إسـتـفـسـار بـخـصـوص( شـنـطـة الـعـزبـة )أرجـوا الافــاده والـدخـول لاهـنـتـوا ..

[الشقردي 205]

السلام عليكم ورحمة الله وبركاتة ..


صباحكم/ مساكم / الله بالخير ..


إخواني باذن الله ناوي اجمع عزبة كاملة عزبة طبخ وشاي وقهوه تجميع ..


لكن احترت بخصوص الشنطة انا ان شاء الله ناوي شنطتين وحده صغيره للشاي والقهوه ووحده كبيره للطبخ ..


رحت للرمايه بـ الحفر ولقيت عندهم عزبة كبيرة ومناسبة لكن سعرها 140 ريال ..


ورحت لـ كشته كذلك لقيت عندهم انواع كثيره والاسعار الصغيره 120 والكبيره 140 ريال ..


وانا ابي اجمع عزبه كامله وحريص على الجوده والسعر المناسب ..


رحت لـ محطه لقيت فيها شناط للعزب ولقيت الكبيره سعرها 60 ريال والصغيره 40 ريال ولكن انا متخوف من خامتها وخاف ماتعمر معي ..


وانا ابي شي ممتاز وجيد شنو تنصحوني ..


انتظر مشوراتكم وارائكم ..


بـ إنتظراكم لاهنتوا ..

[al-rmali]

وعليككم السلآم ورحمة الله وبركاته ,,
والله ياخوك ماني بـ ازود خبره منك ومن غيرك
لكن نبي نحرك الموضوع شوي هههه
الحقيقه اني مثلك مشغول بجمع العزبه وابي النوع الطيب والسعر المناسب
من ناحية عزبة القهوه انا اقترح عليك تشوف موضوع العضو سيف الظفير
ماشاء الله عزبه صغيره ومرتبه (لكن نوع الخامات والصناعات متوسطه)
يعني لو بغيت تستفيد من مقاساته والادوات المستخدمه وتحصل
منهن صناعات ممتازه
مثلاً تخلي نوع خامة العزبه تنزاني البريق كوري او غضار الدله بغداديه او الرسلان
و الى اخره ...

وننتظر ردود اهل الخبره عشان نطلع بافضل شي للجميع ..

[راعي الريده]

عليك بتنزاني المبطن قوي وسهل التنظيف

[جبل غرابة]

الشنطة خذها لوحدها
وجمع العدة من محلات ابو ريالين على كيف كيفك ..
أنا أفكر افصل شنطة خشبيه ..

[الشقردي 205]

لــــــــــــــــــــلرفع ..

[علي الشهري]

أخي العزيز اقترح عليك الآتي:
1- لا تشتري عزبة كاملة بمحتوياتها، اشتر الحقيبة فارغة ثم جمع أنت ما تحتاجه حسب رغباتك واحتياجك، وأنصحك بالعزب التي يكون قماشها (تايلندي) أمتن وأقوى من التنزاني وأعزل للماء، وهي موجودة عند برق الحيا وأظنها عند السنيدي بالرياض، ولها مقاسين أو ثلاثة.

2- جمع أغراض الحقيبة بحسب حاجتك أنت فعلياً وليس بحسب الموضة، فأعرف من الزملاء من اشترى عزبة فيها دلة ومعاميل قهوة، وتمر عليه السنة كاملة ما حرك فيها ساكن لأنه ليس من عشاق صنع القهوة ولا تناسب ظروفه لذلك، فقط هو يحتاج إلى عزبة شاهي.

