رايكم بالجرو وفزعه لانه مريض

[ال معلى]

السلام عليكم

جاني جرو من واحد من العيال لكن البارح من اول ماجاء الاستراحه

مايتحرك شوي الا قام واستفرغ وقام يدور بالاستراحه حاولت اعطيه
دجاجه مشويه ما اكلها

وكان خويي يعشي اللبوه حقته دجاج ني ماطبخ وراح له الجرو وقام

ياكل من الدجاج الني وش الحل ياعيال والجرو نحيف مره

حطيت له حليب وماء هذي صورته عمره تقريبا شهرين

هذا رابط الصوره الي يعرف ينزله

http://im24.gulfup.com/Ybjw01.jpg

[هاوي بندق]

ماشالله تبارك الله
اخوي رح لقرب بيطري
وهو راح يفيدك اكثر منا
لاكن زين انه الله يكرمكم (استفرغت)
طلعت الي ببطنه

[ال معلى]

تسلم على المرور جزاك الله خير

هذا الي بيصيرررررر اليوم بروح

ان شاء الله

[بدوي.]

شكل راعيه الاول معوده على لحم ني ؟
وده البيطري زي ما قال اخوي هاوي "
بيدقه ابره بس نصيحه لاياكل ني .
لانه لو اكل ني ماهو جايب لك شي بيصيده "

وتقبل مروري .

[رفيق الأمل]

وعليكم السلام

أولاً ماشاء الله تبارك الله الجرو حلو ان شاء الله تاكل من صيده
ثانياً من الافضل عدم الانتظار لتأخذ الاراء من الاعضاء بل عليك باقرب بيطري لأن هذا جرو صغير لا يتحمل الامراض بأنواعها والبيطري ماراح ياخذ وقت من الوقت الا 5 دقائق وفاهم له ويعطيك العلاج اللازم وبعدها عودة على ا لاكل بين المطبوخ والني يعني مرة بعد مرة لين تنسيه الاكل الني وعلي بالاكثار له بشرب الحليب ممزوج بالتمر خفيف بداية لمدة ا سبوع وان شاء الله يكون بأفضل حال

[ال معلى]

شاكر لكم المرور

ويعطيكم الف عافيه

رحت لبيطري متخصص في الملز

وقال فيه حراره واصله الاربعين

وعطاه ابره وعطاه ابر غذايه وقال

ثلاث ايام وراء بعض لازم تمر علي

واليوم وبكره بمره وبشوف وش يصير

[عاشق الشماليه]

ماشاء الله

[جسار الخيل]

ماشاء الله تبارگ الرحمن الله يكون في عونگ كم عمر الجرو.

[ال معلى]

الجرو عمره شهرين

واليوم الصبح لقيته ميت

الله يعين

[خبايا انسان]

لا حول ولا قوة الا بالله ,, معوض خير ياخوي

[عيون الذيب1]

الله يخلف ويعوضك بطيب منه

[ال معلى]

لاهنتو يالربع والله يكفي سلقكم شر الامراض

[ثمان طعش]

الله يعوض بطيب منه وياليت عندي جراوه والله لعطيك والله ان السلق اذا ماتت ولا ضاعة لها فقده :( ان شاء الله تلقى الي يعوضك بعد الله سبحانه

[ال معلى]

لاهنتو جعل والديكم بالجنه ومشكورين

[هوينا وبتلينا]

الله يخلف ويعوضك بطيب منه

[ابرق الحرار]

الله يعوضك اطيب منه

[ال معلى]

الله لايهينكم على المرور وجزاكم الله خير

[أبو معاذ 2006]

الله يعين ويستر عليه

[الشاعر22]

أتمنى لك التوفيق والسداد

[الخالدي..]

يا راعي الجرو ياليت تراجع الخاص عندك بأسرع وقت

[طيري غرام]

والله شي هالجرو والله زين