونك اهل الخبره

[alyasy]

طويل العمر في قطرة تباع في الصيدليات يستخدم لعين الطير وهو في الأصل للبشر
هذا اسمه Chloromycetin

وهذا الدوا قطور للعين مضاد حيوي gentamycin plus

[وسًاام]

الله يعافي طيرك

[ابو عضيله]

يمدحون مستشفى الرياض الحق طيرك لايعيب

[(هزاع)]

لاحول ولاقوة الا بالله
الشي ونا اخوك قضاء وقدر
كل ماخلق الله معرض لقضاء الله
راعي المربط وش بيده لاصار انه معطي جهده
ورضية المربط خاليه من الحشرات من خنافس ونمل
وزين انه دق عليك عندنا طير ارسل راعي المربط رساله بصورته وهو مفرش بالارض ميت
انت اشوى

[عواد الشمري2]

ماتقوى تلومه لن ه>ا طير معرض لي شي هو الي عليه سواه والله يشفي طيرك ومثل ماقال وده للمستشفا لن القطره الي ت>كر للغصق العين مهو للدم ولا يشوف به الله يشفيه

[قرناس ثالث]

الله يشافي طيرك

[حر اشعل]

لاحول ولاقوت إلا بالله

[عيون النسر]

الله يعافى طيرك ويعوضك خير ونا خوك

[برق المغيب]

الله يعافي. طيرك الحق المستشفى قبل لاتعيب عينه ... وهذا مكتوب وانا اخوك

[صقر برزان]

الله يشفي طيرك وافضلك تعرضه على دكتور يشوف حالته ويعطيه العلاج المناسب
وراعي المربط الطيور الي عنده واجد ومفكوكه مع بعض يمكن ضربه طير والا ضرب الشبك
ما تدري وش الي صار
ونصيحتي لخواني ولك انك تقيض طيرك عندك الا اذا انت عندك ضروف شي ثاني
منها طيرك قريب منك وتحت عينك وعلى اشرافك والله يالربع مايبيلها شي
وبالتوفيق للجميع

[ابوفيحان11]

كلام الربع صحيح وده للمستشفى فيه عصار لون العلبه خضر وهو مضاد حيوي واذا تعرف احد ف الامارات
وصه يجب لك عصار من البيطري اسمه شناي وهو ممتاز انقطع عندنا في السعوديه وهو خاص للعين
وانا شخصين مجربه بطير عندي ضاربه خنفس وسببله جرح تحت العين ولمس العين بعد وعالجته منه
وسلم الطي رخمسين بالميه رقم قوت الضربه وهو في المربط الان وما قطعت على شوفه لين يطلع من الربطه
والله يشفي طيرك

[ابو ثنين]

مثل ماقالو لك الأخوان وده للمستشفى
وكل شي مقدر ومكتوب ماتقدر تتهم احد
(ما اصابك ما كان ليخطئك وما اخطأك ماكان ليصيبك)
الله يشفي طيرك

[القناص أسعدي]

صقار الحدقه طيرك مايشوف شر ان شاءالله ,
بعطيك رأيي وخذ فيه وهو الاكيد ان شاءالله ,
1- الطير عنده نزيف داخلي بالعين ومن الاكيد ان طير اخر ضرب عينه ودائما تحصل اذا تشابطت الطيور على علف او هدد واكثر مايسبب هذا هو مخلب الطير الاخر يلمس عين الطير ويسبب له نزيف داخل غشاء العين يسبب له نزيف دم داخل غشاء العين مع تدميع بالعين والطير يفقد البصر مؤقتا - لاحظ كما قلت انه مؤقتا حتى يزول الدم داخل غشاء العين - وانا متأكد من كلامك انه عين الطير بترجع كما كانت بس محتاج وقت حتى ينجلي الدم داخل الغشاء -
ملاحظة ملاحظه ملاحظه - تأكد اولا هل قرنية العين سليمه اي بؤرة العين اذا كانت سليمه والدم يحيط بها فلابأس سيعود نظر الطير طبيعي - ولكن اذا الدم داخل قرنية العين اقصد بؤرة العين فهناك مشكله لاعتقد انها تزول ببساطه --
2- تابع ماسأقوله كل وهذا رأي فقط اذا احببت ان تأخذ به او انت بالخيار --- يوجد مرهم خاص لعين الطير وللالتهابات في الصيدلية البيطرية - شكله كشل الإبره ( البرواز ) البشرية اللي يستعملونها للبشر - من بلاستك - توضع لعين الطير كما يضع الانسان المرهم في عينه -
3- حاول ان تغسل عين الطير بماء بارد من الثلج - تضعه في بخاخ رش ماء الطيور وعلى الدرجه الرش الرذاذ الخفيف - واحذر ان يكون على الدرجة الحاده اقصد الرشاش - البخاخ على درجة الزذاد واجعل المسافه المعقوله ليست القريبه او البعيده لان الثلج يزيل النزيف والتجلطات - - وتغسل بها عين الطير ليقف النزيف ويتقلص مع الماء الثلج حتى يعود نظر الطير طبيعي لأن الدم حجب رؤية الطير واذا تقلص الدم وصغر يزول حجب العين ----
ماحصل لطيرك يحصل للكثير من الطيور اثناء المشابطات على الهدد ومخلب الطير دائما يؤذي عين الطير الاخر ويسبب له كما حصل لطير

هذا شوري لك اذا احببت وانت صاحب الخيار

[عوق الخريش]

بسم الله الرحمن الرحيم
السلام عليكم ورحمة الله وبركاته
حياك الله اخي الكريم : صقار الحدقه
الله يشفي طيرك الشفاء العاجل ومايراء بأس
بالنسبه لكلامك يالغالي مافي مانع ان تخبرنا من صاحب المربط الذي له دعايه ووووو الي الاخر ,,
وبعدها اصاب عين طيرك والخطاء منك طال عمرك تقول زرت المربط 3 مرات ولم اجد ماقيل عنه ,
من المفترض من اول زياره اخرجت طيرك من هذه الكارثه لكي لاتقع في المحظور واذا كان طيرك ترا انه اهمال من صاحب المربط فيتحمالها صاحب المربط ,
وانا من اهالي القصيم وابشر بالي تبغاء ولايوجد لدينا مرابط معروفها سواء 2 وهم العقيل والعطالله غيرهم لايدخلون ذمة اهل القصيم لانهم غير معروفين

تحياتي لك ...وشكراّ


*

أخوك


*

( عوق الخريش )