المكينة ترج وأنا ماشي و لما طفيت السيارة تدق بس ما تشتغل

[الأمير ksa]

السلام عليكم و رحمة الله و بركاته


صباح / مساء الخير


شباب اليوم شغلت السيارة و رحت لمشوار و فجأة أحس السيارة ترج و أنا ماشي الهمم وقفت و فتحت الكبوت المكينة ترج و طفيتها و رجعت شغلتها نفس المشكلة و رحت مشوار ثاني و طفيتها و بعدها أشغل تدق بس ما تشتغل , رحت جيت كهربائي و فحص الفيوزات الخارجية و الداخلية و قالي المشكلة عندك 200% من ( طرمبة البنزين ) و شيك على سير التايمن وقال المشكلة طرمبة بنزين ..



س / معقولة طرمبة البنزين ترج بالمكينة و بعدها بفترة تطفي و تدق و ما عاد تشتغل ؟؟



الشباب اللي يعرف وين تنباع طرمبة بنزين الابيكا 2004 و كم سعرها لإنها صارت معاي قبل سنة و رهمت قلب الطرمبة بسبب إني ما حصلت قلب طرمبة بنزين ابيكا أو إذا فيه طرمبة بنزين ثانية ممكن تترهم أتمنى تفيدوني ..



أجمل تحية ,,

[الأمير ksa]

أنا سمعت عن ترهيم طرمبة اللاند كروزر

و ش رايكم تصير

[Magellan]

أقول اخوي تأكد من سير التيمن لايصير منقطع
يعني افحصها عند واحد ثاني
بصراحة الرجة والطفية ماتجي بالمخ انها من الطرمبة
الطرمبة خرابها ضعف عزم وطفية اما رجة لا والف لا
وعشان تعرف خراب الطرمبة قس ضغطها بعد ماتدق سلف بدون تشغيل السيارة وتأكد كم يعطيك المؤشر

[الأمير ksa]

هلا فيك أخوي Magellan

الكهربائي لما جاء فحص الفيوزات و بعدين حرك الغطاء حق سير التايمن وقالي دق و لما دقيت قالي سير التايمن يدور و مشكلتك طرمبة بنزين و سير التايمن مغيره قبل 25000 ألف كيلو

و أنا بعلمك بالضبط شغلت السيارة ما فيها إلا العافية و أنا ماشي حسيت برجة بالسيارة هديت ووقفت و فتحت الكبوت وأناظر إلا المكينة تتحرك بشكل واضح مع الرجة و السيارة واقفة و حطيتها بدي ومشيت ونفس الحركة ترج المكينة و أنا ماشي حسيت أنها كتمت شوي و ما طفت لا أنا وقفت وطفيتها بنفسي


انتظر رأيك

[الأمير ksa]

و العزم ضعيف وتعشيقات القير ماهي مضبوطة


و اللي أعرفه اخوي Magellan إن سير التايمن إذا انقطع تطفي مرة وحدة و لما تدقها تدق لكن ما تشتغل

[azq]

خوي العزيز جيك على فلتر البانزين قد يكون فيه تراكم اوساخ ....... هذا بعد التأكد من ان الفيت بم يعمل جيداً .... جيك على النوزلات قد تكون وسخة ايضاً .......... من اسباب اتساخها العتعتة وثم الخمود واحياناً الانطفاء .. وجيك على البلكات وكويلتها قد يحتاج تبديلها ابدأ واحدة واحدة ...... وبالتوفيق

[ls1.5700]

يمكن تكون الطرنبه مثل ماقللك المهندس
والمفروض المهندس عنده ساعة قياس للطرنبه ويقطع الشك باليقن بدون تكهنات
وديها لغيره عند ورشه عندهم ساعه ويعطيك العلم الاكيد احسن لك من الخساير
اخاف تفكه وتغيره وتطلع المشكله من غيره
وشيك على كتاوت الطرنبه (رلي) يمكن هو المشكله الحقيقيه ماهي الطرنبه
والله يسر امورك

[الأمير ksa]

يمكن تكون الطرنبه مثل ماقللك المهندس
والمفروض المهندس عنده ساعة قياس للطرنبه ويقطع الشك باليقن بدون تكهنات
وديها لغيره عند ورشه عندهم ساعه ويعطيك العلم الاكيد احسن لك من الخساير
اخاف تفكه وتغيره وتطلع المشكله من غيره
وشيك على كتاوت الطرنبه (رلي) يمكن هو المشكله الحقيقيه ماهي الطرنبه
والله يسر امورك


هلا فيك أخوي

الكتاوت فحص الفيوزات الخارجية و من ضمنها حق البنزين الكتاوت و قالي المشكلة طرمبة بنزين

و هو كهربائي كان قريب يوم السيارة عيت تشتغل لكن بسألك ساعة القياس هاذي تبين خراب الطرمبة تدري ما عمري سمعت فيها إلا منكم

و كتاوت الطرمبة ما استبعدها خربت علي بالفورد و الطرمبة لكن بجيب واحد يكشف عليها و أي شيء يستجد معاي بكتبه إن شاء الله

[الأمير ksa]

شباب جبت كهربائي و فحص الفيوزات و حاولنا نشغلها و لما شغلت طلعت طقة و مشيت عليها للبيت ويوم وقفت لقيتها خالطه الزيت مع الماء و تفتف و طفيتها ..

