أشتراك للسيارة على الطاقة الشمسية !!!!!!

[المري]

السلام عليكم


اخواني الاعزاء حبيت اطرح عليك طريقة كيف تشرك سيارتك اذا فضى البتري حقها في البر؟؟


ولا يوجد معك احد من الزملاء ,

الحل :

أشتراك على الطاقة الشمسية وذلك تقوم بوضعه في ولاعة السجائر ثم تضعه الصفيحة الشمسية بأتجاه


الشمس وتراقب الامبير الذي يوجد في الاشتراك حتى اذا وصل الى نقطة معينه تعرف ان بطارية

سيارتك مشحونه..

صورة الأشتراك:

http://www.mekshat.com/pix/upload/images18/mk1168_30.jpg



http://www.mekshat.com/pix/upload/images18/mk1168_40.jpg



وسلامتكم

اخوكم - المري

[ولد وايل]

السلام عليكم


وين احصل هــــــــــــــذ وكم السعر وهل هي مجربه

[المري]

مرحبا اخوي ولد وايل

سعر الواحد 82 ريال بس مع الشحن الى السعودية يصل الى 150 ريال


اما بخصوص التجربة فسوف اجربها بعد ثلاثة ايام وسوف اعطيكم الخبر الصحيح..

وسلامتك

اخوك - المري

[الرهدن]

السلام عليكم / أخي المري00

نحن بانتظارك ولاتنسى تذكر لنا بالتفصيل كل شئ عنه00

وجزاك الله خيرآ00


*

[باترول 4×4]

وأنت سالم يالمري ، الله يعافيك
ونحن في انتظارك .

[قصرصالح البديوي]

وأنت سالم يالمري ، الله يعافيك
والله ولي التوفيق

ونـــــحن في انتــــــــــــــــــظارك .

[ابو درع]

نـــــحن في انتــــــــــــــــــظارك


احجزلي معك وحده اكن لك شاكر ... والسعر ماعندك مشكله ..

[مخاوي الأحزان]

يعطيك العافيه اخوي المري على ماقدمت والله هالإختراع هذا بشاره

ولكن يوجد لدي إستفسار هل هذا الإشتراك عملي وكم قيمته $$$$ ؟
وهل نزل عندنا بالسعودية وتم تداوله بالمحلات التجاريه !!
ياليت لو تفيدنا اخوي المري لأن صراحة هالإشتراك هذا مايتفوت وضروري لراعي المكشات والبر

إنتظر منك الجوااب اخوي المري ؟؟


اخوك
مخاوي الأحزان

[مسافر1]

حقيقة يغري ..
ولكن صغر حجمه يدل على ضعف شحنه ..
نتمنى أن تعطينا الخبر الأكيد ..
بارك الله فيك ..

[المري]

تسلمون على الرد ...

وأبشروا اذا شيكت عليه عطيتكم خبر ..

الأسبوع اللي فات شريت الأشتراك اللي من الولاعة الى الولاعة وخليت نور السفاري شغال ويوم جاء العصر ودقيت سلف

اذا هو من صيد امس ركبت الاشتراك في ولاعة سيارة الوالد والطرف الثاني في ولاعة السفاري ويوم دقيت سلف احترق راس الأشتراك

اللي مركب في ولاعة السفاري وقمت وتليت الواير وحذفته للأبد..

http://www.mekshat.com/pix/upload/images18/mk1168_444.jpg

وهذا سوف اعمل له نفس الطريقة وأعطيكم الخبر الأكيد..

اخوكم / المري

[غالي]

شيء حلو والله كانه نفع
بس ياليتك تجرب وانا اخوك مدى الشحن فيه
يعني هل الجهاز يحفظ بداخله الطاقه لكي تستخدمه في الظلام؟
وكم مدة الحفظ فيه
لكي يتم استخدامه بالليل
انشاء الله فهمت قصدي
واشكرك

[المري]

قصدك طال عمرك هل فيه بطاريات اعادة الشحن.؟؟على ماأعتقد ان مافيه ...

