ظروري تكفون ابي طريقه المقلوبه بالكاتم

[عاشق الخراره]

السلام عليكم

ظروري الله يخليكم ابي طريقه المقلوبه دجاج بالكاتم

الله لايحرمكم الاجر

[معاذ العلي]

اسمع طول الله عمرك .

تجيب قدرين .القدر الاول خله للرز . نجيه بعدين بالشرح .

القدر الثاني : قطع البصل والطماط وأحمسه لين يحمر وبعدين حط البطاطس والكوسه والخضرة اللي تبي
وحط الدجاج وضع البهارات اللي عندك على حسب طلبك واخوياك اللي معك . وبعدين ضع ماء بس لا تكثر علشان المقة تصير ثقيلة وتضبط المقلوبة . أغلق القدر لمده15 دقيقة . أثناء ما يطبخ القدر جب القدر اللي به الرز وضع الملح والزيت والماء على قدر الرز . وأسلق الرز ولاكن نص أستواء وليس كامل إستواء لأنك بتحطة بالقدر الضغط بعدين . أفتح قدر الضغط وشف إذا أستوا الدجاج والخضرة وصار المرق ثقيل .

جب الرز بعد ما صار نص أستواء يعني الرز يبي له 10 دقايق ويستوي هذا يعني معنى كلمة نص أستواء .

وحطه بالضغط وخله على نار هادئة جدا جد لمدة 10 دقايق . وبعدين أنكب الرز بالصحن .

[نواف بن محمد1]

طريقتي قدر عادي
كشنة حسب الذوق مع الدجاج او لحم ادعها حتى تستوي
البهارات والتوابل لك حسب الذوق

تقلي البطاطس الباذنجان جزر كوسة حسب الكمية او العدد
اوزع الخضار المقلية فوق الكشنة واللحمة الجاهزة
اتركها 10 دقائق بينما ياخذ الرز نصف استوا
بعدها اضع الرز على الخضار بالتساوي
تاخذ صحن صغير وتظغط على الرز خفيف حتي ترى ما الكشنة في جميع اجزاء القدر هذة الطريقة تساعد في القلب في الصحن كتلة واحدة
تتركة حسب مدة الاستواء للحم او الدجاج انت وحسك في الطبخ
ثم اذا استوا تجيب الصحن وتضع القدر مقلوب في الصحن وتحاول تتطلع القدر بينما تنزل الطبخة كتلة واحدة دائرية الشكل وهنا وصحة

[عاشق الخراره]

^

الله يحرم وجهك عن النار

شرح وااافي ماقصرت