3- عند تجميع الأغراض احرص على نظام أدوات البر (الاختصار + البلع) ومعناه أن تكون الأدوات صغيرة على حاجتك وتتسعها عزبتك، وبعض الأدوات تبلعها أداة ثانية، مثلاً إبريق الشاهي بداخله البيالات، وإبريق الحليب بداخله علبة الشاهي.... وهكذا

4- بالنسبة لعزبة الطبخ فاسأل نفسك كم مرة تطبخ في البر خلال العام؟
بعض الناس قد تكون مرة أو مرتين أو ثلاث أو أربع...
هذا النوع من الناس لا أنصحه بشراء عزبة، إنما يأخذ أدوات الطبخ من مطبخ بيته ويرجعها.
ولا يشتري العزبة إلا إذا كان فعلاً سيستفيد منها.

هذه بعض التوجيهات
وأسأل الله لك التوفيق

[ss511]

مثل ماقالو الاخوان اشتر الشنطه فارغه وانت حسب احتياجك اشتر باقي الاغراض من محلات الاواني المنزلية

[الامل بالله]

امس رحت الى اكثر من محل الي على مخرج ١٥ طبعا في الرياض،، دخلت حول اربع محلات وبصراحه افضل شنطة عزبه بالمحلات الي رحت شنطه برق الحياء الكبيره مره {١٣٥} ريال و في عدة مقاسات .

طبعا هذا من وجهة نظري ،،،،

انصحك تروح وتشوف بنفسك وان شاء الله يفيدونك اكثر باقي الاخوان

بالتوفيق

[سعــود]

اخوي انا بفيدك بفكره انا مجربه وكل من شافها سواها
رح محل السمك اللي يبيعون السمك واشتر منه الصندوق البلاستك اللي ييتم فيه نقل السمك بين المدن والمحافظات طبعا يبقى عند المسمكه واشتره بعشرة ريالات فقققققط وفصل له قماش عند محلات تفصيل الخيام وغيرها وفصل الجيبات والمخازن على كيفك لاتنسى انه خفيف الوزن مره وعملي ومايكلف عليك شي
ورح تدعيلي لانه افضل من الخشب والحديد والبتوفيق دعواتك بس

[مكتشف الهوات]

أنصحك بشنطة شفته عند المرباع ميزته تقدر تتحكم بسعة الشنطه حسب أغراضك

[ابورايف]

أخي العزيز اقترح عليك الآتي:

1- لا تشتري عزبة كاملة بمحتوياتها، اشتر الحقيبة فارغة ثم جمع أنت ما تحتاجه حسب رغباتك واحتياجك، وأنصحك بالعزب التي يكون قماشها (تايلندي) أمتن وأقوى من التنزاني وأعزل للماء، وهي موجودة عند برق الحيا وأظنها عند السنيدي بالرياض، ولها مقاسين أو ثلاثة.


2- جمع أغراض الحقيبة بحسب حاجتك أنت فعلياً وليس بحسب الموضة، فأعرف من الزملاء من اشترى عزبة فيها دلة ومعاميل قهوة، وتمر عليه السنة كاملة ما حرك فيها ساكن لأنه ليس من عشاق صنع القهوة ولا تناسب ظروفه لذلك، فقط هو يحتاج إلى عزبة شاهي.


3- عند تجميع الأغراض احرص على نظام أدوات البر (الاختصار + البلع) ومعناه أن تكون الأدوات صغيرة على حاجتك وتتسعها عزبتك، وبعض الأدوات تبلعها أداة ثانية، مثلاً إبريق الشاهي بداخله البيالات، وإبريق الحليب بداخله علبة الشاهي.... وهكذا


4- بالنسبة لعزبة الطبخ فاسأل نفسك كم مرة تطبخ في البر خلال العام؟
بعض الناس قد تكون مرة أو مرتين أو ثلاث أو أربع...
هذا النوع من الناس لا أنصحه بشراء عزبة، إنما يأخذ أدوات الطبخ من مطبخ بيته ويرجعها.
ولا يشتري العزبة إلا إذا كان فعلاً سيستفيد منها.


هذه بعض التوجيهات

وأسأل الله لك التوفيق


أبوأحمد ماقصر

وما ذكره %

تقبل مني كل تحيه عطره

[عاشق نجد]

مثل ما قال أخوي التنهات . خذ الشناط لحالها وعبها بالمواد اللي تحتاجها من محلات الأواني المنزلية .

