حسبي الله ونعم الوكيل

[kharshoum]

بسم الله الرحمن الرحيم

والله إني ماكتبت الموضوع هذا بهالعنوان إلا من غبنتي وحرتي واللي ماراح يحس فيها إلا من له طراد أو حلال عالبحر دق علي خوي يوم الجمعه الماضيه الصباح يقولي الحق تعال عالبحر بسرعه طبعا في المزروعيه بالدمام وأروح أحصل الطراد مفكوك الحبل حقه وفي نص البحر مدري وش إستفاد من فك حبل الرباط !!! وبعدها بيومين الطراد الي جنبي مفكوك وطبع من تحت عالصخور وبعدها واحد قاطع الواير حق التيدر حق السحب وبعدها واحد مكسر البيبات الي على جوانب التيدر ومنسم كفراته !!!
ما قول غير حسبي الله ونعم الوكيل في الي مايراعون الله في حلال غيرهم وأذيه خلق الله وهو لو حلالهم ماخلوك تمر من عنده أصلا !! أي تربيه وأي أخلاق تسمحلك تخرب حلال غيرك ولا هي غيره ولا هي حقد ليش مانحافظ على حلال غيرنا وعلى أملاك الدوله مثل مانحافظ على حلالنا ليش نستبيح حلال الناس ونخربه والله اني مقهور ومنغبن الله لا يبيحهم حسبي الله ونعم الوكيل :mad::mad::mad::mad::mad::mad::mad::mad::mad::mad: :mad:.

[abo-Hisham]

...
أرحب يالله حيّه ..

طول باللك ياخوك وهدّي نفسك والحمدلله على قضاء الله وقدره وعساها أكبر المصايب
الحمدلله دامك طيب وأهلك طيبين هذي نعمه من الله

أدري والله إنها توجع وتقهر لكن اللي صار صار ما ينفع لا الزعل ولا القهر ..

يكفيك قول اللهم أجرني في مصيبتي وأخلفني خيراً منها وقول حسبي اللي ونعم الوكيل

أما الفاعل فعليه من الله ما يستحق ...

[ربان الخليج]

الله يعينكم اخوي على هالبلاوي من زمان وانااسمع بهالمشاكل والسبب بعد الطرادات عن سلاح الحدود وكثرة المتنزهين حولها بس لا تخاف بكرا راح يجيكم مستثمر ويستأجر الموقع من الدولة ويرتب المرسى والله يعينكم على نار الايجار

[عاشق البحرE]

مساك الله بالخير أخوي kharshoum ...

أنا صاحب طراد و أحس باللي تحس فيه .. خلني اقولك أنا من اهل الدمام بس طرادي موقفه في الجبيل الصناعيه .. و لي 3 سنوات و حمد الله ما مره نقص مني شيئ او حصل لي تخريب في الطراد .. و الشبب تكاتف شباب الجبيل الله يجزاهم خير .. و لا افكر نهائي اجيب طرادي في الدمام .. و اقترح عليك تجيب طرادك في الجبيل وفره في الصيد و أمان و ناس يحبهم قلبك .. حتى حرس الحدود تعاملهم افضل من الدمام .. نزلت مع شباب في الدمام اكثر من مره و كرهت روحي من سلاح الحدود ..

و اللحين رحنا الى فرضه الفناتير مواقف و مزلق و أمور طيبه ..


الله يعينك .. و حمد الله على انها جات على فك حبل ,,, اللي اسمعه انهم يسرقون القيور و المكاين ..

طيب ليش ما تشيل طرادك و توديه عند البيت اتوقع انك تنزل في الأسبوع مره افضل لك و أفضل عشان ما يلصق النو و كل شهرين تنظيف ..

[kharshoum]

الله يحييك اخوي ابوهشام وربان الخليج والله اني صابر وماعندي أي مشكله حتى لو راح الطراد كله أنا راضي بقضاء الله ماقول غير الحمد لله على كل شي أنا أتكلم عن الأوادم الي يخربون حلال الناس عالفاضي أو الأهل يجلسون يتقهوون وياكلون ويخلون عيالهم يحوسون في حلال الناس ولا يردوهم ويشهد ربي ان الطراد أستودعه الله وراضي بأي شي يجيه ربي رزقني بهالطراد ويرزقني غيره والحمد لله على كل شي بس فيني قهر من الناس مو من الخساير وبالنسبه للمستثمر انا رحت لحرس الحدود وقلتلهم وفرولنا البنزين والمويه والي يبغى يحاسب حتي لو زياده والمبلغ الي يزيد اصرفوه على تنظيف الشاطي أو العنايه فيه أو سوو فيها خدمات لأصحاب الطرادات مثل عمال نظافه للطرادات وماكينه ثلج كذا يعني صحيح الدوله مو مقصره وكثر خيرها الشاطي نظيف وكل شي ويشرف بس هذي طلبات خاصه بأصحاب الطرادات والصيادين لكنهم قالولي مانقدر الله يعين نشيل في دبات مويه وبنزين رايح جاي