فيه ناس قالولي غير الوجه حق الرأس و يمكن من البستم ولما شغلت طلع صوت طقة

في انتظاركم

[الأمير ksa]

و إلى الان ما طلع دخان

لكن هل تكلف تغيير وجه الرأس و ش تنصحوني

[الأمير ksa]

مع العلم إني حطيت ( ستوب ليك ) قبل 4 أيام و الرجة جتني أمس و اليوم بعد معاناة اشتغلت طلع صوت طقة و لما مشيت وووقفتها عند البيت لقيتها خالطة الزيت مع الموية

تتوقعون الستوب ليك له دخل و اللي هو يصلح وجه المحرك

أنا خايف إن المشكلة منه ..

في انتظاركم

[كبسولة2]

حياك الله أخي الكريم

على كلامك تقول خالطة زيت مع الماء !!!!

وش نوع الزيت الي وجدته هل هو زيت مكينة أو زيت جربكس ؟؟؟

لأن زيت الجربكس يبرد في رديتر الماء

على العموم إذا الزيت الموجود في الرديتر زيت جربكس تحتاج

رديتر جديد أو يفك الرديتر القديم ويصلح مبرد الزيت

إذا الزيت زيت مكينة معناته السيارة مخبطة تحتاج توضيب

والمادة التي تمنع التسرب هذه تنفع في بداية المشكلة لسد التهريبات

في الرديتر واليات والثلاجة والمواصير وأطراف وجه الراس

[الأمير ksa]

حياك الله أخي الكريم

على كلامك تقول خالطة زيت مع الماء !!!!

وش نوع الزيت الي وجدته هل هو زيت مكينة أو زيت جربكس ؟؟؟

لأن زيت الجربكس يبرد في رديتر الماء

على العموم إذا الزيت الموجود في الرديتر زيت جربكس تحتاج

رديتر جديد أو يفك الرديتر القديم ويصلح مبرد الزيت

إذا الزيت زيت مكينة معناته السيارة مخبطة تحتاج توضيب

والمادة التي تمنع التسرب هذه تنفع في بداية المشكلة لسد التهريبات

في الرديتر واليات والثلاجة والمواصير وأطراف وجه الراس

هلا كبسوله

خالطة موية مع زيت مكينة لكن سير التايمن ما فيه شيء

تتوقع بس اغير وجه الرأس او الرأس كامل

لإني بوديها بكرة و إن شاء الله تكون بس رأس مكينة

[mekshaat]

رجة المكينه وصعوبة تشغيلها بسبب وجيه الراس رايحه
فيها وتسحب هوا المشكله هذي قد صارت معي وعانيت
منها السياره ماتشتغل واذا اشتغلت بصعوبه تفضي البطاريه
واضطر أعطيها اشتراك الين تشتغل وفيها تفتفه قويه والسبب
مثل ماذكرت وجيه الروس معدومه وتسحب هوا وانتبه طرمبة
البنزين ونظام الوقود مالها علاقه بالموضوع صلح وجيه
الروس وتضبط .

[ls1.5700]

مثل ماقالك اخونا المهندس مكشات بالضبط
كلاامه في محله المشكله وجيه راس فقط غيره
بدون توضيب لايضحكون عليك اهل الورش
موترك اكيد جايه حراره قويه قبل مما سبب لك
تهتك في وجه الراس

[mekshaat]

مثل ماقالك اخونا المهندس مكشات بالضبط
كلاامه في محله المشكله وجيه راس فقط غيره
بدون توضيب لايضحكون عليك اهل الورش
موترك اكيد جايه حراره قويه قبل مما سبب لك
تهتك في وجه الراس

الصراحه اخوي اني ماني مهندس ههه لكن اذا قريت عن مشكله وسبق مرت
علي بالسياره مشكله مشابهه لها كتبت عنها يعني التجربه أحيانا تخليك تعرف
عن مشكله يمكن المهندس مايفهم فيها لأنها مرت عليك ولا مرت عليه عموما
كلامك صحيح أكيد محتره السياره من قبل وهذي نفس مشكلتي اللي ذكرتها
السياره احترت وراحت وجيه الروس لكن سبق ذكر لي شخص عن معلومه
لو ارتفعت الحراره بسبب تهريب المويه يعني طلعت المويه برا واحترت المكينه
ماتتأثر المكينه أو وجيه الروس بشكل قوي مثل لو كانت المويه موجوده فيها.

