ساهر موجود .. لكن في الموقف هذا تقطع الإشارة او لا ؟؟

[ملقاط بن جمر]

السلام عليكم ورحمة الله ..

صار قصة أمامي وأبي آخذ رأيكم لو تكرمتوا ..

الموضوع بإختصار .. كنت واقف عند إشارة فيها كاميرات ساهر وأثناء الوقوف جاء اسعاف مشغل الونان ولا رفع يده عن البوري يبي الناس تفتح له .. الجميع فتح له المجال إلا أول واحد واقف عند الإشارة . الرجال طلع يده من القزاز ويأشر على كاميرا ساهر .. وكأنه يقول والله ما أقطعها أبدا .. الأسعاف أكيد فيه مصاب مريض .؟؟

بعدها سألت نفسي وأسألكم .. لو كنت مكان راعي السيارة اللي ما فتح الطريق للإسعاف

هل كنت ستقطع الإشارة وتفتح المجال للإسعاف وتساعد في انقاذ مصاب وتاخذ مخالفة ؟
هل ستنتظر حتى تفتح الإشارة بحجة عدم وجود نظام يساعدك في وقت الطواري في حال قطع الإشارة ؟؟

وسلامتكم

[مهجول اهلاوي]

وعليكم السلام
بالنسبه لي انا راح اقطع الاشاره

وتقدر تعترض على المخالفه عند المرور

[مطنوخ قطر]

وعليك السلام والرحمه, عندها مثل هالحاله عالجوها بحيث ان الوقت اللي يمر فيه الاسعاف ويقطعون الناس الاشاره ماتتم مخالفتهم,لان الاسعاف اول مايوصل الى طواري المستشفى يرسل للمرور الوقت اللي عدى فيه, وبهالحاله المرور من عنده يكنسل مخالفة قاطع الاشاره,ولو حصل خطأ وجات المخالفه للسايق يروح للمرور ويذكرهم بمرور الاسعاف في الوقت اللي قطع فيه الاشاره,لان مرور الاسعاف على الاشارة موجود في السستم حق المرور......اعني اقطعها وانت مرتاح

[الساهر1]

ههههههههههههههه والله غير تاخذ قسيمة وقابلني اذا لقيت من يقبل اعتراضك بالعكس يطلع لك بالف شغله عشان يرفع لك اعتراض

[Daym]

لن اقطع الاشارة ابد
وساهر مايعرف اسعاف ولاغيره

[التعـ King ـديل]

وعليك السلام والرحمه, عندها مثل هالحاله عالجوها بحيث ان الوقت اللي يمر فيه الاسعاف ويقطعون الناس الاشاره ماتتم مخالفتهم,لان الاسعاف اول مايوصل الى طواري المستشفى يرسل للمرور الوقت اللي عدى فيه, وبهالحاله المرور من عنده يكنسل مخالفة قاطع الاشاره,ولو حصل خطأ وجات المخالفه للسايق يروح للمرور ويذكرهم بمرور الاسعاف في الوقت اللي قطع فيه الاشاره,لان مرور الاسعاف على الاشارة موجود في السستم حق المرور......اعني اقطعها وانت مرتاح


اوافقك الرأي :good2:

[YZNQAZ]

المشكلة أن المرور يجبرك على السداد حتى لو تعترض الا لو كنت مستثنى كأمير او وزير
انت تواجه قطّاع طرق ولصوص بطريقة رسمية

[صباح القايله]

اتكلام عن نفسي الحمدلله مستطيع افتح الخط وسدد المخالفه الشكوى لله
لكن فيه ناس غير مستطيعه ولو قطعها كم يبيله على شان يعترض ومشاوير وغرابيل اختصر الوقت والجهد وصبر على متفتح الاشاره

[الشهابة]

الله لا يحدنا على مثل هذا .. و لكن بصراحه و الحق يقال و الله ما اقطعها !!؟؟

[تمنيتك لي]

والله أقطعهآ ومآعلي من سسسسآهر

يمكن أنقذلي وآحد بيموت وكذآ

وآعتبرهآ صدقة هآلمخآلفة

[Salamah.y]

فيه ناس عرضوآ نفسهم للهلآك المحقق في سبيل إنقآذ روح إنسآن
فمآ بآلك بـ مخآلفة , لن يجبرك احد على سدآدها بوقت معين
خلنآ نقول مخالفة 5000 ريآل + توقيف 3 أيام + حجز السيآرة ~

روح الآدمي اغلى من هالعقوبة
و مهمآ كاانت الظروف صعبة , إذا قطعت الإشآرة لوجه الله
صدقني ربك مآ يضيع , و الا ما يفرجهآ عليك , من حيث لآ تحتسب

,

و للأسف الانظمة عندنا فيها قصور كبير إذا كان الامر يتعلق بحق المواطن
بعكس دقتها العجيبة في رصد المخالفات "المادية" على الموآطن !!

[abu danh]

والله ياخوي واقعنا فرض علينا هذا الشي

نزلت لي مخالفه بـ 900 ريال بالغلط وقعدت اراجع وترمطت 3 اشهر عشان يشيلونها

لذلك لو وراي 1000 اسعاف وكلهم حالتهم خطيره ما احرك موتري حتى تفتح الاشاره

والله المستعان

[koogak]

اخوي المخالفة ما تنزل عليك
لأن اللي يسجل عليك مخالفه راح يشوف بالصورة انك قطعت الاشارة بسبب الاسعاف
ولو صار انسان مفهي وسجل المخالفة 5 دقايق عند الناصرية ويشيلونها عنك

اقطع وانت تضحك بس انتبه لا يجيك واحد مطيور

[ساهر حايل]

والله موقف اخوووووووووووووي بس انا عن نفسي ماقطعها لأنهم حطو نظام فاشل لأبعد الحدود والمريض له الله وعلى ذمتهم لو صار له شي ...

[abumohammad99]

للعلم صورة ساهر في الإشارة ياخذونها

ثابت و فيديو

ويدقق عليها اكثر من موظف في الشركة

واكيد بيشوفون الإسعاف ولا تحسب عليهم مخالفات.

[Shqra]

ما راح أقطعها ويمدحون الإسعاف الجوي

[كاشت وحداني2]

صحيح كلام الاخوان
كاميرات ساهر عناك موظفين يطلعون على تسجيلها واذا كان القطع لسبب يستاهل لاتنزل المخالفه
وحدث معي موقف مشابه

تم الإرسال من جهازي GT-I9300 بواسطة تاباتوك 2

[ناصح]

نشكرك على الموضوع

لن يعتبر غير مكشاتي