[kharshoum]

والله كان عند البيت بس مشكله سيارتي ما أقدر أسحبه فيها لازم أدق على خوي ينزله ويسحبه لي وكثر خيره ما ابغى اكلف عليه سمعت بمواضيع السرقه بس مثل ماقلت استودعه الله والله ان الطراد ماجاه شي والحمد لله وحرس الحدود اشوفهم دوريات تروح وتجي ومدري الي يخربون هذول متى يطلعون ودي امسك واحد فيهم بس:hot::hot::hot::hot::hot:

[خادم الإسلام]

لا حول و لاقوة الا بالله ... شف وانا اخوك لا تروح الا وانت تقول :
1- اللهم اللهم استودعتك قاربي .
2 - قل على من عمل هذا بك اللهم اكفنيه بما شئت .

وأخيراً لاتبشر ظالم بخير

[سكن حبك سكن]

الله يعوضك خير وفي البعيد لا فيك, قدر الله وماشاء فعل.

انصحك في الجبيل.

موفق.

[bo.nasser]

لاتبشر ظالم بخير

بصراحه احنا اصحاب القوارب احترنا بين نارين

نار السورقين والمخربين
وبين نار سحب الطراد من مكانه للمرسى

انا البارح عزمت على نزلت البحر واتصلت على 994 اسال عن حالة البحر والرياح
قال ماعندك اي مشكله تقدر تنزل الطراد
وجيتك وسحبت الطراد من المزرعه بالاحساء الى العقير 120 كيلو رايح
وصلنا سلام عليكم ودنا ننزل الطراد البحر
قال ممنوع و مستحيل
سرعة الرياح عاليه
والله الى يشوف الجو يقول يقول غير الى يسمعه
لدرجة ان قريب المرسى شباب جالسين يشيون ولو انا سرعة الرياح عاليه كان مجلسو مكانهم
ورجعنا مكان ماجينا 120 كيلو ثانيه بدون نزله

ضليت الى الان وانا منغبن ومقهور

يليت عند المرسى لو شبك لحمايت الطرادات وهذه ماراح يكلف شي
على الاقل بلا زحمة وتعب سحب الطراد

ويليت المنتدى والقائمين بيه يتفضلو علينا ويساعدونا
في جميع المراسي

[accentkool]

عيب والله عليهم تدمير حلال الغير هالناس ماتستحي على وجوهم
ولو لحالة اكلك لو تحرك شي فية لكن حلال الناس خرب فية بس

[سكن حبك سكن]

لاتبشر ظالم بخير

بصراحه احنا اصحاب القوارب احترنا بين نارين

نار السورقين والمخربين
وبين نار سحب الطراد من مكانه للمرسى

انا البارح عزمت على نزلت البحر واتصلت على 994 اسال عن حالة البحر والرياح
قال ماعندك اي مشكله تقدر تنزل الطراد
وجيتك وسحبت الطراد من المزرعه بالاحساء الى العقير 120 كيلو رايح
وصلنا سلام عليكم ودنا ننزل الطراد البحر
قال ممنوع و مستحيل
سرعة الرياح عاليه
والله الى يشوف الجو يقول يقول غير الى يسمعه
لدرجة ان قريب المرسى شباب جالسين يشيون ولو انا سرعة الرياح عاليه كان مجلسو مكانهم
ورجعنا مكان ماجينا 120 كيلو ثانيه بدون نزله

ضليت الى الان وانا منغبن ومقهور

يليت عند المرسى لو شبك لحمايت الطرادات وهذه ماراح يكلف شي
على الاقل بلا زحمة وتعب سحب الطراد

ويليت المنتدى والقائمين بيه يتفضلو علينا ويساعدونا
في جميع المراسي

الله يعوضك خير في مشوارك.

حط في بالك ان كل شي فيه خيرة.

موفق.

[مراسل2008]

اخوي عاشق البحر

انصحك تجي تنزل يوم من فرضة القطيف علشان تكره البحر مره وحده هههههه

صدقني انا فكرت ابيع الطراد من تعامل سلاح الحدود بفرضة القطيف

ومع العلم ان بعض اصحابي يروحون فرضة المزروعية الدمام لأن تعاملهم أفضل بألف مره من فرضة القطيف

[baracuda]

اعوذ بالله
الله يقويك ويصبرك والحمد لله انك بخير