وسلامتك

[عوج]

يوجد عند السنيدي شاحن بالطاقة الشمسيه نفس الي في الصورة الي في أول مشاركة بسعر 48 ريال

[المري]

بيض الله وجهك ياعوج

يوم انك فكيتنا في الخسارة . انا طلبت 3 طلع علي الواحد 166 ريال !!!

وسوف استلمه بكره ونجربها اذا هو زين خلاص عند السنيدي اقرب من الخارج وارخص بكثير جدا..

تسلم يااخ عوج وماقصرت وبكره اعطيكم النتيجه هل هو علمي ام .... ؟

وسلامتكم

اخوكم / المري

[شـهـاب]

شفته عند السنيدي



وبشرنا هو زين او لا نبي نشتريه والله يفيد


الشتا الي فات طلعت لم عشر سياره وحده انا وثلاثه وطفة البطارية

ومامعي اشتراك


والله نمشي على رجلينا لمين لقينا قيله واشركو لنا جزاهم الله خير

[المري]

السلام عليكم
لقد تم استلام الاشتراك وسوف اجربه بكره الصباح واعطيكم خبر


اخوكم - المري

[غالي]

نستناك اخوي المري بفارق الصبر :)
وان كانت نتائجه زينه فا ياويل اهل القصيم الي بيجي للرياض عز الله بنوصيه يجيب لنا من السنيدي :(

[صقر]

شكرا يالمري على هذه المشاركة

وبالفعل انا شاهدت هذا الجهاز عند السنيدي وسعرة على ما اعتقد بـ 45 ريال

بس ما جربته ولازم تقول لنا يابو معيض كيف التجربة معك.

بارك الله فيك.

[المري]

مرحبا بالاخوان جميعا..

وعسى الله مايخسر على مسلم!!!

جربت الجهاز على وارد عراوي عند واحد من العيال ماتشتغل الا بشتراك..

جيتها هذا الصباح وركبت واير الاشتراك الشمسية في الولاعة والطرف الثاني الالواح الشمسية في الشمس..

وخليته ساعتين في القايلة .. وانتظر وانتظر وشغل ولكن مافيه فايدة !!!!!!!!!!!!!!!!!!!!!!!!!!

ولكن الكاتلوج يقول خله من الصباح الى المساء !!!!!!!!!!!!!

يعنى انقع بها 12 ساعة وانت واقف الين يأتي الليل وماأدري تشتغل ولا لا..

المهم هذا الاشتراك غير ناجح وغير فعال ..

وسلامتكم

اخوكم المري

[راع الحبارى]

الله يخلف علينا اجل مايصلح

[المري]

ان شا ء لله نعيضكم في هذا الأشتراك وذلك بأشتراك تستطيع ان تشغل سيارتك خلال 5 دقايق !!!!!!!!!!!!!!

http://www.mekshat.com/pix/upload/images18/mk1168_starter.jpg



والنوع الاخر:

http://www.mekshat.com/pix/upload/images18/mk1168_1234.jpg


وسلامتكم

المري

[غالي]

افا ياذا العلم :(
الله يعوض عليك من مال وصبر
وجزاك عنا بالجنه ووالديك
ــــــــــــــــــــ
ابسألك اخوي المري ماشاء الله عليك شكلك مجتهد بالاشتراكات والبطاريات :)
لو شريت بطاريه وخليتها بسيارتي بدون مااشبكها بالسياره
وخليتها للطلعات اشبك عليها لمبة الكشته
كم تتوقع تكفي من ساعه؟
واذا فضت تتعبأ؟؟؟
يعني تنشحن
واذا كانت بطاريه صغيره هل لو لاقدر الله احتاجها لأشتراك لاندكروزر تقومه؟
لو تكرمت اذا كنت تعرف الجواب رد علي لاهنت لو بشيء منهم
وشاكر ومقدر لك تسلم :)

[الضاري]

الله يعوضك إن شاء الله بشي افضل منه

مشكور على التجربه والله يعطيك العافية

[ابو عادل1]

اخوي المري
بيض الله وجهك وسدد على دروب الخير والحق خطاك
هل من الممكن شوية تفاصيل عن هاالشاحناتمن حيث وين توجد وكم سعرها ومدى كفاءتها...
صحيح كثرنا عليك لكنه عشم وتسلم يالمري

[المري]

مرحبا اخوي غالي..

