المساعد الشخصي الرقمي

مشاهدة النسخة كاملة : حرارة الباترول موديل 99 تكفون ابي الحل


البعية
21/09/2012, 01:33 PM
السلام عليكم ورحمة الله وبركاته

اخواني انا عندي باترول 99 ماشي 138000 الف على يدي فاكه جديد

تعبت من الحرارة لاول مره في ذي الايام علما بانني غيرت الرديتر 2400 ريال من الوكاله
والى الان ترتفع تتعدى خط الربع وفيه بعد لقلقه

تكفون للي عنده خبره يخبرنا لاني ما ودي في الموتر دقة الشوكه


اخوكم سعد البعية
العطاوي a511
21/09/2012, 01:48 PM
طبيعيه لاتوسوس اهم شي سكر فتحات الرديتر يمين ويسار وفوق بالاسفنج وامورك طيبه

واوزن الديلكو بالوكاله
ابوسند9
21/09/2012, 08:07 PM
شوف اخونا العضو
sgl2002
ان شاء الله يفيدك
العتيبي 88
22/09/2012, 01:26 AM
حياك الله ياغالي

صيخ الرديتر وعب مويه اصليه ..... وشيك على المراوح خارج الشبك ... اذا شغالات ولا لا ويمكن توكن وحده ماتشبك على السرعه ..

واذا وانت واقف فوق الربع بشووووووووي طبيعي ترى ..
وبالنسبه للقلقه طبيعيه اذا حار والتقطيع 140 طبيعي ..
ls1.5700
22/09/2012, 02:59 AM
شوف اللقلقه من الديلكو يبي له وزن
هو الي رافع حرارة موترك
ايزنه مضبوط
وجرب ان ضبط ونزلت الحراره تمام
لانه اذا كان غير موزون يرفع حرارة المحرك
وذا اختفت اللقلقه والحراره على وضعها ماتغير شي
شيك على تماتيك المروحه
بنسبة حرارة متوترك على الربع او ثلث طبيعي جداً لاتخاف
ابو لموره
22/09/2012, 03:09 AM
سلام عليكم ...

ماقصروا الاخوان .. وأضيف ع كلامهم شيك ع غطاء الرديتر لا يكون خربان..

وشيك ع ليات المويه كلهااا .. تراه مهمه وانا أخوك ..
sgl2002
22/09/2012, 05:33 AM
شف وانا خوك لاتتعب نفسك

هذي حرارة الباترول الطبيعية

واللقلقه تطلع معك اذا احتر هذي من الديلكو

حرارة الباترول بعد الشرطة الثانية بمقدار شرطتين باقصى الظروف

واذا وصل هذي المرحلة يبدا يلقلق لين مايبرد

لذلك اذا تبي تطمن اكثر اوزن الديلكو مضبوط عند مختص وارتاح

وكذلك اهم شي منظومة التبريد عندك متكاملة وسليمه

غطا وطرمبة وبلف ورديتر المكيف انفخه لايكون متسكر

وفيه اضافه
اذا قدرت غير المروحة اللي من جهة الراكب الى مروحة باترول ٢٠٠٩ سرعتين واشبكها مع اللي جنبها عشان تحصل على تبريد اقوى وللثننين

لان ال٩٩ ماتشتغل الا وحدة اذا احتر الموتر واذا شغلت المكيف شبكت ثنتين



ايضا نقطه مهمه

تماتيك المروحه فره بيدك

اذا كان ثقيل مره ويالله ياخذ ربع افه او اقل فهو مضبوط

اما ان حسيت انه خفيف فهو تعبان ولا تشتريه الا من الوكالة لان المحلات تبيع درجة ثانية وحتى لو عليه كرتون نيسان
فيصل الراضي
22/09/2012, 07:26 AM
كلام الاخوان ماقصرو ، بيضو الوجه ، وبالنسبه للمرواح شيك عليهن وذا ماتبي حراره وعزم ركب
مراوح سوبارو سرعتين وريح مخك :)
البعية
22/09/2012, 08:59 PM
ما قصرتم بيض الله وجيه الجميع وهذا ليس بمستغرب منكم يا اخواني

الله يعطيكم الصحه والعافية

وتقبلوا اجل تحياتي اخوكم سعد بن سعيد البعية
ابوبدرالعريمه
22/09/2012, 10:54 PM
القلقه عب بنزين 95 وبتروح أو تخف ان شاء الله
mekshaat
23/09/2012, 01:34 AM
اللقلقه بنسبه كبيره سببها ترسبات بالبخاخات والحل
استخدم علبتين منظف بخاخات اس تي بي مع نصف
التانكي بنزين وعب بنزين 95 وان شاء الله تروح
واذا عندك حراره ومتأكد منها فيه مهندس سعودي
أتعامل معه شغله ممتاز في اكتشاف مشاكل الحراره
وحل المشكله.