@@@كخة الطير@@@

[ابرق الحرار]

عندي طير له سنتين وكرية عمرها خامس شريتها وحش ودهلتها تدهيل طيب لكن فيها كخة تقول طير توه مطروح ولا تدنى المسح على نحرها ابد هل هاذا يعيب الطير علما انها تطرح الكروان وتهد على الحمام وتنقل على اليد طبيعي ولا يوجد هناك عيوب هل هذا طبع او ممكن يتغير علما ان لها سنتين على هذا الحال

[بدوي نمبر ون]

اخاف ان فرستها فيها جرح وليا مسحت عليها حست بالوجع وكخت تاكد من هالنقطه

[ابرق الحرار]

اخوي كلامي واضح اقول من سنتين بس من وقت مامد يدي عليها وهي كاخه

[البحري ولبري]

سلام عليكم .... نصيحتي تفحص منضار في العيادة يمكن يكون في لتهاب

[ابو خالد 1991]

اخوي من باب الاحتياط افحصها لانها روح مسؤوله منك لكن الكخه ما تعيب الطير لا كان صايد و ربيب بس عندي سؤال هل بتقدر تمسح على اطير ولا لا
وتقبل مروري

[ابرق الحرار]

ماتقدر تمسح الااذا سايسته براحه

[دنيا بلا معنى]

الله يعينك وبعض الطيور يكون فيها كلخه او صيحه طبيعي
انا عندي شيهانه ما غير تصيح من تفك برقعها رغم اني مهدلها تهديل طيب لكن خلص طبع يصير بالطير وانا اعتبره عيب بالطير

[ابرق الحرار]

هل الشنذرة ستحد من وحشتها ام لا علما انني غير مقتنع بالشنذرة