ارجو الدخول من جميع اهل الخبرة بشبك الصقور

[هاوي المراقيب]

بسم الله الرحمن الرحيم

وبه نستعين

تحياتي واشواقي لجميع الاخوة الاعضاء والمشرفين في هذا المنتدي العريق

يالربع وش الحل بالشيهانة او الحر الوحش اللي اذا حصلتها ورميت لها

الحمام او الفري او القميري ولم تهد يعني ماهي يم اللي رميته هل تنظرها

فترة طويله او تبعد بالموتر حقك عشان تختفي عن نظرها لاني احترت من

كثير من الاجابات من جميع القوانيص اللي اعرفهم

والا وش الحل بالضبط اذا رفضت ماهدت علي الفريسة

اتمني من الجميع يعطوني الاجابة الوافيه

[حر اشعل]

ونفس الشي أرمي لها قطاه
وشوف لاتبعد مره يعني بعد مسافه لاتكون تهديد لطير

[عواد الشمري2]

مهو مقسسوم لك

[عابر الموج]

الانسان يسعى والارزاق عند الله استخدم شبكة المناشبية وضع جربوع فيها او استخدم نقل واذا لم تفلح كل المحاولات احضر طير يشابك الطيور وهد له حمامة قدام الوحش يشبكه والطرق واجد واولا واخيرا المقسوم يجيك لو ماتعنيت فيه تقبل تحياتي

[الرمح المسموم]

مثل ماقال عواد الشمري

[الروقي نت]

نقطه مهمه جدا نسيتوها ياصقاره
تأكد أخي العزيز ان الطير لايمكن يهد وحولك عقاب
اذكر لك قصه حصلت معي شخصيا لقيت قرناس حر ورميت له من كل نوع وللأسف ماهد ولا على وحده ابدا
ابتعدت عن الطير ماهد ايضا واثناء مراقبتي للطير لاحظته يلتفت ويكثر الإلتفات عن يمينه عندها اخذت الدربيل وادربل بين الحصى الا والله هاك العقاب وصراحه قريب من الطير فسقت الموتر عليه وطيرته بعيد عن الطير
فتصدق اثناء مطاردتي للعقاب على طول هد القرناس وجابه الله (هذي نقطه مهمه يغفل عنها بعض الصقاره)