[الأمير ksa]

الله يعطيكم العافية شباب و فيكم الخير و البركة


و للامانة ريحتوني على كلامكم لا توضيب ولا شيء بس يفك رأس المكينة و يغير وجه الرأس فقط


طيب و الزيت اللي اختلط بالموية وش يسوي فيه كم تكلفني الشغلة


و بالفعل السيارة جتها تفتفة و رجة مكينة لكن الحرارة ما ارتفعت


انا كنت اعاني من نقص موية من سنة و بعض المرات اناظر الاقي الحرارة فوق النص و اطفيها و على هالحال سنة كاملة و اكيد تلف وجه الرأس



و هل يحتاج الرأس مسح مع العلم إنه كان متأكل من جنب المكينة وهرب موية وضبطته بسيلكون


وشرايكم


انتظركم

[الأمير ksa]

مكشات - ls1.5700


طرمبة البنزين تم التشييك عليها اليوم و الامور تمام شغالة و لها صوت زززززززززز و مشيت بالسيارة وفجأة لقيتها خالطة الزيت بالموية


و كانت تفتف و ترج المكينة وقفتها و بكرة بوديها للصناعية


إذا فيه ورشة بشرق الرياض أتمنى تفيدوني


و مشكورين و الله يعطيك العافية و قواكم الله

[الأمير ksa]

شباب اليوم غيرت بواجي و صفت لمدة نص ساعة وبعدين قامت تفتف

و طلع فيه بلف قافل و قالي الميكانيكي لازم فك راس المكينة وتغيير وجه رأس المكينة و نشوف

و قامت تطلع موية من الشكمان و قالي هاذي من تنسيم وجه الرأس

و أي شيء يستجد بعطيكم خبر

[ls1.5700]

الله يعينك
توكل على الله وفكه
وعطنا خبر

[الأمير ksa]

على خير ان شاء الله

طب كم يكلف فك الرأس

و إذا فيه ورشة تنصحني فيها بالرياض

و العلم ان البلف اللي قافل البوجي حقه صار عليه زيت و تم التغير و تأكدنا انه من البلف

[الأمير ksa]

هلا شباب

فكينا رأس المكينة و طلع وجه الرأس محروق و الموية تهرب على السلندر بسبب الوجه و تسبب رجة المكينة و يطلع موية من الشكمان

و الرأس من تحت الوجه متأكل شوي من الموية العادية اللي كنت اعبيها لإنه كل يوم ينقص الموية

و قالي بنوديه مخرطة و بنشوف ينلحم الرأس المنيوم و لا ما ينلحم و إذا لا رح اشتر رأس من التشليح

برأيكم التلحيم إذا قدروا يلحمونه ما يسبب مشاكل ولا أغير الرأس كامل مع العلم إنه ما فيه إلا هالمشكلة

البلوف ما فيها شي و البساتم و حتى السلندر سليم

رأيكمـ

أجمل تحية ,,

[ls1.5700]

اخوي امسح الراس وركب وجهين دبل ويضبط
الا اذا كان فيه كسر او شعر ماينفع الاحام

[الأمير ksa]

هلا فيك أخوي المكيانيكي وداه للمخرطة و قال ما ينفع اللحام ولازم تجيب رأس مكينة من التشليح


و الله يعين بروح ادور لكن اخاف انه غالي


أجمل تحية ,,

[الأمير ksa]

رحت للتشليح اليوم

و اشتريت رأس من التشليح و قالولي الرأس سليم لكن نعطيك الخبر الاكيد اليوم من داخل هل البلوف متكسرة و طبعا بلوف الرأس اللي شريته مطعوجة و قالي بنركب بلوف راسك القديم و هي سليمة

وشرايك

و أي شيء يستجد بعطيكم خبر

أجمل تحية ,,

[الأمير ksa]

رحت لهم بالليل و قالوا لي الرأس سليم و ما فيه تأكل و اخذوا بلوف الرأس القديم و حطوها على الرأس الجديد
و صنفروا البلوف و قالي الرأس ما يحتاج مسح تركب وجه واحد بس ..



أجمل تحية ,,

[الأمير ksa]

هلا بكـم


اليوم طلعت السيارة و شغلتها عنده في بداية التشغيل طلع صوت طقطقة خفيف و راح و قالي هذا من تكايات البلوف و بيروح و إذا ما راح بغيرهم لكـ المهم صار معاي موقف غريب شوي


طلعت من عندهم و كل ما أهدي عند مطب ولا أوقف السيارة واحطها بـ n أو d تطلع لمبة الزيت تأشر بسرعة و لما ادعس بنزين تختفي وقفت شيكت عند البنشري وقالي الزيت ما فيه إلا شوي بس و غير الزيت من جديد
طبعا الزيت اللي جبته للورشة كاسترول 10 / 30 خفيف 4 علب مع السيفون و لما غيرته قبل شوي كاسترول 20 / 50 ثقيل
و الامور إلى الان طيبة مع العلم إن ما فيه تهريب وين راح الزيت انا ما ادري و كلمت الميكانيكي و قالي مرني بكرة إذا صار معاك شيء تتوقعون وين راح الزيت الخفيف طبعا ..


و أنا حطيت ثقيل هل هو مناسب للسيارة بعد فك الرأس


انتظركم ,,

[yousef1410]

تحذير من زيت كاسترول ....
http://www.sahab-alkher.com/vb/showthread.php?t=9712