شنطة العزبة ممكن تكون الحجم المتوسط أو أكبر من المتوسط قليلاً لكن أبعد عن الكبيرة لأنها ثقيلة وتتعب .

بالنسبة لشنطة القهوة ، فيه عند السنيدي أكثر من نوع ، ومناسبة للطلعات اليومية الخفيفة .

[النوبل]

مثل ماتفضلو الأخوان وخاصه الأخ التنهات


الأختصار والبلع


يعني تضع بعض الأغراض داخل الأواني


عند السنيدي شنط عزب تمكنك بواسطة السحابات
زيادة حجم الشنطه


واضيف على كلام الأخوان


بعد شراء الشنطه توجه لمطبخ البيت وخذ منه الي مايبونه وتحتاجه انت


تجد بعض المستلزمات في المطبخ ومستغنين عنها


والباقي كمله من السوق

[ابوريان القحطاني]

أخي العزيز اقترح عليك الآتي:

1- لا تشتري عزبة كاملة بمحتوياتها، اشتر الحقيبة فارغة ثم جمع أنت ما تحتاجه حسب رغباتك واحتياجك، وأنصحك بالعزب التي يكون قماشها (تايلندي) أمتن وأقوى من التنزاني وأعزل للماء، وهي موجودة عند برق الحيا وأظنها عند السنيدي بالرياض، ولها مقاسين أو ثلاثة.


2- جمع أغراض الحقيبة بحسب حاجتك أنت فعلياً وليس بحسب الموضة، فأعرف من الزملاء من اشترى عزبة فيها دلة ومعاميل قهوة، وتمر عليه السنة كاملة ما حرك فيها ساكن لأنه ليس من عشاق صنع القهوة ولا تناسب ظروفه لذلك، فقط هو يحتاج إلى عزبة شاهي.


3- عند تجميع الأغراض احرص على نظام أدوات البر (الاختصار + البلع) ومعناه أن تكون الأدوات صغيرة على حاجتك وتتسعها عزبتك، وبعض الأدوات تبلعها أداة ثانية، مثلاً إبريق الشاهي بداخله البيالات، وإبريق الحليب بداخله علبة الشاهي.... وهكذا


4- بالنسبة لعزبة الطبخ فاسأل نفسك كم مرة تطبخ في البر خلال العام؟
بعض الناس قد تكون مرة أو مرتين أو ثلاث أو أربع...
هذا النوع من الناس لا أنصحه بشراء عزبة، إنما يأخذ أدوات الطبخ من مطبخ بيته ويرجعها.
ولا يشتري العزبة إلا إذا كان فعلاً سيستفيد منها.


هذه بعض التوجيهات

وأسأل الله لك التوفيق



كلامك ممتاز 100%

5/ لا تكبر شنطة العزبه خلها شنطتين واحده للشاهي والقهوه والثانيه للطبخ وحاول تكون صغيره وجحمه مناسبه تاخذ مكان في السياره وتريحك في الشيل والحط احرص على وضع
القهوه والهيل في علب قزاز او ستيل احرص على معرفة عدد الاشخاص اللي تحتاج له
لا تاخذ اكثر من حاجتك بيسهل عليك الغسيل والترتيب وتكون مرتاح


لاتنسى تعزمنا على العزبه الجديده ههههههه

[هبوب الشمااال]

كل المحلات بالرس تفصل العزبه على مزاااااجك ..
اذا صرت تبي قماش تنزاني موجود واذا تبي صيني موجود وكل الالوان ..
وعندك الاغراض تاخذها من مزاجك .. والله يفوقك ياخوي ..
وبالخصوص اسامي المحلات عندك .. الخيمه وروعة الصحراء و الصحرااء و مكشات والمقناص ..
ان شاء الله اني قد افدتك ..