والله ماعندي خبر عن بتاري السيارات بس اللي اعرف ان فيه بتاري مثل بتاري السيارات تعاد الشحن هذا اللي تصلح لك.

***
مرحبا ابو ضاري وحيال الله وشكرا على المرور

***

الاخ ابو عادل


هذا الأشتراكات طلبت منها أمس وسوف أنتظرها الى ان تأتي وبعدها سوف اقوم بالتجربة واعطيكم اخبارها..

بخصوص اسعارها هي رخيصه بس مايقطع قلبك الا الشحن لان الشحن اغلى من سعرها ..

سعرها بدون شحن 80 ريال..

وسلامتك

اخوكم / المري

[غالي]

شكرا لك اخوي المري كفيت ووفيت طال عمرك :)

[راعي الكار]

الاشتراك اللي على الطاقة الشمسية غير عملي لأن

أغلب ما تفضي علينا البطاريات بالليل يوكن الواحد مركب المحول ومشغل النور أو مشغل النور مباشرة على البطاريه

أما بالنهار فالواحد نادراً ما تفضى عليه البطاريه لأن مافيه داعي لاستخدام النور الا اذا كان الواحد معه ثلاجه

لكن نبي الرد عن تجربة الشاحن الثاني الله يجزاكم خير

[منتعش]

أخوي الغالي : المري
تعبنا ونحن نقراء التجارب
إذا تجربت شي وكان Ok
عطنا خبر واحجز لنا
والله يحفظك ويرعاك

[المري]

مرحبا راعي الكار

كلامك صحيح مايسحب البتري الا اللمبات في الليل ..

***

شكرا لمروك ياغالي

**

منتعش

جعلك دايم وانت منتعش

ماوراك شي اقراء واستفيد من التجارب ..

اخوكم / المري

[غالي]

اخوي المري
اليوم كنت عند محلين للطاقه الشمسيه اسأل عن هالاشياء لكن ماعندهم الي يشحن البطاريه
وش رايك نشتري ونخترع شاحن للبطاريه @@
قل تم
بس بنجربه في سيارتك :)

[المري]

مرحبا يااخ ياغالي وحياك الله .. والله زين لو نكون شركة نحط اسمها ((( غالي والمري للطاقة الشمسية))

وعلى فكره عاده بيجي وقت بيصير الطاقة الشمسية اغلى من الكهرباء (( توقعات )) لاأحد يأخذ جد...

اخي من الأشياء التي امتلكها واستعملها بأستمرار , الاتي:

1- شاحن للجوال 4 وات :

http://www.mekshat.com/pix/upload/images18/mk1168_1111.jpg


2- شاحن للجوال على الطاقة الشمسية 2 وات:

http://www.mekshat.com/pix/upload/images18/mk1168_222222.jpg



ايضا هذا الشاحن بس للاسف فاشل.:

http://www.mekshat.com/pix/upload/images18/mk1168_77777.jpg

3- كشاف على الطاقة الشمسية :

http://images.rei.com/media/813001.jpg

6- شنطة لتوليد الكهرباء على الطاقة الشمسية:

http://www.mekshat.com/pix/upload/images18/mk1168_44444.jpg

http://www.mekshat.com/pix/upload/images18/mk1168_9999.jpg



عندي اشياء كثيره على الطاقة الشمسية بس اعجزت وانا انزل هالصور

في امان الله

اخوكم / المري

[غالي]

ماشاء الله عليك اخوي المري عيني عليك بارده
ترا ارسلت لك رد على الخاص
علمني وصلك او لا
اخوك/ غالي^الأثمان

[ذيب النجيل]

السلام عليكم ورحمة الله وبركاتة
ياخوي يالمري ودي تعطينا معلومات عن (( شنطة توليد الكهرباء على الطاقة الشمسية )) عن الفولت هل هو 220 او 110 وعن سعره ومكان البيع وهل هو عملي ولك جزيل الشكر .

[المري]

مرحبا اخوي dasah

بخصوص الشنطة الاولى انت تطلب الكهرب 110 او 220 وفيه زر يحول لك AC الى DC

أما الشنطة الثانية وهي DC وتحوله الى كهرب 110 او 220 بواسطة المحل الصغير اللي يركب في ولاعة السيارة..

وهي عملية ولكن البتاري مع كثر الأستعمال الظاهر انها تضعف وهذا مالحظته بعد اسعمالها لها بكثره.

وبخصوص الشنطة الاولى ليست موجوده في السعودية اما الشنطة الثانيه موجودة لدى وكيلها في جده..

وسلامتك

اخوكم / المري

[متوكل]

السلام عليكم ورحمة الله وبركاته اخوي المري اولا جزاك الله خير ثانيا انا عندي استراحه وماعندي كهرب والماطور ذبحني بالديزل هل هناك حل بالطاقه الشمسيه وهل هو اقتصادي وياليت توصف لي محل الوكيل بجده ولك مني جزيل الشكر

[المري]

مرحبا اخوي متوكل وهذي ابرك الساعات يوم انك شرفت موضوعنا.

أبشر بالحل يالغالي.. بخصوص الانارة والتلفزيون موجود حلها بالطاقة الشمسية بس المكيفات هذه مشكلة لانها قوية اشوي

يعنى الطاقة الشمسية تشغل لك حوالي عشر لمبات مع تلفزيون 20 بوصه ورسيفر هذا ماهي مشكله بس المشكله المكيفات ..

اكثر الجماعة مركبين الان الطاقة الشمسية وعلى غرف عندهم في البر ((غرف متحركة)) وسألت كم واحد منهم قالو شا رينها من الرياض

واللي قال شاريها من الأمارات .. اذا بغيت اسال لك تراني حاااضر وممنون. والتكلفة حوالي 3000 ريال !!! يابلاش

اخوك / المري

[متوكل]

اخوي المري السلام عليكم شكرا على الرد واسف للتاخير واتمنى انك تفيدني عن الوكيل في الغربيه لانه اقرب لي وشكرا يلغالي

[المري]

كلم هذا الرقم في جده 0564185431

[متوكل]

الف الف شكر يا مري كلمتهم ولقيت الشي الي ادوره ( ولااقول الا جزاك الله خير)

[الميكانيكي]

جزاك الله خير

[عمر إبراهيم]

السلام عليكم أخي المري


بارك الله فيك حبيت تساعدني في معلومات الشنطة الأولى من فضلك
مكان الشراء في الإمارات؟ ، دبي على وجه التحديد، القوة؟ ، عدد ساعات العمل؟


وجزاك الله خير

[برعوص]

وإذا كان الانسان بالليل وش يشحن به حجي

[بن فيصل]

اخوي المري شكرا على الموضوع
ونحتري شاحن البطاريه الثاني وتجربتك معه

[المري]

مرحبا بالاخوان جميعا

اخ غاالي ترى رسالتك ماوصلت..

الاخ اللي في الامارات عنوان اهل الشنطة في دبي وتلفونهم عندي بس عطنى فرصة ورد عليك

هلا بو فيصل تجربتي الثانية كانت فاشلة وفاشلة جدا..

جربته مريتين وقد كانت فاااااااااااااشلة جدا
التجربة الثانيه كانت قبل اربع ايام..

ولا ضبط معي اللي شنطة الاشتراك اللي تشحنها على البيت واذا فضى البتري تطلع الاشتراك ودق زر التشغيل وعلى طول

وسلامتكم

اخوكم / المري